Génesis 45:26 - Q'eqchi Bible

²⁶ ut koxe'xye re: “Toj yo'yo laj José! A'an li nataqlank sa' xb'een chixjunil li tenamit Ejiipt”, chankeb'. Naq kirab'i resil li ralal, mem kikanaak laj Jakob, xb'aan naq ink'a' kixpaab' li k'aru kiyehe'k re xb'aaneb' li ralal.

Li Santil hu

²⁶ Ut queꞌxye re laj Jacob: —¡Cꞌoxla! Yoꞌyo laj José. Aꞌan li nataklan saꞌ xbe̱n chixjunil li tenamit Egipto, chanqueb. Ut quisach xchꞌo̱l laj Jacob nak quirabi resil li ralal. Laj Jacob incꞌaꞌ quixpa̱b li cꞌaꞌru quiyeheꞌ re xbaneb li ralal.

Génesis 45:26 ပူးပေါင်းရင်းမြစ်များ

Génesis 44:28

Li jun xkoho ut laa'in xink'oxla: Ch'olch'o naq jun josq' aj xul xt'upink re. Ut chalen toj anaqwan ink'a' chik wilom ru.

Génesis 37:35

Chixjunileb' li ralal ut eb' li xrab'in ke'wulak chi xk'ojob'ankil xch'ool, a'ut a'an ink'a' kiraj k'ojob'aak xch'ool ut naxyehatq: “Tinwanq chi ra sa' inch'ool toj reetal tinxik rik'in li walal sa' xna'ajeb' li kamenaq”. K'ajo' naq kiyaab'ak laj Jakob chirix li ralal.

San Lucas 24:41

Toj maji' ajwi' neke'xpaab' xb'aan xsahil xch'ooleb' ut toj sachsookeb' xna'leb'; jo'kan naq li Jesus kixpatz' reheb': —Ma wank b'ayaq eetzekemq?

San Lucas 24:34

yookeb' chi xyeeb'al: —Relik chi yaal naq xwakliik chi yo'yo li Qaawa' ut xk'ut rib' chiru laj Simón!

San Lucas 24:11

Ab'anan eb' li apóstol ke'xk'oxla naq moko yaal ta chixjunil li neke'xye eb' li ixq, ut ink'a' ke'xpaab'.

Jonás 2:7

Xweek'a naq yo chi elk linch'ool, naqaamilat sa' li waanm, at Qaawa', ut lintij xwulak aawik'in, toj sa' laasantil ochoch.

Salmos 126:1

B'ich re li taqsink. Naq li Qaawa' kixsutq'isiheb' chaq wi' chik eb' laj Sión, chanchan wi' matk'ek yooko chiqajunil.

Salmos 105:21

Ut kixxaqab' cho'q aj jolominel re li rochoch, kixk'e xwankil sa' xb'een chixjunil li xjunkab'lal,

Li xHu LAJ JOB 29:24

Naq nink'ut chiruheb' xsahilal linch'ool, chi raasa neke'xpaab'; ut junelik neke'royb'eni junaq reetalil li xsahilal li waanm.

Li xHu LAJ JOB 9:16

Wi ta tinb'oq chaq ut a'an tinxsume, nink'oxla naq ink'a' raj tixk'e reetal li waatin.

Génesis 42:38

Kichaq'ok laj Jakob ut kixye: “Ink'a' taaxik li walal cherix, xb'aan naq kamenaq chik li ras ut ka'aj chik a'in xkanaak. Mare k'aru tixk'ul sa' b'e naq yooqex chi xik, ut chi jo'kan tineetaqla sa' xna'ajeb' li kamenaq chi ra sa' inch'ool sa' lintiixilal”.

Génesis 42:36

Toja' naq laj Jakob, li xyuwa'eb', kixye reheb': “Xemaq' chiwu eb' li walal: maa'ani chik laj José, maa'ani laj Simehón ut chirix chik a'in teeraj ajwi' xmaq'b'al laj Benjamín chiwu. Chixjunil a'in nalajchalk sa' inb'een ut tinxkamsi!”.

Génesis 37:31

Toja' naq eb' a'an ke'xxok li xjut-aq' laj José, ke'xkamsi jun ch'ina chib'aat ut ke'xtz'a li raq' laj José sa' li kik'.

Génesis 45:25

Ke'elk Ejiipt ut ke'wulak Kanahán wan wi' laj Jakob, li xyuwa'eb',

Génesis 42:29

Naq ke'wulak Kanahán wan wi' li xyuwa'eb', koxe'xseeraq'i chixjunil li k'aru ke'xk'ul, ut ke'xye re:

Génesis 48:11

Toja' naq kixye re laj José: “Laa'in xink'oxla naq ink'a' chik twil aawu, ut anaqwan li Yos xk'e ajwi' chiwil eb' laawalal”.