Génesis 47:6 - Q'eqchi Bible

⁶ Wank chawu chixjunil li tenamit Ejiipt: kanab'eb' b'i' laayuwa' ut eb' laawas chi hilank wan wi' li xq'emal ch'och'. Che'hilanq sa' li na'ajej Gosen ut, wi laa'at nakanaw naq sa' xyanqeb' wankeb' li neke'xnaw xk'anjel, chaxaqab'eb' cho'q xb'eenileb' laj ilol ketomq, sa' xb'een li k'aru wank we”, chan.

Li Santil hu

⁶ Chixjunil li tenamit Egipto cuan rubel a̱takl. Canabeb chi cua̱nc saꞌ li naꞌajej Gosén xban nak li chꞌochꞌ aꞌan cha̱bil. Ut cui cuanqueb saꞌ e̱ya̱nk li nequeꞌxba̱nu chi us li cꞌanjel, ta̱kꞌaxtesiheb inqueto̱mk reheb re nak eb aꞌan teꞌilok re, chan laj faraón.

Génesis 47:6 ပူးပေါင်းရင်းမြစ်များ

Éxodo 18:21

Ab'an sik'eb' ru li winq seeb'eb' xch'ool sa' xyanq li tenamit, li neke'xxiwa ru li Yos, tiikeb' xch'ool ut aj tz'eqtaanahom re tuminaak, ut k'eheb' xwankil sa' xb'een li tenamit: wan te'xjolomi lajeetqk'aal rox o'q'ob' (1,000), wan o'taqk'aal (100), wan lajeetq roxk'aal (50) ut wan chik lajeetq.

Génesis 47:11

Laj José kixpaab' li kiyehe'k re xb'aan laj Parahón: kixk'e xna'ajeb' li ras ut li xyuwa' sa' li ch'och' q'axal chaab'il re Ejiipt, sa' xteepal Ramsés.

Proverbios 22:29

Li naxk'e xch'ool sa' li xk'anjel, taak'anjelaq chiruheb' awab'ej ut ink'a' chiruheb' yalaq aniheb'.

2 Crónicas 26:10

Kixyiib'atq ajwi' ochoch jwal najt xterameb' sa' li chaqich'och', ut kixb'ek naab'al li kumb', xb'aan naq naab'al li xketomq aran Sefelá ut chiru taq'a. Wankeb' ajwi' naab'aleb' laj k'alom ut aj xokoleb' ru uub' sa'eb' li k'iche'b'aal ut sa' li chaab'il ch'och', xb'aan naq nawulak chiru li awk.

Éxodo 18:25

Kixsik'eb' ru li winq seeb'eb' xk'a'uxl sa' xyanq chixjunileb' laj Israel ut kixk'eheb' xwankil sa' xb'eeneb' li poyanam: wankeb' ke'xaqab'aak chi xjolominkileb' lajeetqk'aal rox o'q'ob' (1,000), wankeb' chik chi xjolominkileb' o'taqk'aal (100), lajeetq roxk'aal (50) ut lajeetq.

Génesis 47:4

Ke'xye ajwi' re laj Parahón: “Xoochalk chi wank sa' li ch'och' a'in, xb'aan naq k'ajo' li we'ej aran Kanahán ut maak'a' li raxpim cho'q reheb' li qaketomq. Chakuy qamaak, naqatz'aama chawu naq toohaakanab' chi wank sa' li na'ajej Gosen”, chankeb'.

San Juan 17:2

ut, sa' xk'ab'a' li wankil aak'ehom re sa' xb'eeneb' chixjunil li yo'yookeb', tixk'e taxaq xjunelik yu'am chixjunileb' li xak'eheb' re.

Proverbios 21:1

Li xk'a'uxl li awab'ej chanchan jun nima', li nak'ame'k xb'aan li Yos b'arwi' naraj A'an.

1 Samuel 21:7

Sa' li kutan a'an wank aran jun aj k'anjel chiru laj Saúl; kikanaak aran chi xb'aanunkil jun li xtaqlankil chiru li Qaawa'. Li winq a'an aj Dohek xk'ab'a', aj Edom, xjolomileb' laj k'aak'alenel xketomq laj Saúl.

Éxodo 9:21

ab'anan eb' li ink'a' ke'xpaab' raatin li Qaawa', ke'xkanab'eb' sa' k'aleb'aal li xmoos ut eb' li xketomq.

Éxodo 9:10

Laj Moisés ut laj Aharón ke'xchap x'ab'aqil li oorn, koxe'okaq rik'in laj Parahón, ut laj Moisés kixkut a'an sa' choxa: ut kilaje'wank li sankil xox chirixeb' winq ut ketomq.

Génesis 47:16

Ut laj José kixye reheb': “Wi maak'a' leetumin, k'amomaq chaq leeketomq ut tink'e eewa cho'q reeqaj leeketomq”.

Génesis 34:10

Kanaaqex qik'in: yamyo li ch'och' cho'q eere. Kab'lanqex, chexb'eeq arin ut eechanihomaq li na'ajej”, chan.

Génesis 20:15

Ut kixye re laj Abrahán: “K'e reetal, we' lintenamit: kanaaqat b'ar taawulaq chawu”.

Génesis 13:9

Ma ink'a' tab'i' wank chawu chixjunil li ch'och'? Qajek'aq b'i' qib': wi tatxik sa' laatz'e, laa'in tinxik sa' linnim; ut wi tatxik sa' laanim, laa'in tinxik sa' lintz'e”, chan laj Abrán.

Génesis 13:10

Laj Lot kixtaqsi li rilob'aal ut kiril chixjunil li xtaq'ahil li nima' Jordán, wank ha' chisa' chi junelik. Naq toj maji'aq nasache'k Sodoom ut Gomoor xb'aan li Qaawa', chixjunil li na'ajej a'an toj Sohar, kama' li xna'aj rawimq li Qaawa', kama' li tenamit Ejiipt.

Génesis 45:10

Tatkanaaq sa' li na'ajej Gosen, nach' chik wik'in, aawochb'eeneb' laawalal, laawi aamam, eb' laakarneer, laawakax ut chixjunil li k'aru wank aawe.

Génesis 46:34

teeye re: «Chalen chaq sa' qakach'inal laa'o aj k'aak'alenel ketomq; jo'kaneb' ajwi' chaq eb' li qaxe'toonil yuwa'», cha'qex. Chi jo'kan truuq texkanaaq sa' li na'ajej Gosen”, chan laj José. Xb'aan naq eb' laj Ejiipt xik' neke'ril chixjunileb' laj k'aak'alenel ketomq.

Génesis 47:5

Toja' naq laj Parahón kixye re laj José: “Laayuwa' ut eb' laawas xe'k'ulunk aawik'in.

1 Reyes 11:28

kixk'e reetal naq kaw rib' li winq a'an, a' laj Jerobohán, ut q'axal naxnaw jolomink. Laj Salomón kiril naq li saaj al a'an jwal naxnaw li k'anjel naxb'aanu; jo'kan naq kixk'e cho'q xjolomileb' chixjunileb' li xteepal li ralal xk'ajol laj José.

Jeremías 40:4

K'e reetal, anaqwan laa'in twisi chawuq' eb' li ch'iich' b'ak'b'ookat wi'. Wi taawaj, tatxik chiwix Babilonia ut laa'in tin'iloq aawe; ab'an wi ink'a' tixk'ul aach'ool, kanaaqat. Wank chawu chixjunil li ch'och' ut naru tatkanaaq b'arwi' taawaj malaj taawulaq chawu li wank.