Génesis 42:9 - Q'eqchi Bible

⁹ Toja' naq laj José kinaqk sa' xch'ool naq kimatk'ek chirixeb' li ras, ut kixye reheb': “Laa'ex aj ch'uukex; xexchalk arin yal re rilb'al b'ar maak'a'eb' wi' aj k'aak'alehom re li tenamit”, chan.

Li Santil hu

⁹ Ut quinak saꞌ xchꞌo̱l laj José chanru nak quimatqꞌuec chirixeb li ras. Quixye reheb: —La̱ex moco ya̱l ta nak chi lokꞌoc xexchal arin. La̱ex yal qꞌuehoc etal xexchal arin re nak te̱ril li cꞌaꞌru cuan arin, chan laj José.

Génesis 42:9 ပူးပေါင်းရင်းမြစ်များ

Éxodo 32:35

Ut li Qaawa' kixrahob'tesiheb' li tenamit xmaak li ch'ina wakax yiib'anb'il chaq xb'aan laj Aharón.

Hebreos 11:31

Sa' xk'ab'a' li xpaab'aal lix Rajab, laj yumb'eet, ink'a' kikamk sa' xyanqeb' laj q'etol aatin, xb'aan naq kixk'uleb' sa' usilal eb' laj k'ehol eetal.

San Lucas 20:20

Ke'ok chi xk'eeb'al reetal k'aru tixb'aanu li Jesus, ut ke'xtaqlaheb' aj k'ehol eetal rik'in. Ke'xye reheb' naq tiikeb' xch'ool naq te'xb'aanu rib'eb' re xchapb'al li Jesus sa' aatin, ut chi jo'kan te'ruuq xq'axtesinkil sa' ruq' ut rub'el xwankil li ruuchil li awab'ej.

1 Samuel 26:4

Jo'kan naq kixtaqlaheb' aj k'ehol eetal ut kixnaw chi ch'olch'o ru naq laj Saúl wank aran.

Jueces 1:24

Eb' laj k'ehol eetal ke'ril jun li winq naq yo chi elk sa' li tenamit, ut ke'xye re: “Wi taak'ut chiqu chanru naq too'ok sa' li tenamit, laa'o taaqab'anyoxi chawu”, chankeb'.

Josué 6:23

Jo'kan naq koheb' li wiib' aj k'ehol eetal ut ke'risi chaq lix Rajab, li xna' xyuwa', eb' li ras riitz'in ut chixjunileb' li xkomon. Ke'risi ajwi' jo'k'ihaleb' li wankeb' sa' xjunkab'al ut ke'xk'ameb' toj chirix li xmuheb'aaleb' laj Israel.

Josué 2:1

Laj Josué, ralal laj Nun, toj Sitín kixtaqla chaq chi muqmu wiib' laj k'ehol eetal, ut kixye reheb': “Ayuqex ut k'ehomaq reetal li na'ajej ut li tenamit Jerikó”, chan. Eb' a'an koheb' ut koxe'okaq sa' rochoch jun aj yumb'eet, xRajab xk'ab'a', ut aran ke'wark.

Números 13:2

“Taqlaheb' winq re naq toxe'ril chaq li xteepal Kanahán, li tink'e reheb' laj Israel. Taqlaheb' li wankeb' xwankil, junjun re li junq teep”, chan.

Génesis 42:34

Chirix chik a'an teek'am chaq leeriitz'in. Chi jo'kan tinnaw naq maawa'ex aj ch'uuk, chaab'il winqex b'an. Toja' naq tinq'axtesi eere leeriitz'in ut texruuq chi b'eek sa' li tenamit chi maak'a'aq eech'i'ch'i'inkil»”.

Génesis 42:16

Taqlahomaq junaq eere re naq tixk'am chaq leeriitz'in, ut laa'ex texkanaaq wan sa' tz'alam. Chi jo'kan taanawmanq ma yaal li nekeye. Wi ut ink'a', ch'olch'ooq, sa' xk'ab'a' laj Parahón, naq laa'ex aj ch'uukex”.

2 Samuel 10:3

eb' li xjolomileb' laj Amón ke'xye re laj Janún li x'awab'ejeb': “Ma xk'ojob'ankil tab'i' aach'ool chirix xkamik laayuwa' naq laj David xtaqlaheb' chaq li winq a'in? Re b'an xk'eeb'al reetal li qatenamit ut xsachb'al moqon naq xtaqlaheb' chaq arin”.

Génesis 37:11

Ut eb' li ras k'ajo' naq neke'xkaqali; a'ut li xyuwa' yo chi xk'oxlankil rix.