Génesis 44:18 - Q'eqchi Bible

¹⁸ Toja' naq laj Judá kijilok chi xk'atq laj José ut kixye re: “Chinaakuy, at qaawa'. Tinye jun t'orolaq li raatin sa' xxik linqaawa'. Matjosq'o'k sa' inb'een xb'aan naq laa'at jo'kat laj Parahón.

Li Santil hu

¹⁸ Ut laj Judá quinachꞌoc chiru laj José ut quixye re: —Chacuy inma̱c. La̱in tincuaj xyebal cuib oxibak a̱tin a̱cue. Usan cui incꞌaꞌ ta̱cha̱lk a̱joskꞌil saꞌ kabe̱n xban nak la̱at kꞌaxal nim a̱cuanquil. La̱at joꞌ laj faraón, chan.

Génesis 44:18 ပူးပေါင်းရင်းမြစ်များ

Éxodo 32:22

Kichaq'ok laj Aharón: “Wa', matjosq'o'k. Laa'at nakanaw naq li tenamit a'in naxik xch'ool chi xb'aanunkil li ink'a' us.

Génesis 41:40

Laa'at tatjolominq re linjunkab'al ut chixjunileb' lintenamit te'xpaab' laawaatin. Ka'ajwi' link'ojarib'aal ink'a' tink'e aawe”, chan.

Génesis 18:30

Kixye laj Abrahán: “Matpo'k, at inQaawa', wi toj tinye aawe. Mare anchal lajeeb' xka'k'aal ajwi' taataw”. Kisumeek: “Ink'a' tinb'aanu, wi teb'intaw lajeeb' xka'k'aal”.

Génesis 41:44

Moqon chik laj Parahón kixye re laj José: “Laa'in laj Parahón; ab'anan maajun naru tixb'aanu li k'a'aq re ru sa' chixjunil li tenamit Ejiipt wi ink'a' taaye laa'at”, chan.

Génesis 18:32

Jun sut chik ki'aatinak laj Abrahán: “Matpo'k, at inQaawa'. Ka'aj chik anaqwan tin'aatinaq. Ut wi lajeeb' ajwi' taataw aran, ma taasach chixjunil li tenamit?”. Kisumeek: “Ink'a' ajwi' tinsach li tenamit, sa' xk'ab'a'eb' li lajeeb'”.

Hechos 2:29

“Ex was wiitz'in, chineekuy; tento tin'aatinaq chi ch'olch'o eerik'in chirix li qanajteril yuwa' laj David: a'an kikamk ut kimuqe'k, ut li xmuqleb'aal toj wank sa' qayanq chalen anaqwan.

San Juan 5:22

Xb'aan naq chi moko li Yuwa'b'ej naraqok aatin sa' xb'een anihaq, kixq'axtesi b'an chixjunil li raqb'a aatin sa' ruq' li K'ajolb'ej,

Daniel 5:19

Ut sa' xk'ab'a' a'an chixjunileb' li tenamit, eb' li poyanam, a' yaal k'aru li raatinob'aaleb', ke'xiwak ut ke'siksotk chiru. Kixkamsi malaj kixkol li ani kiraj xch'ool, kixk'e xloq'al malaj kixsach xwankil li ani kiwulak chiru.

Daniel 3:15

Anaqwan naq teerab'i chi yaab'asiik li pur, li xolb', li kitaar, li aarp, li tzojtzoj, li tun ut chixjunil li k'iila paay chi wajb', ma teeb'uchub' eerib' chi xloq'oninkil ru li jalam u oor li xink'e chi yiib'aak? Xb'aan naq wi ink'a' teeloq'oni ru, sa' junpaat texkute'q sa' li xam li k'ajo' xtiqwal; toja' naq k'a' chik chi yosil taakoloq eere sa' wuq'?”, chan li awab'ej.

Proverbios 19:12

Naq li awab'ej najosq'o'k, naxjap re jo' li kaqkoj; ut naq na'usilank, a'an chanchan li k'ajob' sa' xb'een li pach'aya'.

Salmos 79:5

Toj jo' najtil chik yooq laajosq'il, at Qaawa'? Ma junelik taak'atoq laajosq'il kama' li xam?

Li xHu LAJ JOB 33:31

Ab'i li waatin, a Job; k'e reetal li yookin xyeeb'al.

Ester 1:12

Ab'anan lix Vasti ink'a' kixpaab' li xb'oqb'al xb'aan li awab'ej. Toja' naq q'axal kiraho'k xch'ool li awab'ej; kijosq'o'k

2 Samuel 14:12

Kixye li ixq: “Nintz'aama chawu naq laamoos truuq taxaq xyeeb'al jun t'orolaq chik li raatin”. “Aatinan”, chan li awab'ej.

Génesis 37:7

Yooko chi xb'ak'b'al chi joob' li triiw sa' k'aleb'aal ut xwil naq li jun joob' li we xwakliik ut xaqxo xkanaak, a'ut leere laa'ex xe'xsut li we ut xe'xk'utzub' rib' chiru”.

Génesis 37:8

Toja' naq eb' li ras ke'xye re: “Ma laa'at tab'i' tat-awab'ejinq qe malaj toohaak'e rub'el laawankil?”, chankeb'. Ut q'axal chik xik' neke'ril xb'aan li xmatk' ut eb' li raatin.

Génesis 44:17

Ab'an laj José kixye: “Maajun wa tinb'aanu a'in! Li xtawmank wi' li sek', a'an taakanaaq cho'q aj mun sa' li wochoch; ut laa'ex texq'ajq wan wi' leeyuwa' chi maak'a'aq eech'a'ajkilal”.

Génesis 37:6

Kixye reheb': “Ab'ihomaq linmatk'.