Génesis 49:24 - Q'eqchi Bible

²⁴ ab'an nakanaak chi q'axal kaw li xna' xsimaj laj José ut numtajenaq nim li xkawilal li ruq' sa' xk'ab'a' li xNimajwal Yos laj Jakob, sa' xk'ab'a' laj K'aak'alenel ut li xSaqoonak laj Israel;

Li Santil hu

²⁴ Ut ta̱cuy chak xcolbal a̱cuib saꞌ rukꞌ eb aꞌan. Li Ka̱cuaꞌ Dios xqꞌuehoc xcacuilal a̱cuok a̱cuukꞌ. Bantiox re li Ka̱cuaꞌ Dios li naqꞌuehoc re lin metzꞌe̱u. Bantiox re li Ka̱cuaꞌ Dios li na-iloc ke joꞌ naxba̱nu junak laj ilol queto̱mk. Li Ka̱cuaꞌ Dios, aꞌan joꞌ jun sako̱nac ut ma̱ ani naru natꞌanoc re. Ut aꞌan naxqꞌue li kacuanquilal.

Génesis 49:24 ပူးပေါင်းရင်းမြစ်များ

Salmos 132:2

Jultikaq aawe li xyehom sa' jurament, at xNimajwal Yos laj Jakob:

Isaías 28:16

Jo'kan naq li Qaawa' kixye chi jo'ka'in: “K'ehomaq reetal naq aran Sión tink'ojob' jun li pek sik'b'il ru ut jwal loq'; a'anaq li xnimal ru pek ut rub'elankilaq li ochoch. Li k'ojk'o sa' xb'een a'an, ink'a' taawiib'anq xch'ool.

Salmos 132:5

toj reetal tintaw junaq na'ajej cho'q re li Qaawa', junaq muheb'aal cho'q re li xNimajwal Yos laj Jakob”.

Salmos 80:1

Re li xjolomileb' laj b'ichanel. Taab'ichamanq jo' chanru li xyaab': “Eb' li xliryo li sumwank”. Xsaalm laj Asaf.

Salmos 18:30

Rik'in laatenq'aal ninq'axeb' xwankil li xik' neke'ilok we; wochb'eenaq linYos tinpisk'o li tz'ak sutsu wi' li tenamit.

Li xHu LAJ JOB 29:20

Tintaw wi' chik inloq'al ut jwal kawaq chik wib' jo' jun simaj”.

2 Timoteo 4:17

Ab'an li Qaawa' xoltenq'anq we ut xk'e xkawub' linch'ool re xpuktesinkil chi yaal li Aatin re naq xe'rab'i chixjunileb' li tenamit. Ut xinkole'k sa' re li kaqkoj.

Efesios 2:20

kab'lanb'ilex sa' xb'een rub'elahomeb' li apóstol ut eb' li propeet, ut li Kriist a'an li xnimal ru pek sa' li kab'l.

Isaías 1:24

Jo'kan naq li Nimajwal Yos, li jwal kaw chi xkolb'al laj Israel, naxye chi jo'ka'in: “Tz'aqalaq! Laa'in twisi linjosq'il sa' xb'eeneb' li xik' neke'ilok we ut tin'eeqajunq sa' xb'eeneb'.

Salmos 118:22

Li pek li xtz'eqtaanaak xb'aaneb' laj kab'lanel a'an li xkanaak cho'q xnimal ru pek sa' li kab'l.

Deuteronomio 32:4

A'an li qaSaqoonak; tz'aqal re ru jo'nimal naxb'aanu; chixjunil li xk'uub'ahom a'an tiikilal. A'an jun Yos tiik xch'ool, li ink'a' nab'alaq'ik; a'an paab'ajel ut jwal chaab'il.

Génesis 45:5

Ab'anan anaqwan miraho'k leech'ool chi moko chexjosq'o'q rik'in naq xineek'ayi chaq, xb'aan naq kolok yu'am xinxtaqla wi' chaq li Yos arin, cheru laa'ex.

Colosenses 1:11

Chikawub'resiiq chi tz'aqal leech'ool xb'aan li xwankil li xloq'al li Yos, re naq teekuy chixjunil li ch'a'ajkilal chi ink'a' taach'inanq leech'ool;

Romanos 14:4

Anihat laa'at chi xwech'b'al rix li xmoos laawas aawiitz'in? A' laj eechal re taayehoq re ma us malaj ink'a' us yo chi xb'aanunkil. Ab'anan, nim li Qaawa' sa' xb'een, tixb'aanu li xk'anjel chi chaab'il.

Hechos 4:11

Li Jesus a'an li pek xetz'eqtaana laa'ex laj kab'lanel, ut xkanaak cho'q xnimal ru pek sa' li kab'l.

San Lucas 20:17

A'ut li Jesus kixka'yaheb' ut kixye: —K'aru xyaalal a'in li tz'iib'anb'il sa' Santil Hu: «Li pek li ke'xtz'eqtaana eb' laj kab'lanel, a'an li kikanaak cho'q xnimal ru pek sa' li kab'l»?

San Marcos 12:10

“Ma ink'a' eerilom sa' li Santil Hu li jun raqal a'in: «Li pek li ke'xtz'eqtaana eb' laj kab'lanel, a'an li kikanaak cho'q xnimal ru pek sa' li kab'l.

San Mateo 21:42

Kixye li Jesus reheb': —Ma maajun wa eerilom sa' li Santil Hu: «Li pek li ke'xtz'eqtaana eb' laj kab'lanel, a'an li kikanaak cho'q xnimal ru pek sa' li kab'l. A' li Qaawa' kib'aanunk re a'in, ut a'an sachb'ach'oolej chiqu»?

Zacarías 10:12

Tinkawub'resi xch'ooleb' lintenamit ut te'b'eeq sa' ink'ab'a'. Laa'in, li Qaawa', xinyehok re a'in”.

Zacarías 3:9

Xink'e chiru laj Josué jun li pek wank wuqub' pak'al ru; laa'in ajwi' tintz'iib'a ru -chan li Nimajwal Yos-, ut chiru yal jun kutan tinsach li xmaakeb' li ruuchich'och'.

Isaías 60:16

Eb' li tenamit tate'xch'oolani chi chaab'il ut eb' li awab'ej te'xk'e aawe li xb'ihomaleb'; ut taanaw naq laa'in li Qaawa', laj Kolol aawe, li xNimajwal Yos laj Jakob, li xin'isink chaq aawe sa' laarahilal.

Isaías 41:10

Matxiwak, xb'aan naq wankin aawik'in; matk'oxlak xb'aan naq laa'in laaYos. Laa'in ninkawub'resink ut nintenq'ank aawe, kaw nakatinchap rik'in li wuq' li jwal kaw rib'.

Isaías 29:24

Eb' li sachalkeb' xna'leb', te'xtaw ru, ut eb' laj wech'onel te'xtzol li xtijb'aleb'”.

Salmos 89:1

Xb'ich laj Etán laj ralch'och'.

Salmos 44:7

Moko rik'in ta xna' linsimaj xintaw xkawub' linch'ool, chi moko linch'iich' xk'ehok we chi xq'axb'aleb' ru,

Salmos 28:8

Li Qaawa' a'an xkawilal li xtenamit, aj kuutum ut aj kolol re li sik'b'il ru xb'aan.

Salmos 27:14

K'ojk'ooq aawaanm rik'in li Qaawa', kawaq aach'ool ut chatkuyuq; k'ojk'ooq aawaanm rik'in li Qaawa' chi junelik!

Salmos 23:1

Xsaalm laj David. Li Qaawa' a'an laj k'aak'alehom we: maak'a' taamajelo'q chiwu.

Salmos 18:1

Re li xjolomileb' laj b'ichanel. Xsaalm laj David, laj k'anjel chiru li Qaawa'. Laj David kixb'icha a'in naq kikole'k xb'aan li Yos sa' ruq' laj Saúl jo'wi' sa' ruq'eb' li xik' neke'ilok re.

Nehemías 6:9

Li rajomeb' li xik' neke'ilok qe a'an a'in: roksinkil qaxiw re naq taach'inanq li qach'ool ut ink'a' tqachoy li qak'anjel. Ab'anan laa'in q'axal wi' chik kikawuuk inch'ool.

Deuteronomio 34:9

Nujenaq chi chaab'il k'a'uxl laj Josué, ralal laj Nun, xb'aan naq laj Moisés kixk'e li ruq' sa' xb'een. Jo'kan naq eb' laj Israel ke'ab'ink chiru ut ke'xb'aanu li kitaqlaak wi' laj Moisés xb'aan li Qaawa'.

Éxodo 3:6

Kixye ajwi': “Laa'in li xYos laayuwa'; laa'in li xYos laj Abrahán, laj Isahak ut laj Jakob”. Toja' naq laj Moisés kixmuq li ru xb'aan naq kixxiwa rilb'al li Yos.

Génesis 50:21

Jo'kan b'i', mexxiwak: laa'in tin'iloq eere jo' ajwi' leekok'al”. Ut kixk'ojob' xch'ooleb' naq kiraatinaheb' chi chaab'il.

Génesis 47:12

Kixk'e ajwi' xtzekemq li xyuwa', eb' li ras ut chixjunil li xjunkab'lal li xyuwa'.

Génesis 45:11

Laa'in tink'ehoq aawa aawuk'a' arin re naq ink'a' texkanaaq sa' rajb'al ru laa'at ut chixjunil laajunkab'lal, xb'aan naq toj oob' chihab' chik taawanq li we'ej».

Génesis 45:7

Li Yos xtaqlank chaq we arin xb'enwa cheru laa'ex re naq ink'a' taa'oso'q leeriyajil sa' ruuchich'och', ut re ajwi' xkolb'al leeyu'am rik'in xnimal kolb'a ib'.

Génesis 48:15

Toja' naq kirosob'tesi laj José chi jo'ka'in: “Li Yos li xe'wank wi' chi sum'aatin eb' linyuwa' laj Abrahán ut laj Isahak, li Yos li xb'eresink we chalen chaq sa' linyo'lajik toj anaqwan,

Génesis 49:23

Nach'i'ch'i'iik, narahob'tesiik ut nayale'k rix xb'aaneb' laj simaj,

Deuteronomio 33:27

Li najteril Yos a'an li namuheelank aawe; laa'at wankat junelik rub'el li xkupuhom. A'an na'aanilasink reheb' chawu li xik' neke'ilok aawe, ut naxye aawe: «Sacheb' ru».

2 Samuel 5:2

Chalen chaq junxil naq laj Saúl a'an chaq li na'awab'ejink qe, laa'at xtz'aqal jolomil Israel sa' li yalok. Ut xyehom li Qaawa' naq laa'at tatb'eresinq re li xtenamit ut laa'ataq aj k'amol xb'eheb' laj Israel”.

Salmos 73:23

Ab'anan xinwank aawik'in chi junelik: xinaachap chiru linnim uq',

Salmos 132:1

B'ich re li taqsink. At Qaawa', jultikaq aawe laj David jo'wi' chixjunileb' li xrahilal.

Isaías 49:26

Tink'eheb' chi xtiweb' rib' li xe'rahob'tesink aawe, ut te'ruk' li xkik'eleb' jo' tawi' eb' li neke'kalaak rik'in li chaab'il b'iin. Toja' naq chixjunileb' te'xnaw naq laa'in li Qaawa', laj Kolol aawe, li xNimajwal Yos laj Jakob li xin'isink chaq aawe sa' laarahilal”.

Josué 17:18

eerehaq aj b'an wi' li tzuul li k'iche' ru. T'anomaqeb' li che', ut chi jo'kan teereechani chixjunil li na'ajej a'an. Teerisiheb' laj Kanahán, us ta wankeb' xb'eleb'aal ch'iich' yiib'anb'ileb' rik'in ch'iich' ut q'axal kaweb' rib'”, chan laj Josué.

Jueces 1:22

Eb' laj José ajwi' koheb' Betel, ut li Qaawa' wank rik'ineb'.

2 Reyes 13:16

Toja' naq laj Eliseo kixye re li awab'ej re Israel: “K'e laawuq' sa' xb'een li xna' simaj”. Naq li awab'ej kixb'aanu chi jo'kan, laj Eliseo kixk'e li ruq' sa' xb'een li awab'ej