Génesis 48:15 - Q'eqchi Bible

¹⁵ Toja' naq kirosob'tesi laj José chi jo'ka'in: “Li Yos li xe'wank wi' chi sum'aatin eb' linyuwa' laj Abrahán ut laj Isahak, li Yos li xb'eresink we chalen chaq sa' linyo'lajik toj anaqwan,

Li Santil hu

¹⁵ Ut laj Israel quirosobtesi laj José nak quixye re chi joꞌcaꞌin: —Li Ka̱cuaꞌ Dios li x-osobtesin chak reheb lin yucuaꞌ laj Abraham, joꞌ eb ajcuiꞌ laj Isaac, aꞌan ajcuiꞌ li Ka̱cuaꞌ Dios li yo̱ chi iloc chak cue chalen anakcuan;

Génesis 48:15 ပူးပေါင်းရင်းမြစ်များ

Génesis 17:1

B'eleelaju ro'k'aal (99) chihab' wank re laj Abrán naq li Qaawa' kixk'ut rib' chiru ut kixye re: “Laa'in li Nimajwal Yos. Wanqat chi sum'aatin wik'in ut tiikaq laach'ool.

Colosenses 2:6

Jo'kan utan, kama' naq xek'ul chaq li Kristo Jesus, li Qaawa', chexwanq ajwi' anaqwan rik'in A'an:

Hebreos 11:21

Sa' xk'ab'a' li xpaab'aal laj Jakob, naq ak kamk re, kirosob'tesi li junjunq sa' xyanqeb' li ralal xk'ajol laj José. Chirix chik a'an kixk'utzub' rib' sa' xb'een li xxuq' ut kixloq'oni li Yos.

2 Corintios 1:12

A'an a'in li k'ojk'o wi' li qach'ool: xnawb'al naq xoowank sa' santilal ut tiikilal sa' li ruuchich'och' a'in sa' xk'ab'a' li Yos, ut q'axal wi' chik naq xoowank sa' eeyanq laa'ex: moko rik'in ta xna'leb' li ruuchich'och', rik'in b'an rusilal li Yos.

1 Corintios 10:31

Jo'kan utan, wi texwa'aq tex'uk'aq malaj k'a'aq chik re ru teeb'aanu, b'aanuhomaq chixjunil re xloq'oninkil ru li Yos.

San Lucas 1:6

Tiikeb' xch'ool chi xkab'ichaleb' chiru li Yos, ut maak'a' xq'usb'aleb' sa' chixjunil li xchaq'rab' ut xtaqlahom li Qaawa'.

Jeremías 8:2

ut te'hire'q chiru li saq'e, chiru li po ut chiruheb' chixjunil li xchahimal li choxa li ke'xra ut ke'xk'anjela ru, li ke'xtaaqe, li ke'patz'ok wi' ut ke'xloq'oni ru. Ink'a' chik te'xoke'q chi moko te'muqmanq; jo'kaqeb' aj chik li k'ot chiru ch'och'.

Isaías 33:16

A'an taawanq sa' jun na'ajej najt xteram, taahilanq sa' jun kawub'resinb'il ochoch, ut taawanq xwa ruk'a' chi junelik.

Isaías 30:21

ut rik'in leexik teerab'i naq yooq chi aatinak chaq cherix: “A'an a'in li b'e; ayuqex aran, a' yaal ma sa' leenim malaj sa' leetz'e uq'”, cha'aq.

Eclesiastés 6:7

Chiqajunilo naqatawasi qib' yal re naq tqataw qawa quk'a', ab'anan ink'a' nak'ojlaak li qach'ool rik'in a'an.

Eclesiastés 5:18

Xink'e reetal naq li jwal us cho'q re li winq, a'an li wa'ak uk'ak, xyalb'al xsahil li xk'anjela ru jo' najtil roq li xyu'am xmaatani sa' ruq' li Yos, xb'aan naq a'in rajom li Qaawa'.

Eclesiastés 5:12

Sa nawark li ani nak'anjelak, us ta naab'al naxtzeka malaj b'a'b'ay ajwi'. Ab'anan li b'ihom ink'a' nawark chi xk'oxlankil li k'aru wank re.

Salmos 37:3

Kawaq aach'ool rik'in li Qaawa' ut b'aanu li us, wanqat sa' laana'aj ut chatk'iiq sa' tuqtuukilal;

Salmos 23:1

Xsaalm laj David. Li Qaawa' a'an laj k'aak'alehom we: maak'a' taamajelo'q chiwu.

Salmos 16:8

Junelik nink'oxla li Qaawa'; wi wank chink'atq, ink'a' taach'inanq li waanm.

1 Reyes 3:6

Kichaq'ok laj Salomón ut kixye: “Laa'at q'axal xara laj David linyuwa', laj k'anjel chawu, xb'aan naq tiik xch'ool chawix, tuqtuuk xna'leb' ut xk'anjelak chi chaab'il chawe chawu. Jo'kan naq laa'at q'axal xawusila ru ut xak'e re jun ralal li tento taak'ojlaaq sa' xk'ojarib'aal, jo' xk'ulmank chiru li kutan a'in.

Deuteronomio 33:1

Laj Moisés, li sik'b'il ru xb'aan li Yos, kirosob'tesiheb' laj Israel, chi rub'eetal li xkamik,

Génesis 49:28

A'aneb' a'in li kab'laju xteepaleb' aj Israel, ut a'an a'in li yeeb'il reheb' xb'aan li xyuwa'eb' naq kirosob'tesiheb': ak re re li rosob'tesinkileb'.

Génesis 49:24

ab'an nakanaak chi q'axal kaw li xna' xsimaj laj José ut numtajenaq nim li xkawilal li ruq' sa' xk'ab'a' li xNimajwal Yos laj Jakob, sa' xk'ab'a' laj K'aak'alenel ut li xSaqoonak laj Israel;

Génesis 48:16

li ánjel li kikolok we chiru chixjunil li ink'a' us, chi'osob'tesinq taxaq reheb' li kok'al a'in. Che'xk'ab'a'in ta link'ab'a' ut li xk'ak'a'eb' linyuwa'ilq laj Abrahán ut laj Isahak: che'alanq ut che'k'ihanq sa' ruuchich'och'”.

Génesis 28:22

Li pek a'in li xinxaqab' cho'q loq'laj eetalil a'anaq rochoch li Yos; ut chixjunil li taak'e we, tintoj aawe, at Qaawa', rik'in li xlajeetqil li k'aru we”, chan laj Jakob.

Génesis 28:20

Aran laj Jakob kixyeechi'i a'in chiru li Qaawa': “Wi li Yos tinxb'eresi ut tinxkol chiru linb'eenik, wi tixk'e inwa ut li waq',

Génesis 28:3

A' taxaq li Nimajwal Yos chi'osob'tesinq aawe, chixk'e taxaq aawalal aak'ajol, ut chatk'ihanq re naq laa'ataq xnimal xteepaleb' tenamit.

Génesis 27:4

Moqon taak'uub' chi chaab'il intzekemq jo' nawulak chiwu, ut taak'am chaq, re tinwa'aq, xb'aan naq twaj aawosob'tesinkil rub'elaj linkamik”.

Génesis 24:20

Sa' junpaat kixhoy li ha' sa' li uk'leb'aal ut koho wi' chik sa' aanil chi xxokb'al xkomon sa' li jul cho'q re chixjunileb' li kameey.

Génesis 6:9

A'an a'in li resil xyu'am laj Noé. Laj Noé a'an jun li winq tiik xch'ool ut chaab'il li xyu'am sa' xyanqeb' li rech winqilal. Laj Noé kiwank sa' sum'aatin rik'in li Yos.

Éxodo 3:16

Ayu, taach'utub'eb' li xcheekelaleb' laj Israel ut taaye reheb': «Li Qaawa', li xYos leexe'toonil yuwa', li xYos laj Abrahán, laj Isahak ut laj Jakob xk'ut rib' chiwu ut xye we: Xulexwil ut xink'e reetal chixjunil li xek'ul Ejiipt.

Éxodo 4:5

“B'aanu chi jo'kan chiruheb' laj Israel re naq te'xpaab' naq li Qaawa' xk'utb'esi rib' chawu, a' li xYos li xxe'toonil yuwa'eb', li xYos laj Abrahán, laj Isahak ut laj Jakob”, chan li Qaawa'.

1 Crónicas 5:1

Eb' li ralal xk'ajol laj Rubén, a' li xb'een ralal laj Israel, a'aneb' a'in: laj Janok, laj Palú, laj Jesrón ut laj Karmí. Laj Rubén a'an tz'aqal li xb'een alalb'ej, ab'anan kixtz'eq chaq li xk'ulub' raj xk'ulb'al jo' xb'een alalb'ej, xb'aan naq kixmux li rixaqil li xyuwa', ut a'eb' chik li ralal xk'ajol laj José, ralal ajwi' laj Israel, ke'k'uluk re li k'ulub'ej a'an.

Génesis 24:40

Toja' naq a'an kixye we: «Li Qaawa', li junelik xink'e inch'ool chi xpaab'ankil, tixtaqla li x'ánjel chawochb'eeninkil ut a'an tatxtenq'a sa' laab'eenik re naq us tat-elq. Chi jo'kan taataw rixaqil li walal sa' xyanqeb' linkomon, sa' rochoch linyuwa'.

Génesis 27:27

Naq laj Jakob kijilok chi xk'atq ut kixtz'ub' ru, laj Jakob kirutz' li xb'ook li raq', kirosob'tesi ut kixye: “Li xb'ook li walal chanchan li xb'ook li ch'och' osob'tesinb'il xb'aan li Qaawa'.

Génesis 35:3

Yo'qeb' sa' junpaat sa' li na'ajej Betel, xb'aan naq aran toxinyiib' jun li artal cho'q re li Yos li kitenq'ank we sa' xq'ehil xrahilal linch'ool ut xinrochb'eeni sa' linb'eenik”.

Génesis 49:22

“Laj José chanchan junaq xtux li che', chanchan jun xtux li che' chire li ha': neke'taqe'k li ruq' chiru li tz'ak.