Génesis 46:12 - Q'eqchi Bible

¹² Eb' li ralal laj Judá: laj Er, laj Onán, laj Selá, laj Perés ut laj Séraj (ab'anan laj Er ut laj Onán ak ke'kamk chaq Kanahán), ut eb' li ralal laj Parés: laj Jesrón ut laj Jamul.

Li Santil hu

¹² Ut aꞌaneb aꞌin lix cꞌabaꞌeb li ralal laj Judá: laj Er, laj Onán, laj Sela, laj Fares ut laj Zara. Laj Er ut laj Onán queꞌcam saꞌ li tenamit Canaán. Ut laj Fares quicuan cuib li ralal laj Hezrón ut laj Hamul xcꞌabaꞌeb.

Génesis 46:12 ပူးပေါင်းရင်းမြစ်များ

1 Crónicas 4:21

Eb' li ralal xk'ajol laj Selá, ralal laj Judá a'aneb' a'in: laj Er, xyuwa' laj Leká, laj Ladá, xyuwa' laj Maresá, ut li xch'uutaleb' li neke'k'anjelank re li liin aran Bet-Asbeha,

Génesis 38:10

Ink'a' kiwulak chiru li Qaawa' li kixb'aanu laj Onán ut kixk'e ajwi' chi kamk a'an.

Génesis 38:7

Ab'anan laj Er, li xb'een ralal laj Judá, ink'a' us xch'ool chiru li Qaawa' ut li Qaawa' kixk'e chi kamk.

Génesis 29:35

Kisiyank wi' chik, kiwank xka xk'uula'al, aj Judá xk'ab'a', ut kixye: “Anaqwan tinloq'oni li Qaawa'”. Chirix chik a'an ink'a' chik ki'alank.

Apocalipsis 5:5

Ab'an jun reheb' li cheekel winq kiyehok we: “Matyaab'ak. Chawil, li Kaqkoj re li xteepal laj Judá, a' li xTuxb' laj David, xq'axok u: a'an taa'isinq reheb' li wuqub' chi tz'apleb' ut tixte li hu”.

Hebreos 7:14

Ch'olch'o naq li Qaawa' yo'lajenaq chaq rik'in laj Judá; ut chirix li teepal a'in maak'a' kixye laj Moisés naq ki'aatinak chirix xk'anjeleb' laj tij.

Salmos 78:68

Ab'an kixsik' ru li xteepal laj Judá jo'wi' li tzuul Sión li q'axal raaro xb'aan.

1 Crónicas 5:2

Chirix chik a'an laj Judá kinimank xwankil chiruheb' li riitz'in ut sa' xyanqeb' a'an ki'elk jun aj jolominel;

1 Crónicas 3:1

A'aneb' a'in li ralal xk'ajol laj David yo'lajenaqeb' chaq aran Hebrón: li xb'een ralal a'an laj Amnón, xyum lix Ajinohán aj Jisrehel; li xkab', a'an laj Daniel, xyum lix Abigahil, Karmeel xtenamit;

1 Crónicas 2:1

Eb' li ralal xk'ajol laj Israel a'aneb' a'in: laj Rubén, laj Simehón, laj Leví, laj Judá, laj Isakar, laj Sabulón,

Jueces 1:2

Kichaq'ok li Qaawa' ut kixye: “Eb' laj Judá te'xik xb'enwa. Laa'in xinq'axtesi li na'ajej sa' ruq'eb' a'an”, chan.

Deuteronomio 33:7

Cho'q re laj Judá kixye a'in: “At Qaawa', chawab'i xyaab' xkux laj Judá ut chak'am xb'e chi xik rik'in li xtenamit. Li ruq' taakoloq re ut laa'ataq laj tenq' re sa' xb'eeneb' li xik' neke'ilok re”, chan laj Moisés.

Números 1:7

“Sa' xteepal Judá: a' laj Najsón, ralal laj Aminadab.

Génesis 38:4

Kisiyank wi' chik ut kiwank jun xk'uula'al: aj Onán ke'xk'e cho'q xk'ab'a'.

Génesis 46:11

Eb' li ralal laj Leví: laj Kersón, laj Kehat, laj Merarí.

Génesis 46:13

Eb' li ralal laj Isakar: laj Tolá, laj Puhá, laj Yasub ut laj Simrón.

Li xHu LIX RUT 4:12

A' taxaq li Qaawa' chik'ehoq eere naab'al leekok'al jo' kixk'ul li xjunkab'al laj Perés, li ralal laj Judá rik'in lix Tamar.

1 Crónicas 9:4

Sa' xyanqeb' li ralal xk'ajol laj Judá: laj Utay, ralal laj Amiud, ralal laj Omrí, ralal laj Imrí, ralal laj Baní, xkomoneb' li ralal xk'ajol laj Fares, ralal laj Judá.

Génesis 38:5

Moqon kiwank jun chik xk'uula'al ut aj Selá ke'xk'e cho'q xk'ab'a'. Laj Judá wan chaq sa' li tenamit Kesib naq kiyo'laak li k'uula'al.

1 Crónicas 4:1

Eb' li ralal xk'ajol laj Judá a'aneb' a'in: laj Fares, laj Jesrón, laj Karmí, laj Jur ut laj Sobal.

1 Crónicas 9:6

Sa' xyanqeb' li ralal xk'ajol laj Séraj: laj Jehiel ut eb' li rech'alal, lajeeb' ro'lajuk'aal xkab' o'q'ob' (690) chi poyanam chixjunileb'.

Nehemías 11:24

Laj Petajías, ralal laj Mesesabel, xkomoneb' laj Séraj, ralal laj Judá, a'an xaqab'anb'il chi aatinak sa' xk'ab'a'eb' laj Israel sa' rochoch li awab'ej re Persia.