Génesis 49:6 - Q'eqchi Bible

⁶ Sa' li xmolameb' ink'a' taxaq chat-ok, at waanm; maajunaji taxaq aawib' sa' li xch'utameb', at inch'ool, xb'aan naq sa' xjosq'ileb' ke'kamsink poyanam ut sa' li xq'etq'etileb' ke'xseti roqeb' li wakax.

Li Santil hu

⁶ Mixjunaji taxak rib li cua̱m riqꞌuin li camsi̱nc li queba̱nu chak la̱ex nak numtajenak e̱joskꞌil. Joꞌcan nak xecamsiheb li cui̱nk ut quilajeꞌxyoqꞌui ajcuiꞌ li richꞌ mul li rokeb li bo̱yx re nak incꞌaꞌ chic teꞌxcuy be̱c.

Génesis 49:6 ပူးပေါင်းရင်းမြစ်များ

Génesis 34:30

Toja' naq laj Jakob kixye reheb' laj Simehón ut laj Leví: “Laa'ex xineek'e sa' jun nimla rahilal ut xik' ilb'ilaqin xb'aaneb' li poyanam a'in, xb'aaneb' laj Kanahán ut eb' laj Perés. Ink'a' k'iheb' li neke'ochb'eenink we, ut wi eb' a'an te'xch'utub' rib' re yalok wik'in, tinsache'q laa'in jo'wi' chixjunil linjunkab'al”.

Salmos 26:9

Maakinaak'e chi kamk sa' xyanqeb' laj maak, maawisi linyu'am rochb'eeneb' laj kamsinel ras riitz'in:

Salmos 16:9

Jo'kan naq nasaho'k linch'ool nasaho'k li waanm; ninhilank sa' tuqtuukilal chinjunxaqalil.

2 Corintios 6:14

Meelaq'ab' eerib' rik'ineb' li maak'a' neke'xpaab', re riiqaninkil li moko eek'ulub' ta. K'aru wank re li tiikilal rik'in li maa'usilal? Ma truuq tab'i' taawanq sa' komonil li saqenk rik'in li aak'ab'?

San Lucas 12:19

Toja' naq tinye re li linyu'am: Naab'al linb'ihomal k'uulanb'il cho'q re k'iila chihab'. Tinhilanq b'i', tinwa'aq, tin'uk'aq ut tinninq'ehiq».

Jeremías 15:17

Maajun wa xinwank sa' xyanqeb' li neke'ch'uch'ib'k chi moko sa' xyanqeb' li neke'sub'uk kutan; junelik xinb'eek injunes xb'aan naq laa'at wankat wik'in, ut laajosq'il na'eek'asink re linch'ool.

Jeremías 4:19

Jwal nayot'e'k linch'ool ut q'axal namayok li waanm, ka'aj chik maa na'elk linch'ool sa' li xna'aj. Ink'a' ninkanab' xjapb'al we chi aatinak xb'aan naq yookin chi rab'inkil xyaab'eb' li pur li yo chi b'oqok re xik chi yalok.

Salmos 64:2

At inYos, chinaawab'i taxaq sa' linrahilal; chinaakol chiruheb' li xik' neke'ilok we.

Salmos 57:8

Ak yo'oon wank linch'ool, at inYos; kawal wank. Tinb'ichanq ut tinwajb'aq cho'q aawe.

Proverbios 12:5

Li tiikeb' xch'ool a' li tiikilal neke'xk'oxla; a'ut li ink'a' useb' xna'leb' junes li b'alaq'ik naxik wi' xch'ooleb'.

Proverbios 1:11

Mare anchal te'xye aawe: “Kim chiqix, qaramaq sa' b'e li maak'a' xmaak re xkamsinkil chi maak'a' xyaalal.

Salmos 139:19

At inYos, us raj taakamsi li ink'a' us xna'leb' ut te'elq taxaq chink'atq laj kamsineleb' ras riitz'in,

Salmos 103:1

Xsaalm laj David. Tinnima ru li Qaawa' chi anchal linch'ool, toj sa' xchamal li waanm tinnima li xloq'laj k'ab'a'.

Salmos 30:12

Xasutq'isi li xya'al wu chi nimla sahil ch'oolej, xawisi chiwix li saak ut xinaatiqib' rik'in sahilal.

Salmos 28:3

Minaasaapu rochb'eeneb' li ink'a' useb' xch'ool, chi moko rochb'eeneb' laj b'aanuhom maa'usilal, eb' li neke'xpak' xsahilaleb' xch'ool rik'ineb' li ras riitz'in, ab'an a' chik li b'alaq'il wank sa' raanmeb'.

Salmos 5:10

Eb' a'an moko yaal ta neke'aatinak, k'ajo' xyib'al ru xna'leb'eb'. Li xxololeb' chanchan teetookil muqleb'aal, sa neke'q'unb'esink rik'ineb' li ru'uj raq'.

Salmos 1:1

Us xaq reheb' li ink'a' naxik xch'ooleb' chirix xtakchi' li ink'a' useb' xna'leb', chi moko neke'wank sa' xb'eheb' laj maak, ut ink'a' neke'hilank sa' xch'utameb' li neke'xmajewa li Yos,

Jueces 5:21

Li nima' Kisón, li najteril roqha' kikelonk reheb'. Kawaq aach'ool, at waanm, b'ehen chi maak'a'aq aaxiw!

Deuteronomio 27:24

«Tz'eqtaananb'ilaq li ani tixkamsi li ras riitz'in sa' muqmu». Ut chixjunil li tenamit te'xye: «Jo'kan».

Josué 11:9

Laj Josué kixb'aanu jo' kiyehe'k re xb'aan li Qaawa': kixtoq roqeb' li xkawaayeb' ut kixk'at li xb'eleb'aal ch'iich'eb'.

2 Samuel 8:4

Laj David kixchapeb' o'k'aal ro' o'q'ob' (1,700) chi winq li wankeb' chirix kawaay ut junmay mileb' (20,000) li yal chi roqeb' neke'xik. Kixtoq roqeb' chixjunileb' li kawaay neke'kelonk re li b'eleb'aal ch'iich'. Ka'ajwi' li jo'k'ihaleb' te'k'anjelaq re xkelonkil o'k'aal (100) chi b'eleb'aal ch'iich' ink'a' kixtoq roqeb'.

1 Crónicas 18:4

Laj David kixchapeb' lajeek'aal rox o'q'ob' (1,000) chi b'eleb'aal ch'iich', wuqub' mil (7,000) chi winq li wankeb' sa' xb'een b'eleb'aal ch'iich' ut junmay mileb' (20,000) li yal chi roqeb' neke'xik. Kixtoq roqeb' chixjunileb' li kawaay li neke'kelonk re li b'eleb'aal ch'iich'. Ka'ajwi' li jo'k'ihal te'k'anjelaq re xkelonkil o'k'aal (100) chi b'eleb'aal ch'iich' ink'a' kixtoq roqeb'.