Génesis 45:16 - Q'eqchi Bible

¹⁶ Kiwulak resil sa' rochoch laj Parahón naq ke'wulak eb' li ras laj José rik'in. K'ajo' naq ke'saho'k sa' xch'ool laj Parahón ut eb' laj k'anjel chiru chi rab'inkil a'an.

Li Santil hu

¹⁶ Ut quicuulac resil saꞌ rochoch laj faraón nak queꞌcuulac eb li ras laj José riqꞌuin. Ut laj faraón, joꞌ eb ajcuiꞌ laj cꞌanjel chiru, queꞌsahoꞌ saꞌ xchꞌo̱l chirabinquil aꞌin.

Génesis 45:16 ပူးပေါင်းရင်းမြစ်များ

Hechos 7:13

ut sa' li xka' sut laj José kixk'e rib' chi nawe'k chiruheb' li ras, ut chi jo'kan laj Parahón kixnaw aniheb' li rech kik'elil laj José.

Hechos 6:5

Chixjunil li jo'k'ihaleb' wankeb' aran, ke'xk'ulub'an xch'ool li na'leb' a'in, ut ke'xsik' ru laj Esteban, jun li winq nim xpaab'aal ut nujenaq chi Santil Musiq'ej, jo'wi' laj Felipe, laj Prókoro, laj Nikanor, laj Timón, laj Pármenas ut laj Nikolás aj Antiokía, a' li ki'ok sa' xyanqeb' laj Judiiy.

Ester 5:14

Toja' naq lix Seres li rixaqil ut chixjunileb' li ramiiw ke'xye re: “K'e chi yiib'aak jun li t'uyleb'aal poyanam, aj oxlaju moqoj xteram, ut aran taat'uyub' laj Mardokeo. Chi jo'kan sahaq sa' aach'ool naq tatxik chi tzekank aawochb'een li awab'ej”, chankeb'. Laj Amán kixk'ul xch'ool li na'leb' a'an ut kixtaqla xyiib'ankil li kamsib'aal.

Ester 2:4

Li ch'ina ixq li taawulaq chiru li awab'ej, a'an taakanaaq cho'q reeqaj lix Vasti”, chankeb'. Kiwulak chiru li awab'ej eb' li aatin a'in, ut jo'kan ki'uxmank.

Ester 1:21

Laj Asuero ut chixjunileb' laj jolominel ke'xk'ul xch'ool li k'aru kixye laj Memukán, ut li awab'ej kixye naq chipaab'aaq li na'leb' a'an.

2 Samuel 3:36

Chixjunileb' li tenamit ke'xnaw a'an ut ke'xk'ulub'an xch'ool. Jo'ch'inal jo'nimal kixb'aanu li awab'ej, kiwulak chiruheb'.

Deuteronomio 1:33

ut a'an chaq laj k'amol eeb'e ut naxsik' li na'ajej b'arwi' texhilanq: chiru q'oqyink nekexkutanob'resi rik'in xam, ut chiru li kutan nekexb'eres rik'in li choql.

Génesis 41:33

“Jo'kan b'i', at awab'ej, chasik'aq ru junaq winq seeb' xch'ool ut wank xna'leb', re tixk'e chi xjolominkil li tenamit Ejiipt.

Génesis 34:18

Laj Jamor ut laj Sikem, ralal laj Jamor, ke'xk'ulub'an xch'ool eb' li aatin a'in,

Génesis 20:15

Ut kixye re laj Abrahán: “K'e reetal, we' lintenamit: kanaaqat b'ar taawulaq chawu”.

Génesis 16:6

Kichaq'ok laj Abrán ut kixye: “Li ixq aj k'anjel chawu wank rub'el aawoq rub'el aawuq'. B'aanu re li k'aru taawaj”. K'ajo' naq lix Saray kijosq'o'k sa' xb'een lix Agar, ut a'in ki'elelik chiru.

Génesis 45:15

Chirix chik a'an kixtz'ub' ru chixjunileb' li ras, yo chi yaab'ak sa' xb'eeneb'; toja' naq eb' li ras ke'ok chi seeraq'ik rik'in.

Génesis 45:17

Kixye ut laj Parahón re laj José: “Ye reheb' laawas: «B'aanuhomaq chi jo'kan: k'ehomaq riiq leeb'uur ut ayuqex chi junpaat Kanahán;

Génesis 41:37

Laj Parahón ut eb' laj k'anjel chiru ke'xk'ul xch'ool eb' li aatin a'in,