Génesis 43:14 - Q'eqchi Bible

¹⁴ A' taxaq li Nimajwal Yos chitenq'anq eere re naq usilal teetaw chiru li winq a'an: chirach'ab' taxaq leeriitz'in jun chik jo' ajwi' laj Benjamín. Ut laa'in k'a' ta ru tinye? Wi te'sachq chiwu eb' li walal, maak'a' xja'lenkil”, chan laj Jakob.

Li Santil hu

¹⁴ Li Ka̱cuaꞌ Dios taxak ta̱tenkꞌa̱nk e̱re nak texcuulak riqꞌuin li cui̱nk aꞌan. Chisahokꞌ taxak saꞌ xchꞌo̱l nak texril ut tixba̱nu usilal e̱re. Ta̱rachꞌab taxak laj Simeón ut chicha̱lk taxak laj Benjamín nak texsukꞌi̱k chak la̱ex. Cui nequeꞌsach chicuu chi xcabichaleb li cualal, ¿cꞌaꞌ ta chic ru ta̱ru̱k tinba̱nu la̱in? chan laj Jacob.

Génesis 43:14 ပူးပေါင်းရင်းမြစ်များ

Ester 4:16

“Ayu ut ch'utub'eb' chixjunileb' laj Judiiy li wankeb' sa' li tenamit Susa ut ayuuninqex chiwix. Ink'a' texwa'aq chi moko tex'uk'aq chiru oxib' kutan ut oxib' q'oqyink. Jo'kan ajwi' tinb'aanu laa'in wochb'eeneb' li ixq aj k'anjeleb' chiwu. Chirix chik a'an, us ta ink'a' naxye sa' li chaq'rab', laa'in tinwulaq rik'in li awab'ej. Ut wi tine'xkamsi, kamqin”.

Génesis 17:1

B'eleelaju ro'k'aal (99) chihab' wank re laj Abrán naq li Qaawa' kixk'ut rib' chiru ut kixye re: “Laa'in li Nimajwal Yos. Wanqat chi sum'aatin wik'in ut tiikaq laach'ool.

Hechos 21:14

Ab'anan laa'o ink'a' kooruhank chi xjalb'al xk'a'uxl; jo'kan naq kiqakanab' relajinkil ru ut kiqaye: —Chi'uxq ta li naraj li Qaawa'.

Nehemías 1:11

Nintz'aama chawu, at Qaawa', chawab'i taxaq lintz'aamahom ut li xtijeb' laj k'anjel chawu li neke'raj xnimankil laak'ab'a'. Chak'e taxaq naq us tin'elq ut usilal toxintaw rik'in li awab'ej”. Sa'eb' li kutan a'an laa'in aj k'ehol ruk'a' li awab'ej naq kinwank.

Proverbios 16:7

Naq li Qaawa' naxk'ul xch'ool li qayu'am, a'eb' ajwi' li xik' neke'ilok qe neke'ok wi' chik sa' amiiwil qik'in.

Salmos 119:41

Chintz'aqonq, at Qaawa', rik'in laawuxtaan ut li kolb'a ib' li xayeechi'i we.

Salmos 100:5

Xb'aan naq jwal chaab'il li Qaawa', li xrahom wank chi junelik; li xtiikilal xch'ool wanq junq'e junq'e kutan.

Génesis 22:14

Ut laj Abrahán kixk'e cho'q xk'ab'a' li na'ajej a'an: “Li Yos nanawok re”. Jo'kan nayeemank chalen toj anaqwan: “Sa' li tzuul, li Yos nanawok re”.

2 Juan 1:3

Li usilal, li uxtaanal ut li tuqtuukil usilal li nachalk rik'in li Yos Yuwa'b'ej ut rik'in li Jesukriist, Ralal li Yuwa'b'ej, taawanq qik'in rik'in li yaal ut li rahok.

Tito 1:4

Jo'kan naq nintz'iib'ak aawik'in, a Tito, tz'aqal walalat sa' li qapaab'aal. Chiwanq taxaq aawik'in li usilal ut li tuqtuukilal nachalk rik'in li Yos Yuwa'b'ej ut rik'in li Kristo Jesus laj Kolol qe.

1 Timoteo 1:16

Ut a'in xyaalal naq li Yos kiruxtaana wu: re naq li Jesukriist xb'enwa wik'in tixk'utb'esi chixjunil li xnimal xkuyum, jo'wi' re xk'amb'al xb'e chixjunileb' li te'paab'anq re naq te'reechani li junelik yu'am.

1 Timoteo 1:2

nintz'iib'ak aawik'in, a Timoteo, tz'aqal walalat sa' li qapaab'aal. Chiwanq taxaq aawik'in li usilal, li uxtaanal ut li tuqtuukilal nachalk rik'in li Yos Yuwa'b'ej ut rik'in li Kristo Jesus, li Qaawa'.

Hechos 7:10

ut kirisi sa' chixjunil li xrahilal. Kixk'e xna'leb' re naq usilal tixtaw chiru laj Parahón, awab'ej re Ejiipt; ut a'in kixxaqab' laj José cho'q aj jolominel re Ejiipt jo'wi' re chixjunil li xjunkab'al.

San Lucas 1:50

Li ruxtaan junelik wank sa' xb'eeneb' li neke'xiwank re.

Isaías 49:13

Ex choxa ut ruuchich'och', japomaq eere xb'aan xsahil eech'ool. Ex tzuul, pisk'onqex ut b'ichanqex, xb'aan naq li Qaawa' xk'ojob' xch'ool li xtenamit ut xril xtoq'ob'aal ruheb' li wankeb' sa' rahilal.

Proverbios 21:1

Li xk'a'uxl li awab'ej chanchan jun nima', li nak'ame'k xb'aan li Yos b'arwi' naraj A'an.

Proverbios 1:1

A'an a'in xyehom laj Salomón, ralal laj David, awab'ej re Israel,

Esdras 7:27

Toja' naq laj Esdras kitijok chi kama'in: “Usilaatinanb'il taxaq li Qaawa', xYos eb' li qana' qayuwa', li xtoch'ok xch'ool li awab'ej re naq tixk'e xloq'al li rochoch li Qaawa' aran Jerusalén.

Génesis 42:36

Toja' naq laj Jakob, li xyuwa'eb', kixye reheb': “Xemaq' chiwu eb' li walal: maa'ani chik laj José, maa'ani laj Simehón ut chirix chik a'in teeraj ajwi' xmaq'b'al laj Benjamín chiwu. Chixjunil a'in nalajchalk sa' inb'een ut tinxkamsi!”.

Génesis 42:24

Naq kirab'i a'an laj José, kixkanab'eb' junpaat ut ki'ok chi yaab'ak xjunes. Chirix chik a'an kisutq'iik chaq ut ki'aatinak rik'ineb'; kixchap laj Simehón ut kixb'ak' chiru chixjunileb'.

Génesis 39:21

Ab'an li Qaawa' kixtenq'a laj José ut kiruxtaana ru: kixk'e chi xtawb'al usilal chiru li xb'eenil aj k'aak'alenel tz'alam.

Génesis 35:11

Chirix chik a'an kixye: “Laa'in li Nimajwal Yos. Chiwanq aawalal aak'ajol ut chatk'ihanq. Jun tenamit ut xk'ihaleb' li poyanam te'yo'laaq aawik'in, ut wankeb' awab'ej te'elje'q aawik'in.

Génesis 28:3

A' taxaq li Nimajwal Yos chi'osob'tesinq aawe, chixk'e taxaq aawalal aak'ajol, ut chatk'ihanq re naq laa'ataq xnimal xteepaleb' tenamit.

Salmos 85:7

Ma ink'a' taak'e wi' chik qayu'am re naq tsaho'q xch'ool laatenamit aawik'in?

San Juan 19:22

Kichaq'ok laj Pilaat: —Li xintz'iib'a, xintz'iib'a chik, chan.

Génesis 43:13

K'amomaq b'i' leeriitz'in cherix ut ayuqex chi junpaat wan wi' li winq a'an.

Salmos 106:46

Kixtoch' xch'ooleb' li wankeb' wi' chi preexil re naq te'xtoq'ob'a ruheb'.

Génesis 44:12

Laj tenq' re laj José kixtikib' sik'ok sa' xsaak li asb'ej toj kiraqe'k rik'in li iitz'inb'ej, ut kitawmank li sek' sa' xsaak laj Benjamín!