Génesis 49:1 - Q'eqchi Bible

¹ Laj Jakob kixb'oqeb' chaq li ralal ut kixye reheb': “Ch'utub'omaq eerib' ut tinye resil eere li k'aru teek'ul sa'eb' li kutan chaalel.

Li Santil hu

¹ Ut laj Jacob quixbokeb li ralal ut quixye reheb: —Jilonkex chak che̱junilex. Chi joꞌcan la̱in tinchꞌolob che̱ru cꞌaꞌru ta̱cha̱lk saꞌ e̱be̱n chiruheb li chihab ta̱cha̱lk.

Génesis 49:1 ပူးပေါင်းရင်းမြစ်များ

Números 24:14

“Us b'i', xik we anaqwan sa' lintenamit. Kim ut tinye aawe li k'aru te'xb'aanu aawe li tenamit a'in chiruheb' li kutan chaalel”, chan laj Balaham.

Daniel 10:14

Ut anaqwan xinchalk re xch'olob'ankil xyaalal li k'aru tixk'ul laatenamit chiruheb' li kutan chaalel, xb'aan naq toj wank chik jun moy u chirixeb' li kutan a'an».

Jeremías 23:20

Maajoq'e taaraqe'q li xjosq'il li Qaawa' toj tixb'aanu li k'aru wank sa' xch'ool xb'aanunkil. Taawulaq xkutankil naq laa'ex toxeetaw xyaalal eb' a k'a'aq re ru a'in.

Deuteronomio 4:30

Naq wanqex sa' rahilal ut sa' chixjunileb' li ch'a'ajkilal a'in sa' roso'jikeb' li kutan, wi texsutq'iiq chaq rik'in li Qaawa' leeYos ut teerab'i xyaab' xkux,

Apocalipsis 4:1

Moqon chik kiwil sa' moy u jun li okeb'aal teeto sa' choxa; ut li xyaab' kuxej li ak wab'ihom jo' xyaab' li tronpeet, jo'ka'in kixye we: “Taqen chaq arin, ink'utaq chawu li tento taak'ulmanq moqon”.

Isaías 2:2

Chiruheb' li kutan chaalel li tzuul wan wi' li rochoch li Qaawa' taawakliiq chi nimaq xwankil sa' xb'eeneb' chixjunileb' li b'ool, ut q'axal nimaq xteram chiruheb' chixjunil li tzuul. Chixjunileb' li tenamit te'chalq aran;

Salmos 105:15

“Meech'e' li sik'b'ileb' ru inb'aan, mik'a' eeb'aanu reheb' linpropeet”, chan.

Salmos 25:14

Li Qaawa' a'an ramiiw eb' li neke'paab'ank re, jo'wi' naxk'e chi xnaweb' li xloq'laj sumwank.

Deuteronomio 31:12

Taach'utub'eb' li tenamit, winq, ixq ut kok'al; jo'kan ajwi' laj ab'l tenamit li wankeb' sa' eeyanq, re naq te'rab'i ut te'xtzol roxloq'inkil li Qaawa' leeYos ut te'xk'e xch'ool chi xk'anjelankil ru chixjunileb' li raatinul li Chaq'rab' a'in.

Hebreos 1:2

Ab'an anaqwan, sa' roso'jikeb' li kutan, xooraatina sa' xk'ab'a' li Ralal, li kixxaqab' cho'q aj eechaninel re chixjunil; sa' xk'ab'a' ajwi' a'an kixb'aanu li choxach'och'.

2 Timoteo 3:1

Chanawaq naq sa' roso'jikeb' li kutan wank honal q'axal ch'a'ajkaq xnumsinkil.

1 Timoteo 4:1

Ch'olch'o naxye li Musiq'ej naq sa' roso'jikeb' li kutan wan te'xkanab' paab'ank ut te'xtaaqe eb' laj b'alaq'il musiq'ej ut li xk'utumeb' laj tza.

Hechos 2:17

«Taak'ulmanq sa' roso'jikeb' li kutan, chan li Yos: Tinhoy linMusiq' sa' xb'eeneb' chixjunil. Eb' leeralal ut leerab'in te'aatinaq jo' propeet; eb' leesaaj al te'moyuhoq ut leecheekelal te'matk'eq matk'.

San Lucas 2:26

Ak yeeb'il chaq re xb'aan li Santil Musiq'ej naq ink'a' taakamq chi maji'aq taaril ru li xKriist li Qaawa'.

Miqueas 4:1

Chiruheb' li kutan chaalel li tzuul wan wi' li rochoch li Qaawa' taawakliiq chi nimaq xwankil sa' xb'eeneb' chixjunileb' li b'ool, ut q'axal nimaq xteram chiruheb' chixjunil li tzuul. Chixjunileb' li tenamit te'chalq aran;

Amós 3:7

Jo'kan ajwi', li Qaawa' maak'a' tixb'aanu wi ink'a' xye xb'enwa reheb' laj k'anjel chiru, a'eb' li propeet.

Daniel 10:1

Naq ak oxib' chihab' rokik chi awab'ejink laj Siro sa' xb'eeneb' laj Persia, laj Daniel, Beltsasar xkab' xk'ab'a', kiril jun moy u li q'axal yaal, ab'anan jwal ch'a'aj xtawb'al ru. Laj Daniel kixk'e xch'ool chi xtawb'al ru li xk'utb'esihom li Yos, ut koxnaw xyaalal li xmatk'.

Daniel 2:47

Chirix chik a'an kixye re laj Daniel: “Relik chi yaal naq leeYos laa'ex, a'an tz'aqal li Yos nim xloq'al, li awab'ej q'axal nim xwankil sa' xb'een chixjunileb' li awab'ej. A'an laj kutanob'resinel re li muqmuukil na'leb', xb'aan naq laa'at xach'olob' xyaalal li tz'aptz'ookil na'leb' a'in”.

Isaías 53:1

Ani xpaab'ank re li esil xqaye? Ani xk'ute' wi' li xnimal xwankil li Qaawa'?

Isaías 39:6

«Taawulaq xkutankil naq te'xk'am aran Babilonia chixjunil li k'a'aq re ru wank sa' laawochoch, li jo'ch'inal jo'nimal ke'xk'uula laamama' aawixa'an chalen chaq junxil toj anaqwan. Maak'a' chik tkanaaq arin, chan li Qaawa'.

Isaías 22:14

Toja' naq li Qaawa', li Nimajwal Yos, xye we: “Li maak a'in ink'a' taakuymanq toj reetal toxexkamq”, chan li Nimajwal Yos.

Hebreos 13:1

Chiwanq junelik li rahok ib' sa' eeyanq jo' eeras eeriitz'in eerib'.

Isaías 48:14

Ch'utub'omaq eerib' chejunilex ut ab'ihomaqin: Ani sa' eeyanq xyehok eere: «Li wamiiw tixb'aanu li wajom reheb' laj Babilonia ut eb' laj Kaldeha»?