Génesis 6:8 - Q'eqchi Bible

⁸ Ab'anan laj Noé usilal kixtaw rik'in li Qaawa'.

Li Santil hu

⁸ Abanan laj Noé quitokꞌoba̱c ru xban li Dios.

Génesis 6:8 ပူးပေါင်းရင်းမြစ်များ

Génesis 19:19

Laa'in xintaw usilal cheru ut xnimal usilal xeb'aanu we naq xekol linyu'am; ab'anan ink'a' truuq tinxik sa' li tzuul. Mare anchal tinxtaw li rahilal ut li kamk.

Hebreos 4:16

Jo'kan utan, jiloqo chi tuqtuuq qach'ool rub'el roq wan wi' li usilal; ut chi jo'kan toxqak'ul li ruxtaan ut toxqataw li rusilal re naq tenq'anb'ilaqo tz'aqal sa' xq'ehil.

San Lucas 1:30

Toja' naq kiyehe'k re xb'aan li ánjel: —Matxiwak, María, xb'aan naq usilal xataw rik'in li Yos.

Salmos 84:11

Jwal us cho'q we li wank jun kutankaq sa' xneb'aal laamuheb'aal chiru linwanjik sa' li wochoch chiru k'iila chihab'; q'axal ninrahi ru hilank sa' xmu rochoch linYos chiru li wank sa' xmuheb'aaleb' li ink'a' useb' xch'ool.

Tito 2:11

Xb'aan naq ak xk'utunk li xnimal rusilal li Yos chiruheb' chixjunil:

1 Corintios 15:10

Ab'anan sa' xk'ab'a' li rusilal li Yos xinkanaak chi jo'ka'in jo' yookex chi rilb'al; ut li rusilal li Yos ink'a' xkanaak chi maak'a' rajb'al wik'in, xb'aan naq q'axal kaw wi' chik xink'anjelak chiru chixjunileb' a'an. Ab'an moko laa'in ta, a' b'an li rusilal li Yos li wank wik'in.

Proverbios 3:4

Chi jo'kan osob'tesinb'ilaqat xb'aan li Yos ut taak'ehe'q aaloq'al xb'aaneb' li tenamit.

Salmos 145:20

Li Qaawa' naxk'aak'aleheb' li neke'rahok re, ab'an naxsach ruheb' li ink'a' useb' xna'leb'.

Romanos 4:4

Wi ani yo chi k'anjelak ut naxk'ul xtojb'al, a'in ink'a' nak'ehe'k re yal jo' xmaatan, ak re aj b'an wi' naq naxk'ul.

Hechos 7:46

A'in kixtaw usilal chiru li Yos ut kixtz'aama xyiib'ankil xmuheb'aal li xYos laj Jakob.

Proverbios 12:2

Li Qaawa' narusila ru li chaab'il xch'ool ut naraqok aatin sa' xb'een li ink'a' us xna'leb'.

2 Pedro 2:5

Jo'kan ajwi', us ta kixkol laj Noé, laj yehol resil li tiikilal, jo'wi' wuqub' chik rochb'eeneb', ab'an ink'a' kixkuy xmaak li ruuchich'och' kiwank najter; kixtaqla b'an li b'ut'iha' sa' xb'een li ruuchich'och' nujenaqeb' chi aj maak.

Proverbios 8:35

Xb'aan naq ani natawok we, naxtaw li yu'am, ut li Qaawa' naxk'ut li rusilal.

Jeremías 31:2

Jo'ka'in kixye li Qaawa': “Sa' li chaqich'och' kiwil xtoq'ob'aal ru li tenamit li kikole'k chiru li kamk. Naq laj Israel yo xsik'b'al jun li na'ajej taahilanq wi',

2 Timoteo 1:18

A' taxaq li Qaawa' chi'uxtaananq ru sa' li Kutan a'an, ut jo'ch'inal jo'nimal li chaab'il k'anjel xb'aanu we aran Éfeso, laa'at nakanaw chi us.

Gálatas 1:15

A'ut li Yos li kisik'ok wu chalen chaq sa' linsiyajik rik'in linna' ut kinxb'oq xb'aan xnimal rusilal, kixk'ul xch'ool xk'utb'al chiwu li Ralal, re naq tinpuktesi resil sa' xyanqeb' li maawa'eb' aj Judiiy. Toja' naq ink'a' koxinpatz' inna'leb' re junaq winq

Romanos 11:6

Wi ut sa' xk'ab'a' li rusilal, a'an maawa' chik sa' xk'ab'a'eb' xb'aanuhom; wi ta ink'a' jo'kan, li usilal maawa' raj chik usilal.

Tito 3:7

re naq tiikob'resinb'ilaq qach'ool xb'aan li rusilal ut taaqeechani li junelik yu'am rik'in li loq'laj oyb'enink.

San Mateo 24:37

“Li k'aru kik'ulmank naq kiwank laj Noé, taak'ulmanq ajwi' sa' xk'ulunik li K'ajolb'ej.

San Lucas 17:26

“Li k'aru kik'ulmank naq kiwank laj Noé, taak'ulmanq ajwi' sa' xkutankil li K'ajolb'ej.

1 Pedro 3:20

Eb' a'an najter q'e kutan ink'a' ke'paab'ank naq ke'oyb'eniik xb'aan li xnimal xkuyum li Yos, sa'eb' li kutan naq laj Noé yo chaq chi xyiib'ankil li jukub' kab'l. Chisa' a'an ink'a' k'iheb' li ke'kole'k xb'aan li ha': yal waqxaqib'eb' ajwi'.

Ezequiel 14:14

Ut wi sa' li tenamit a'an wanqeb' laj Noé, laj Danel ut laj Job, ka'ajwi' eb' a'an te'kole'q xb'aan li xtiikilaleb' xch'ool -chan li Qaawa'-.