Génesis 49:9 - Q'eqchi Bible

⁹ Laj Judá a'an ral li kaqkoj. Xatsutq'iik chaq aawochb'een laatzak, at walal: nakatunub' ut nakajilib' aawib' jo' junaq kaqkoj malaj ixqikaqkoj. Ani taak'ehoq re chi wakliik?

Li Santil hu

⁹ La̱at, Judá, la̱at joꞌ ral jun li cakcoj li cau rib chiru chixjunileb li xul. Joꞌcan nak nacatinjuntakꞌe̱ta riqꞌuin li cakcoj xban nak cau a̱cuib. Li cakcoj naxchap li xul ut naxtiu ut natakeꞌ saꞌ li tzu̱l, ut aran nabuchla chak ut ma̱ ani naru nachꞌeꞌoc re.

Génesis 49:9 ပူးပေါင်းရင်းမြစ်များ

Números 24:9

Nahilank ut nawark, jo' li kaqkoj. Ani taawaklesinq re? Osob'tesinb'ilaq li taa'osob'tesinq aawe! Majewanb'ilaq li taamajewanq aawe!”.

Apocalipsis 5:5

Ab'an jun reheb' li cheekel winq kiyehok we: “Matyaab'ak. Chawil, li Kaqkoj re li xteepal laj Judá, a' li xTuxb' laj David, xq'axok u: a'an taa'isinq reheb' li wuqub' chi tz'apleb' ut tixte li hu”.

Números 23:24

Il li tenamit a'in: yo chi wakliik jo' jun li ixqi kaqkoj, naxxaqab' rib' jo' li teelom kaqkoj li ink'a' nahilank toj toxtaw li xtzak ut taaruk' xkik'el li xkames”.

Miqueas 5:8

Sa' xyanqeb' li tenamit ut eb' li k'iila poyanam, li rela'eb' li ralal xk'ajol laj Jakob chanchanaqeb' li kaqkoj sa' xyanqeb' li k'iila josq' aj xul sa'eb' li k'iche', jo'aqeb' li ral kaqkoj sa' xyanqeb' li karneer: nat'upink ut nasachok b'arwi' nanume'k, ut maajun naramok chiru.

Oseas 5:14

Xb'aan naq laa'in jo'kaqin jun kaqkoj naq tinrahob'tesiheb' laj Efraín ut eb' laj Judá. Laa'in tinputz'inq reheb', ut chirix a'an teb'inkanab' xjuneseb'; tink'eheb' sa' rahilal, ut maajun taaruuq chi kolok reheb' sa' wuq'.

Ezequiel 19:5

Naq li na'b'ej kixk'e reetal naq ink'a' us x'elk ut maak'a' chik royb'enihom, kixk'iiresi jun chik li ral toj kinimank chi us.

1 Corintios 15:24

Chirix chik a'an aka' li roso'jik li ruuchich'och' naq li Kriist tixq'axtesi li x'awab'ejihom sa' ruq' li Yos Yuwa'b'ej, naq akaq xjuk'i chixjunil li wankilal, taqlank ut awab'ejilal.

Oseas 5:4

Li xtz'i'b'eetal aj b'aanuhomeb' li tenamit ink'a' nakanab'ank reheb' chi sutq'iik rik'in li xYoseb', xb'aan naq xnumtaak li xmaa'usilaleb' ut ink'a' neke'xnaw ru li Qaawa'.

Deuteronomio 33:20

Cho'q re laj Gad kixye: “Usilaatinanb'il taxaq li kinimob'resink re li xna'aj laj Gad. Tuntu kama' li ixqi kaqkoj, naxt'up li xtel ut li xjolom li ani tixchap.

1 Reyes 10:20

ut kab'lajuheb' chi jalam u kaqkoj wankeb' chi xaqxook sa' xb'eeneb' li taqarib'aal, junjunq chi xjunqpak'alil. Maajun chik junaq awab'ejihom kixyiib' jun k'ojarib'aal jo' a'an!

2 Crónicas 9:18

Li k'ojarib'aal a'in, wank waqib' xtaqarib'aal ut sursu li anleb'aal ib'; wank jun xna'aj uq'mej chi junqpak'alil ut xaqxookeb' wiib' xjalam u li kaqkoj chi xk'atqeb' li xna'aj uq'mej,