Génesis 50:24 - Q'eqchi Bible

²⁴ Sa' jun kutan laj José kixye reheb' li ras: “Kamk we, ab'anan ch'olch'o naq li Yos tulextenq'a ut texrisi sa' li tenamit a'in, re texxik sa' li ch'och' kixyeechi'i rik'in jurament re laj Abrahán, laj Isahak ut laj Jakob”.

Li Santil hu

²⁴ Saꞌ jun li cutan, laj José quixye reheb li ras: —La̱in chi se̱b nincam. Li Ka̱cuaꞌ Dios ta̱ilok e̱re chi junelic. Ut aꞌan ta̱isi̱nk e̱re saꞌ li tenamit aꞌin ut texcꞌam cuiꞌchic saꞌ li tenamit Canaán. Aꞌan li chꞌochꞌ li yechiꞌinbil chak najter xban li Ka̱cuaꞌ Dios reheb laj Abraham, laj Isaac ut laj Jacob, chan.

Génesis 50:24 ပူးပေါင်းရင်းမြစ်များ

Génesis 35:12

Li ch'och' li xink'e re laj Abrahán ut re laj Isahak tinq'axtesi aawe jo' ajwi' reheb' laawalal aak'ajol chirix laakamik”.

Génesis 26:3

Wanqat jo' aj numel sa' li ch'och' a'in ut laa'in tatintenq'a ut tatwosob'tesi, xb'aan naq aawe ut reheb' laawalal aak'ajol tink'e chixjunil li na'ajej a'in, ut wank sa' inch'ool li jurament li kinb'aanu rik'in laj Abrahán laayuwa'.

Génesis 28:13

Kiril ajwi' li Qaawa' wan chaq sa' xb'een li taqleb'aal ut kirab'i li aatin a'in: “Laa'in li Qaawa', xYos laj Abrahán laayuwa' ut xYos laj Isahak. Li ch'och' sotsookat wi' tink'e aawe ut reheb' laawalal aak'ajol.

Génesis 48:21

Toja' naq laj Israel kixye re laj José: “Kamk we laa'in; ab'anan li Qaawa' wanq eerik'in ut texxsutq'isi sa' li xna'ajeb' leexe'toonil yuwa'.

Génesis 46:4

Laa'in tinxik aawochb'een aran Ejiipt, ut laa'in ajwi' tinsutq'isinq chaq aawe arin. Laj José taatz'apoq re xsa' laawu”.

Génesis 15:18

Sa' li kutan a'an li Qaawa' kixk'ojob' jun Sumwank rik'in laj Abrán: “Xink'e li ch'och' a'in reheb' laawalal aak'ajol chalen chaq sa' li nima' re Ejiipt toj sa' li nimla nima', a' li Éwfrates.

Génesis 15:7

Ut li Yos kixye re: “Laa'in li Qaawa' li kin'isink chaq aawe sa' li tenamit Ur, sa' xteepal Kaldeha, re xk'eeb'al li ch'och' a'in cho'q aana'aj”.

Génesis 13:17

Xaqlin, suti li ch'och' jo' najtil li roq ut jo' xnimal li ru, xb'aan naq aawe tink'e”, chan li Qaawa'.

Génesis 13:15

Chixjunil li ch'och' li yookat chi rilb'al tink'e aawe ut reheb' laawalal aak'ajol chi junajwa.

Génesis 12:7

Aran li Qaawa' kixk'ut rib' chiru laj Abrán ut kixye re: “A'eb' laawalal aak'ajol tink'eheb' wi' li ch'och' a'in”. Toja' naq laj Abrán kixyiib' jun li artal re li Qaawa', xb'aan naq aran kixk'ut rib' chiru.

Hebreos 11:22

Sa' xk'ab'a' li xpaab'aal laj José, naq ak kamk re, kixye resil naq sa' jun kutan eb' li ralal xk'ajol laj Israel te'elq Ejiipt, ut kixk'e xchaq'rab'inkileb' chirix k'aru tkanaaq wi' li xb'aqel.

Hebreos 9:27

Teneb'anb'il sa' xb'eeneb' chixjunil naq jun sut ajwi' te'kamq ut, chirix chik a'an, a' chik li raqb'a aatin.

Romanos 5:12

Relik chi yaal naq xb'aan jun chi winq ki'ok chaq li maak sa' ruuchich'och', ut xb'aan li maak kichalk li kamk. Jo'kan naq li kamk kichalk sa' xb'eeneb' chixjunil li poyanam xb'aan naq chixjunileb' ke'maakob'k.

Eclesiastés 12:7

Naq taachalq li kutan a'an, pojtz' tatsutq'iiq wi', xb'aan naq pojtz' okenaqat; ut laamusiq' taasutq'iiq wi' chik rik'in li Yos xb'aan naq A'an kik'ehok aawe.

Eclesiastés 12:5

Ut laa'at tatxiwaq chi wank sa' jun li na'ajej najt xteram, ut yooq aaxiw naq tatb'eeq. Naq taachalq li kutan a'an, taa'atz'umaq li almeendr, laj saak tixkelo rib' xb'aan xcheekal, ut maak'a' chik xk'anjel li sahil q'een. Xb'aan naq yookat chi xik sa' li na'ajej tatkanaaq wi' chi junelik. K'e reetal, sa' li b'e ak yo chi ab'iik xyaab'eb' li neke'huyhutk chi yaab'ak xb'aan laakamik.

Li xHu LAJ JOB 30:23

Ninnaw naq laa'at taawaj tinkamq re tinxik sa' li na'ajej toxe'kanaaq wi' chixjunileb' li yo'yookeb'.

Deuteronomio 6:10

“Naq akaq xatroksi li Qaawa' laaYos sa' li ch'och' kixyeechi'i reheb' laaxe'toonil yuwa', a' laj Abrahán, laj Isahak ut laj Jakob, misachk sa' aach'ool li Qaawa'. A'an tixk'e aawe xninqal ut xsahilal ru tenamit ink'a' k'ojob'anb'ileb' aab'aan;

Deuteronomio 1:8

Ilomaq: laa'in xinq'axtesi li ch'och' a'an sa' eeruq'. Ayuqex ut eechaniiq li na'ajej li kixyeechi'i li Qaawa' sa' jurament reheb' leexe'toonil yuwa' laj Abrahán, laj Isahak ut laj Jakob, jo'wi' reheb' li ralal xk'ajoleb'», chan li Qaawa'.

Números 32:11

Eb' li winq li ke'elk chaq Ejiipt, chalen aj junqmay chihab', maajoq'e te'ok sa' li na'ajej inyeechi'om chi anchal linch'ool re laj Abrahán, laj Isahak ut laj Jakob, xb'aan naq ink'a' k'ojk'ookeb' xch'ool chiwix.

Éxodo 33:1

Kixye li Qaawa' re laj Moisés: “Ayu, elen arin aawochb'eeneb' li tenamit li kawisiheb' chaq Ejiipt, ut ayuqex sa' li ch'och' kinyeechi'i rik'in jurament re laj Abrahán, laj Isahak ut laj Jakob, naq kinye: Eb' aawalal aak'ajol tink'e wi' li na'ajej a'in.

Éxodo 4:31

Eb' laj Israel ke'xpaab' ut, naq ke'rab'i naq li Qaawa' xulrula'ani li xtenamit ut xk'e reetal li xrahilaleb', ke'xhupub' rib' chi loq'onink.

Génesis 50:5

«Naq yo chi wulak xq'ehil li xkamik, linyuwa' xye we: Kamk we; tinaamuq sa' li muqleb'aal inhopom chaq sa' xch'och'eb' laj Kanahán, chan. Ut laa'in xinb'aanu li jurament rik'in. Anaqwan b'i' kanab'in chi xik chi xmuqb'al linyuwa' ut, akaq xinb'aanu chaq a'in, tinsutq'iiq chaq wi' chik»”.

Génesis 21:1

Li Qaawa' kirula'ani lix Sara jo' yeeb'il chaq re, ut li Qaawa' kixb'aanu re lix Sara li b'arwan kixyeechi'i.

Génesis 17:8

Tink'e aawe ut reheb' laawalal aak'ajol li ch'och' a'in li wankat wi' jo' aj numel; chixjunil Kanahán tink'e chi reechaniheb' chi junajwa, ut laa'inaq xYoseb'”.

Génesis 3:19

Rik'in xtiqob' laapeekem tatwa'aq, toj reetal tatsutq'iiq sa' li ch'och' xat-elk wi' chaq. Xb'aan naq pojtz' okenaqat chaq ut pojtz' tatsutq'iiq wi' chik”.

Génesis 15:8

Kichaq'ok laj Abrán: “At inQaawa', k'aru tinnaw wi' naq tweechani a'an?”, chan.

Éxodo 3:8

Jo'kan naq xinkub'e chaq chi xkolb'aleb' sa' ruq'eb' laj Ejiipt, chi risinkileb' sa' li na'ajej a'an ut chi xk'amb'aleb' sa' jun li ch'och' chaab'il ut yamyo, sa' jun li ch'och' k'ajo' xq'emal, sa' xna'ajeb' laj Kanahán, laj Hit, laj Amor, laj Perés, laj Jib ut laj Jebús.

Éxodo 13:19

Ut laj Moisés kixk'am li xb'aqel laj Josehilq, xb'aan naq xyehom chaq laj José reheb' laj Israel: “Ch'olch'o naq li Yos tulexrula'ani; toja' naq xokomaq arin linb'aqel. Yehomaq jurament naq teek'am cherix”.

Josué 24:32

Li xb'aqel laj José li ke'xk'am chaq toj Ejiipt eb' li ralal xk'ajol laj Israel, kimuqmank aran Sikem, sa' li ch'och' kixloq' laj Jakob rik'ineb' li ralal laj Jamor, xyuwa' laj Sikem, chiru o'k'aal chi tumin, ut kikanaak moqon cho'q reechanihomeb' li ralal laj José.

Génesis 47:29

Naq yo chi wulak xq'ehil li xkamik, laj Israel kixb'oq laj José li ralal ut kixye re: “Wi usilal xintaw chawu, k'e laawuq' rub'el li wa' ut ye sa' jurament naq taab'aanu li ok we chi xtz'aamankil. B'aanu usilal, minaamuq arin Ejiipt!

Éxodo 12:41

Chiru ajwi' li kutan a'an, sa' xkooloninkil lajeeb' xka'k'aal xkab' o'q'ob' (430) chihab', ke'elk chixjunileb' li xteepal li Qaawa' sa' li tenamit a'an.

Éxodo 12:51

Ut sa' ajwi' li kutan a'an li Qaawa' kirisiheb' chi tzoltzo laj Israel sa' li tenamit Ejiipt.