Génesis 6:18 - Q'eqchi Bible

¹⁸ Ab'anan aawik'in tink'ojob' jun sumwank: tat-ok laa'at sa' li jukub' kab'l aawochb'eeneb' laawalal, laawixaqil ut eb' laawalib'.

Li Santil hu

¹⁸ La̱in tinba̱nu jun li contrato a̱cuiqꞌuin. Tat-oc saꞌ li jucub cab la̱at ut eb la̱ cualal ut la̱ cuixakil joꞌ eb ajcuiꞌ li rixakileb la̱ cualal teꞌoc saꞌ li jucub cab.

Génesis 6:18 ပူးပေါင်းရင်းမြစ်များ

Hebreos 11:7

Sa' xk'ab'a' li xpaab'aal laj Noé kirab'i resil li k'aru toj maji' na'ilmank ru; kixxiwa ru li Yos ut kixyiib' li jukub' kab'l re xkolb'al li xjunkab'al. Ut sa' xk'ab'a' li xpaab'aal kixtz'eqtaana li ruuchich'och' ut koxreechani li tiikilal li nachalk xb'aan li paab'aal.

Génesis 7:7

Laj Noé ki'ok sa' li jukub' kab'l rochb'eeneb' li ralal, li rixaqil ut li ralib'eb' re xkolb'aleb' rib' chiru li b'ut'iha'.

Génesis 17:7

Tink'ojob' chi junajwa linSumwank aawik'in, jo' ajwi' rik'ineb' laawalal aak'ajol li te'wanq moqon. Laa'inaq laaYos ut xYoseb' ajwi' laawalal aak'ajol chi junelik.

Génesis 7:13

Sa' ajwi' li kutan a'an ki'ok laj Noé sa' li jukub' kab'l rochb'eeneb' li ralal, laj Sem, laj Kam ut laj Jafet. Ki'ok ajwi' li rixaqil ut chi roxichaleb' li ralib',

Isaías 26:20

At intenamit, okan sa' laamuheb'aal ut tz'ap li okeb'aal chawix. Chamuq aawib' jun k'amokaq toja' re naq taanume'q xjosq'il li Qaawa'.

2 Pedro 2:5

Jo'kan ajwi', us ta kixkol laj Noé, laj yehol resil li tiikilal, jo'wi' wuqub' chik rochb'eeneb', ab'an ink'a' kixkuy xmaak li ruuchich'och' kiwank najter; kixtaqla b'an li b'ut'iha' sa' xb'een li ruuchich'och' nujenaqeb' chi aj maak.

1 Pedro 3:20

Eb' a'an najter q'e kutan ink'a' ke'paab'ank naq ke'oyb'eniik xb'aan li xnimal xkuyum li Yos, sa'eb' li kutan naq laj Noé yo chaq chi xyiib'ankil li jukub' kab'l. Chisa' a'an ink'a' k'iheb' li ke'kole'k xb'aan li ha': yal waqxaqib'eb' ajwi'.

Génesis 7:1

Chirix chik a'an li Qaawa' kixye re laj Noé: “Okan sa' li jukub' kab'l laa'at ut chixjunileb' li wankeb' sa' laawochoch, xb'aan naq xwil naq ka'jat wi' laa'at tiik aach'ool sa' li tenamit a'in.

Génesis 17:21

Ab'anan tink'ojob' linSumwank ka'ajwi' rik'in laj Isahak, li taayo'laaq rik'in lix Sara sa' li chihab' chalk re, sa'eb' li kutan a'in”.

Génesis 17:4

“A'an a'in linSumwank aawik'in: laa'ataq xyuwa'il li k'iila teep chi tenamit.