Génesis 50:5 - Q'eqchi Bible

⁵ «Naq yo chi wulak xq'ehil li xkamik, linyuwa' xye we: Kamk we; tinaamuq sa' li muqleb'aal inhopom chaq sa' xch'och'eb' laj Kanahán, chan. Ut laa'in xinb'aanu li jurament rik'in. Anaqwan b'i' kanab'in chi xik chi xmuqb'al linyuwa' ut, akaq xinb'aanu chaq a'in, tinsutq'iiq chaq wi' chik»”.

Li Santil hu

⁵ Ut te̱ye re chi joꞌcaꞌin: Junxil nak toj yoꞌyo lin yucuaꞌ, la̱in xinba̱nu li juramento riqꞌuin. Ut lin yucuaꞌ quixye cue, “Chi se̱b nincam,” chan cue. “Ta̱ba̱nu li usilal. Tina̱muk chak aran Canaán saꞌ li naꞌajej li ac becbil inban junxil saꞌ li ochoch pec li cuan Macpela,” chan cue lin yucuaꞌ nak toj yoꞌyo. Ut anakcuan tintzꞌa̱ma usilal che̱ru nak te̱ye re laj faraón nak tinixcanab chi xic aran chixmukbal inyucuaꞌ camenak. Caꞌaj cuiꞌ toxinmuk chak lin yucuaꞌ ut tinsukꞌi̱k cuiꞌchic arin, chan laj José reheb.

Génesis 50:5 ပူးပေါင်းရင်းမြစ်များ

Isaías 22:16

li yo xyiib'ankil xmuqleb'aal chi tzuul ut yo xpikb'al sa' li pek cho'q xmuheb'aal, ut ye re: «K'aru nakab'aanu arin? Ani xyehok aawe naq xayiib' aamuqleb'aal arin?

2 Crónicas 16:14

ut kimuqe'k sa' li xmuqleb'aal kixk'e chi yiib'aak sa' xtenamit laj David. Ke'xk'e sa' xb'een jun li ch'aat nujenaq chi k'iila paay chi sununkil b'an, k'uub'anb'ileb' chi chaab'il, ut ke'xloch jun nimla xam sa' xk'ab'a' li kamenaq.

San Mateo 27:60

ut kixk'e sa' li xmuqleb'aal toj ak' xhopb'al sa' pek. Kixtolk'osi jun nimla pek chire li muqleb'aal ut koho.

Eclesiastés 12:7

Naq taachalq li kutan a'an, pojtz' tatsutq'iiq wi', xb'aan naq pojtz' okenaqat; ut laamusiq' taasutq'iiq wi' chik rik'in li Yos xb'aan naq A'an kik'ehok aawe.

Eclesiastés 12:5

Ut laa'at tatxiwaq chi wank sa' jun li na'ajej najt xteram, ut yooq aaxiw naq tatb'eeq. Naq taachalq li kutan a'an, taa'atz'umaq li almeendr, laj saak tixkelo rib' xb'aan xcheekal, ut maak'a' chik xk'anjel li sahil q'een. Xb'aan naq yookat chi xik sa' li na'ajej tatkanaaq wi' chi junelik. K'e reetal, sa' li b'e ak yo chi ab'iik xyaab'eb' li neke'huyhutk chi yaab'ak xb'aan laakamik.

Eclesiastés 6:3

Wi junaq najt roq li xyu'am ut o'k'aal ralal taawanq, ab'anan wi ink'a' naxyal xsahil li k'aru wank re chi moko namuqe'k sa' xyaalal, laa'in ninye naq q'axal chik us junaq k'uula'al li xyo'laak chi kamenaq chiru li winq a'an.

Salmos 79:3

Kama' li ha' naq xe'xhoy li xkik'eleb' chi xsutam Jerusalén, ut maajun xmuquk reheb'!

Li xHu LAJ JOB 30:23

Ninnaw naq laa'at taawaj tinkamq re tinxik sa' li na'ajej toxe'kanaaq wi' chixjunileb' li yo'yookeb'.

1 Samuel 14:43

Toja' naq laj Saúl kixye re laj Jonatán: “Ye we k'aru xab'aanu”. Kichaq'ok laj Jonatán: “Maak'a', ka'ajwi' xinyal b'a'b'ay li xya'al kab' chi ru'uj linxuq'. We'kin re kamk”, chan.

Deuteronomio 4:22

Jo'kan naq laa'in tinkamq sa' li na'ajej a'in ut ink'a' tinq'ax Jordán. Ab'an laa'ex texnume'q junpak'al ut teereechani li chaab'il ch'och' a'an.

Génesis 50:24

Sa' jun kutan laj José kixye reheb' li ras: “Kamk we, ab'anan ch'olch'o naq li Yos tulextenq'a ut texrisi sa' li tenamit a'in, re texxik sa' li ch'och' kixyeechi'i rik'in jurament re laj Abrahán, laj Isahak ut laj Jakob”.

Génesis 48:21

Toja' naq laj Israel kixye re laj José: “Kamk we laa'in; ab'anan li Qaawa' wanq eerik'in ut texxsutq'isi sa' li xna'ajeb' leexe'toonil yuwa'.

Génesis 3:19

Rik'in xtiqob' laapeekem tatwa'aq, toj reetal tatsutq'iiq sa' li ch'och' xat-elk wi' chaq. Xb'aan naq pojtz' okenaqat chaq ut pojtz' tatsutq'iiq wi' chik”.

Génesis 50:4

Naq ak ke'nume'k li kutan kiwank wi' li rahil ch'oolejil, laj José ki'aatinak rik'ineb' li wankeb' sa' rochoch laj Parahón chi jo'ka'in: “Wi usilal xintaw cheru, b'aanuhomaq usilal, yehomaq chaq re laj Parahón li esilal a'in:

Génesis 50:6

Kixye laj Parahón: “Ayu ut toxaamuq chaq laayuwa', kama' xaye re rik'in jurament”.