Génesis 46:1 - Q'eqchi Bible

¹ Laj Israel ki'elk aran ut kixk'am chirix chixjunil li k'aru wank re. Naq kiwulak Berseba, kimayejak chiru li xYos laj Isahak li xyuwa'.

Li Santil hu

¹ Laj Israel qui-el aran ut quixcꞌam chirix chixjunil li cꞌaꞌru cuan re. Ut nak quicuulac saꞌ li naꞌajej Beerseba, quimayejac chiru li Ka̱cuaꞌ Dios, li naxlokꞌoni laj Isaac lix yucuaꞌ.

Génesis 46:1 ပူးပေါင်းရင်းမြစ်များ

Génesis 31:42

Wi ta li xYos laj Abrahán ut li xYos laj Isahak linyuwa' ink'a' xinxtenq'a, relik chi yaal naq xinaataqla raj chaq anaqwan chi maak'a' wank we. Ab'anan li Yos xril xtoq'ob'aal wu ut lintawajik, ut ewer chi q'eq xatxq'us”, chan laj Jakob.

Génesis 28:13

Kiril ajwi' li Qaawa' wan chaq sa' xb'een li taqleb'aal ut kirab'i li aatin a'in: “Laa'in li Qaawa', xYos laj Abrahán laayuwa' ut xYos laj Isahak. Li ch'och' sotsookat wi' tink'e aawe ut reheb' laawalal aak'ajol.

Génesis 28:10

Laj Jakob ki'elk Berseba ut koho Harán.

Génesis 21:33

Toja' naq laj Abrahán kiraw jun toon chi tamarisko aran Berseba ut kixyaab'a xk'ab'a' li Qaawa', li junelik Yos.

Génesis 21:31

Jo'kan naq li na'ajej a'an Berseba naxk'ab'a'in, xb'aan naq aran laj Abrahán ut laj Abimélek ke'xk'e rib' sa' aatin rik'in jurament.

Génesis 21:14

Kiwakliik laj Abrahán toj eq'la. Kixk'e chi xk'am xwa ut jun kuk xha' lix Agar; kixk'e chi xjelo li ch'ina'al ut kixchaq'rab'i. Ut a'an kixchap xb'e ut koho sa' li chaqich'och', sa' xteepal Berseba.

Li xHu LAJ JOB 42:8

Jo'kan utan chapomaq wuqub' chib'aat ut wuqub' karneer ut ayuqex rik'in laj Job laj k'anjel chiwu. Aran yeechi'ihomaq eb' li xul a'an cho'q k'atb'il mayej sa' eek'ab'a' laa'ex; ut laj Job laj k'anjel chiwu taatijoq cherix. Laa'in twab'i li xtij ut maak'a' tinb'aanu eere, us ta eek'ulub' xtojb'al rix leemaak xb'aan naq ink'a' xeye li yaal chiwix jo' xb'aanu laj Job”.

Li xHu LAJ JOB 1:5

Sa' xraqik li junjunq chi ninq'e laj Job naxb'oqeb' li ralal ut namayejak re te'kuye'q li xmaakeb'. Nawakliik toj eq'la ut naxyeechi'i li xk'atb'il mayej chiru li Yos, sa' xk'ab'a' li junjunq chi ralal. Xb'aan naq naxye sa' xch'ool: “Mare eb' li walal xe'xmajewa li Yos sa' xch'ooleb'”. Ut junelik naxb'aanu chi jo'kan.

1 Samuel 3:20

Ut chixjunileb' laj Israel, chalen chaq Dan toj Berseba, ke'xk'e reetal naq laj Samuel tz'aqal xpropeet li Yos.

Génesis 35:7

Aran kixyiib' jun li artal ut “Yos re Betel” kixk'e cho'q xk'ab'a' li na'ajej a'an, xb'aan naq aran li Yos kixk'utb'esi rib' chiru naq yo chi elelik chiru li ras.

Génesis 35:3

Yo'qeb' sa' junpaat sa' li na'ajej Betel, xb'aan naq aran toxinyiib' jun li artal cho'q re li Yos li kitenq'ank we sa' xq'ehil xrahilal linch'ool ut xinrochb'eeni sa' linb'eenik”.

Génesis 33:20

Chirix chik a'an kixwaklesi jun li artal, ut “El, xYos laj Israel” kixk'e cho'q xk'ab'a'.

Génesis 31:53

Li xYos laj Abrahán ut li xYos laj Najor chiraqoq taxaq aatin sa' qab'een”. Toja' naq laj Jakob kixye xjurament sa' xk'ab'a' li Yos naloq'oniik xb'aan laj Isahak li xyuwa'.

Génesis 22:13

Toja' naq laj Abrahán kixtaqsi li rilob'aal ut kiril jun karneer t'ilt'o chaq li xxukub' sa' li k'ix. Koho, kixchap chaq li karneer ut kixkamsi cho'q xmayej, reeqaj li ralal.

Génesis 12:8

Moqon ki'elk aran ut kiq'axonk sa' li tzuul chi xk'atq Betel, sa' xjayal releb'l li saq'e, ut kixk'ojob' li xmuheb'aal sa' xyanq Betel, li wank sa' rokeb'l saq'e, rik'in Ay sa' xjayal releb'l saq'e. Aran kixyiib' jun li artal re li Qaawa' ut kixyaab'a xk'ab'a'.

Génesis 8:20

Chirix a'an laj Noé kixyiib' jun li artal re li Qaawa', kixchapeb' li chaab'ileb' xul li neke'b'eek jo' ajwi' li neke'rupupik, ut kixyeechi'i jo' k'atb'il mayej sa' xb'een li artal.

Génesis 4:4

Jo'kan ajwi' laj Abel kixmayejaheb' li xb'een raleb' li xkarneer ut chixjunil li xxeeb'ul. Li Qaawa' kisaho'k xch'ool rik'in laj Abel jo'wi' rik'in li xmayej,

Hechos 7:15

Laj Jakob kikub'eek Ejiipt b'arwi' kikamk a'an jo'eb' ajwi' li qana' qayuwa';

Génesis 45:28

Ut kixye: “Tz'aqalaq a'in! Toj yo'yo laj José li walal. Tinxik chi rilb'al ru rub'elaj linkamik”, chan.

Amós 7:9

Te'juk'manq eb' li xtijob'aal laj Isahak, te'sachmanq li xmuheb'aaleb' laj Israel, ut tinwakliiq chi yalok rik'ineb' li ralal xk'ajol laj Jerobohán”.

Josué 24:4

Chirix chik a'an kink'e wiib' li ralal laj Isahak: a'aneb' laj Jakob ut laj Esaú. Laj Esaú kink'e chireechani li tzuul Seír, ab'an laj Jakob rochb'eeneb' li ralal xk'ajol koheb' Ejiipt.

1 Samuel 8:2

Li xk'ab'a' li xb'een ralal, a'an aj Joel; ut li jun chik, aj Abías xk'ab'a'. Xkab'ichaleb' neke'raqok aatin sa' xb'eeneb' laj Israel aran Berseba.