Génesis 47:4 - Q'eqchi Bible

⁴ Ke'xye ajwi' re laj Parahón: “Xoochalk chi wank sa' li ch'och' a'in, xb'aan naq k'ajo' li we'ej aran Kanahán ut maak'a' li raxpim cho'q reheb' li qaketomq. Chakuy qamaak, naqatz'aama chawu naq toohaakanab' chi wank sa' li na'ajej Gosen”, chankeb'.

Li Santil hu

⁴ Ut queꞌxye ajcuiꞌ re laj faraón: —La̱o xochal chi cua̱nc arin xban nak kꞌaxal numtajenak li cueꞌej aran Canaán, yal ta li pachꞌayaꞌ cuan re teꞌxcuaꞌ li kaqueto̱mk. Aꞌan aj e nak xochal chixtzꞌa̱manquil a̱cue nak ta̱ba̱nu usilal, toa̱canab chi cua̱nc saꞌ li naꞌajej Gosén, chanqueb re.

Génesis 47:4 ပူးပေါင်းရင်းမြစ်များ

Génesis 46:34

teeye re: «Chalen chaq sa' qakach'inal laa'o aj k'aak'alenel ketomq; jo'kaneb' ajwi' chaq eb' li qaxe'toonil yuwa'», cha'qex. Chi jo'kan truuq texkanaaq sa' li na'ajej Gosen”, chan laj José. Xb'aan naq eb' laj Ejiipt xik' neke'ril chixjunileb' laj k'aak'alenel ketomq.

Deuteronomio 26:5

Ut laa'at tat-ok chi aatinak, taaye a'in re li Qaawa' laaYos: «Linxe'toonil yuwa' a'an chaq jun aj Aram, aj b'eenihom rib'. Kikub'eek sa' li tenamit Ejiipt ut aran kiwank chi yal ink'a' k'iheb'; ab'anan ke'tamk, ke'xtaw xwankil ut ke'nimlatenamito'k.

Génesis 15:13

Toja' naq li Qaawa' kixye re laj Abrán: “Chanawaq naq eb' laawalal aak'ajol te'kanaaq sa' ab'l aj ch'och' jo'aqeb' aj b'eenihom rib'; te'mine'q ru chi xb'aanunkil li kawil k'anjel ut te'rahob'tesiiq chiru jun o'q'ob' (400) chihab'.

Génesis 43:1

Li we'ej yo chi numtaak sa' li ruuchich'och'.

Hechos 7:11

“Toja' naq kichalk li we'ej ut jun nimla rahilal sa' chixjunil Ejiipt ut Kanahán: eb' li qana' qayuwa' ink'a' neke'xtaw xtzekemqeb'.

Salmos 105:23

Toja' naq laj Israel ki'ok Ejiipt, laj Jakob kiwank sa' xch'och'el laj Kam.

Hechos 7:6

Jo'ka'in ki'aatinak li Yos: «Eb' laawalal aak'ajol te'kanaaq sa' ab'l aj ch'och' jo'aqeb' aj b'eenihom rib'; te'wanq cho'q aj loq'b'il k'anjel ut te'rahob'tesiiq chiru jun o'q'ob' (400) chihab'.

Isaías 52:4

Xb'enwa lintenamit ke'koheb' Ejiipt chi kanaak aran jo' ab'l tenamit; moqon chik ke'rahob'tesiik xb'aaneb' laj Asiria chi maak'a' xyaalal.

Génesis 12:10

Ab'anan kiwank we'ej sa' li na'ajej a'an: jo'kan naq laj Abrán kikub'eek Ejiipt re kanaak jun k'amokaq aran, xb'aan naq li we'ej yo chi numtaak sa' li xtenamit.

Génesis 47:5

Toja' naq laj Parahón kixye re laj José: “Laayuwa' ut eb' laawas xe'k'ulunk aawik'in.

Génesis 45:10

Tatkanaaq sa' li na'ajej Gosen, nach' chik wik'in, aawochb'eeneb' laawalal, laawi aamam, eb' laakarneer, laawakax ut chixjunil li k'aru wank aawe.