Génesis 43:29 - Q'eqchi Bible

²⁹ Toja' naq laj José kixtaqsi li rilob'aal ut kiril laj Benjamín li riitz'in, xyum li xna', ut kixye: “Ma a'an leeriitz'in li xeye we? Li Yos chi'osob'tesinq aawe, at walal!”, chan.

Li Santil hu

²⁹ Laj José quiril laj Benjamín, ut quijulticoꞌ re nak junajeb lix naꞌ riqꞌuin, ut quixye reheb: —¿Ma aꞌin le̱ ri̱tzꞌin li xeye cue junxil? chan reheb. Tojoꞌnak laj José quixye re laj Benjamín: —Li Dios taxak chi-osobtesi̱nk a̱cue, chan re.

Génesis 43:29 ပူးပေါင်းရင်းမြစ်များ

Números 6:25

Sahaq taxaq xch'ool li Qaawa' aawik'in ut chixk'ut chawu li rusilal.

Génesis 42:13

Ke'xye re: “Kab'lajuheb' laj k'anjel chawu: qiitz'in qib' ut jun ajwi' li qayuwa' aran Kanahán; ab'an li iitz'inb'ej wan chaq anaqwan rik'in li qayuwa', ut li jun chik moko yo'yo ta chik”.

Hebreos 13:1

Chiwanq junelik li rahok ib' sa' eeyanq jo' eeras eeriitz'in eerib'.

1 Timoteo 1:2

nintz'iib'ak aawik'in, a Timoteo, tz'aqal walalat sa' li qapaab'aal. Chiwanq taxaq aawik'in li usilal, li uxtaanal ut li tuqtuukilal nachalk rik'in li Yos Yuwa'b'ej ut rik'in li Kristo Jesus, li Qaawa'.

San Marcos 10:24

Eb' li xtzolom naq ke'rab'i eb' li aatin a'in, sachsookeb' xch'ool ke'kanaak. Ab'an li Jesus ki'ok wi' chik chi aatinak ut kixye reheb': —Ex walal ink'ajol, k'ajo' xch'a'ajkil li ok sa' li xnimajwal awab'ejihom li Yos!

San Mateo 9:22

Ab'an li Jesus kixsutq'isi rib', kiril li ixq ut kixye re: —Kawaq aach'ool, at inrab'in, laapaab'aal xkolok aawe. Ut chalen sa' li honal a'an kik'iraak li ixq.

San Mateo 9:2

Tikto ke'xk'am chaq rik'in li Jesus jun li sik, yokyo sa' xch'aat. Ut naq kiril li xpaab'aaleb', kixye re li sik: —Kawaq aach'ool, at walal, kuyb'il sachb'il chik laamaak.

Malaquías 1:9

“Anaqwan tz'aamahomaq rusilal li Yos sa' qab'een re naq taaruxtaana qu. Ab'anan chanru naq taaril xtoq'ob'aal eeru naq yookex chi xyeechi'inkil a'an? -chan li Nimajwal Yos-.

Isaías 33:2

At Qaawa', chawuxtaana taxaq qu, aawik'in yooko chi oyb'enink. Laa'ataq xkawub' qach'ool rajlal eq'la, laa'ataq laj kolol qe sa' xq'ehil li rahilal.

Isaías 30:19

Ex aj Jerusalén, mexyaab'ak chik. Li Qaawa' taaruxtaana eeru naq trab'i xyaab' leekux; ka'ajwi' texrab'i chi tz'aamank ut elajink, texsume.

Salmos 112:4

Xkutano'k li aak'ab' sa' xb'eeneb' li tiikeb' ru xyu'am, sa' xb'eeneb' li tuulan, laj uxtaan ut li tiikeb' xch'ool.

Salmos 111:4

Kixb'aanu sachb'ach'oolej li tento xjultikankil. Li Qaawa' a'an aj uxtaan ut natoq'ob'ank u.

Salmos 67:1

Re li xjolomileb' laj b'ichanel. Rik'ineb' li wajb' li wankeb' li ru. Saalm ut b'ich.

2 Crónicas 29:11

Ex walal, k'ehomaq eech'ool chi k'anjelak, xb'aan naq li Qaawa' kisik'ok eeru re naq wanqex rik'in, texk'anjelaq chiru ut texmayejaq k'ajpom”, chan laj Esekías.

Josué 7:19

Toja' naq laj Josué kixye re laj Akán: “At walal, chanima xloq'al li Qaawa', xYos laj Israel; chaterq'usi li xk'ab'a'. Ye we k'aru xab'aanu ut maamuq chiwu”, chan.

Génesis 45:8

Jo'kan b'i', moko laa'ex ta li xextaqlank chaq we arin, a' b'an li Yos. Ut a'an xinxxaqab' cho'q aj ilol re laj Parahón, cho'q aj eechal re chixjunil li xjunkab'lal ut cho'q aj jolominel re chixjunil Ejiipt.

Génesis 42:11

Chiqajunilo laa'o ralalo jun chi yuwa'b'ej ut tiik li qach'ool. Eb' laj k'anjel chawu moko aj ch'uukeb' ta”.

Génesis 35:24

A'aneb' a'in li ralal li kiwank rik'in lix Rakel: laj José ut laj Benjamín.

Génesis 44:21

Toja' naq laa'at xaye qe: «K'amomaq chaq re naq twil ru».