Génesis 42:36 - Q'eqchi Bible

³⁶ Toja' naq laj Jakob, li xyuwa'eb', kixye reheb': “Xemaq' chiwu eb' li walal: maa'ani chik laj José, maa'ani laj Simehón ut chirix chik a'in teeraj ajwi' xmaq'b'al laj Benjamín chiwu. Chixjunil a'in nalajchalk sa' inb'een ut tinxkamsi!”.

Li Santil hu

³⁶ Ut laj Jacob quixye reheb: —Anakcuan cꞌajoꞌ yo̱quex chak chixba̱nunquil cue. Ma̱ ani chic li cualal laj José. Ut anakcuan incꞌaꞌ chic xsukꞌi chak laj Simeón. Ut toj te̱raj cuiꞌchic xmakꞌbal laj Benjamín chicuu. ¿Cꞌaꞌut nak chixjunil natꞌaneꞌ saꞌ inbe̱n? chan laj Jacob reheb.

Génesis 42:36 ပူးပေါင်းရင်းမြစ်များ

Génesis 43:14

A' taxaq li Nimajwal Yos chitenq'anq eere re naq usilal teetaw chiru li winq a'an: chirach'ab' taxaq leeriitz'in jun chik jo' ajwi' laj Benjamín. Ut laa'in k'a' ta ru tinye? Wi te'sachq chiwu eb' li walal, maak'a' xja'lenkil”, chan laj Jakob.

1 Corintios 10:13

Maji' nachalk sa' eeb'een junaq aaleek q'axal nim chiru li neke'xk'ul chixjunileb'. Li Yos naxb'aanu li xyeechi'i, ut ink'a' texxkanab' chi aaleek jo' ink'a' truuq teekuy. Rik'in li aaleek, li Yos tixk'e ajwi' eere chanru teekuy re naq us tex'elq.

Romanos 8:31

K'aru tqaye chirix a'an? Wi li Yos na'okenk chiqix, ani truuq twanq sa' xiik'ilal qik'in?

Romanos 8:28

Naqanaw ajwi' naq li Yos na'okenk re naq chixjunil taakanaaq cho'q usilal cho'q reheb' li neke'rahok re, a' li b'oqb'ileb' jo' chanru rajom li xch'ool.

San Mateo 14:31

Li Jesus tikto kixye' li ruq', kixchap ut kixye re: —Kach'in laapaab'aal, at winq. K'a'ut naq xwiib'ank laach'ool?

Isaías 41:10

Matxiwak, xb'aan naq wankin aawik'in; matk'oxlak xb'aan naq laa'in laaYos. Laa'in ninkawub'resink ut nintenq'ank aawe, kaw nakatinchap rik'in li wuq' li jwal kaw rib'.

Isaías 38:10

Laa'in xinye sa' linch'ool: Sa' xyiitoq linyu'am tinq'ajq tinsutq'iiq; tento tinxik chi xchoyb'al linyu'am sa' xyanqeb' li kamenaq.

Isaías 27:9

Ab'anan taakuymanq taasachmanq li xmaak laj Jakob, wi a'an tixputz'i chixjunileb' li artal jo' na'uxk re li xpekul li chun, ut maajunaq chik li pek, li che' malaj tijob'aal neke'loq'oniik wi' eb' li jalanil yos.

Eclesiastés 7:8

Q'axal us xchoyb'al junaq k'anjel chiru li yal xtikib'ankil. Ut q'axal us li kuyuk chiru li nimob'resink ib'.

Li xHu LAJ JOB 7:7

Jultikaq aawe, at inYos, jun apunk ajwi' linyu'am, ut ink'a' chik tinyal xsahil linch'ool.

1 Samuel 27:1

Laj David kixye sa' xch'ool: “Taawulaq xq'ehil naq laj Saúl tinxkamsi. Jwal us naq tinxik sa' xteepal Filistea re naq laj Saúl tixkanab' insik'b'al sa' chixjunil Israel ut tinkole'q chiru”.

Salmos 34:19

Nach' wank li Qaawa' rik'ineb' li neke'maynak xch'ool: a'an naxkoleb' li maak'a' chik royb'enihomeb'.

Génesis 47:12

Kixk'e ajwi' xtzekemq li xyuwa', eb' li ras ut chixjunil li xjunkab'lal li xyuwa'.

Génesis 45:28

Ut kixye: “Tz'aqalaq a'in! Toj yo'yo laj José li walal. Tinxik chi rilb'al ru rub'elaj linkamik”, chan.

2 Corintios 4:17

Li rahilal naqak'ul, a'an junpaat ajwi' ut moko aal ta riiqankil; ut a'an k'ajo' xnimal li junelik loq'al yo xkawresinkil cho'q qe laa'o,

Génesis 42:37

Toja' naq laj Rubén kixye re li xyuwa': “Chakamsiiqeb' xkab'ichaleb' li walal wi ink'a' tink'am chaq li wiitz'in. Q'axtesi sa' wuq' laj Benjamín ut laa'in tink'am chaq wi' chik aawik'in”.

Jeremías 31:15

Li Qaawa' kixye chi jo'ka'in: “Ki'ab'iik jun xyaab' kuxej aran Ramá, yaab'ak ut tz'uyink chi numtajenaq: a' lix Rakel li yo chi yaab'ak chirixeb' li xkok'al, ut ink'a' naraj q'unb'esiik xb'aan naq maak'a'eb' chik li xkok'al”.

Génesis 44:12

Laj tenq' re laj José kixtikib' sik'ok sa' xsaak li asb'ej toj kiraqe'k rik'in li iitz'inb'ej, ut kitawmank li sek' sa' xsaak laj Benjamín!