Génesis 42:22 - Q'eqchi Bible

²² Toja' naq laj Rubén kixye reheb': “Ma ink'a' tab'i' kinye eere: Meeb'aanu li rahilal a'in re li ch'ina'al, ut ink'a' kineepaab'? Ut anaqwan napatz'e'k qe li xkik'el!”.

Li Santil hu

²² Ut laj Rubén quixye reheb: —¿Ma incꞌaꞌ ta biꞌ quinye e̱re nak incꞌaꞌ te̱ba̱nu raylal re laj José li ki̱tzꞌin? Ut la̱ex incꞌaꞌ xex-abin chicuu. Ut anakcuan tento nak ta̱cua̱nk re̱kaj lix camic. Aꞌan na li cꞌaꞌru yo̱co chixtojbal anakcuan riqꞌuin li xkaba̱nu chak junxil, chan laj Rubén.

Génesis 42:22 ပူးပေါင်းရင်းမြစ်များ

Salmos 9:12

B'ichahomaq xloq'al li Qaawa' li nak'ojlaak aran Sión, puktesihomaq resil li xninqal ru xb'aanuhom sa'atqeb' li tenamit.

2 Crónicas 24:22

Laj Johás li awab'ej kisachk sa' xch'ool li usilal ki'uxk re xb'aan laj Johadá, xyuwa' laj Sakarías, kixkamsi b'an laj Sakarías li ralal li kixye sa' xkamik: “Li Qaawa' xril taxaq li k'aru xab'aanu ut a'an taxaq chik'ehoq reeqaj aawe!”, chan.

1 Reyes 2:32

Li Qaawa' chixteneb' sa' xb'een laj Johab li xkamikeb' li wiib' chi winq jwal tiikeb' xch'ool ut q'axal chaab'ileb' chiru a'an. Kixkamsiheb' chi ch'iich' chi ink'a' kixnaw laj David linyuwa': a' laj Abner, ralal laj Ner, xjolomileb' laj puub' re Israel, ut laj Amasá, ralal laj Jéter, xjolomileb' laj puub' re Judá.

Apocalipsis 16:9

Ut eb' li winq ke'k'ate'k xb'aan xnimal tiqwal, ut ke'xmajewa li Yos li wank xwankil sa' xb'eeneb' li rahilal a'an: ink'a' ke'xjal xk'a'uxl, ink'a' ke'xk'e xloq'al li Yos.

Apocalipsis 13:10

“Ani tento taaxik sa' tz'alam, sa' tz'alam taaxik; ani tento taakamsiiq rik'in ch'iich', rik'in ch'iich' taakamsiiq”. Jo'ka'in neke'kuyuk ut neke'paab'ank eb' li sant.

Romanos 2:15

Neke'xk'ut naq li k'aru yeeb'il xb'aan li Chaq'rab', a'an tz'iib'anb'il sa' xch'ooleb'. A' ajwi' li reek'ob'aal xch'ooleb' jo'wi' li xk'a'uxeb' nach'olob'ank re: wan naq a'an najitok reheb', wan naq a'an nakolok reheb'.

Hechos 28:4

Eb' laj aran naq ke'ril li xul t'uyt'u chi ruq' laj Pablo, ut ke'xye chirib'ileb' rib': “Ch'olch'o naq li winq a'in a'an aj kamsinel ras riitz'in: xkol chaq rib' sa' li palaw, ab'an li Choxahil Tiikilal ink'a' naxkanab' chi yo'yo”.

San Lucas 23:41

Laa'o yaal naq qak'ulub' xk'ulb'al a'an xb'aan naq xq'ajkamunkil li qab'aanuhom, a'ut a'in maak'a' k'aru li ink'a' ta us xb'aanu.

Ezequiel 3:18

Naq tinteneb' kamk sa' xb'een li ink'a' us xna'leb', wi laa'at ink'a' taaq'us re naq tixkanab' li maa'usilal ut tixkol li xyu'am, a'an taakamq xb'aan li xmaa'usilal; ab'anan sa' aab'een laa'at taakanaaq li xkamik.

Génesis 4:10

Kixye li Qaawa': “K'aru xab'aanu? Li xkik'el laawiitz'in toj sa' ch'och' yo chi q'oqonk chiwu.

Génesis 42:23

Eb' a'an ink'a' ke'xnaw naq laj José naxtaw ru li yookeb' chi xyeeb'al, xb'aan naq wank jun aj jalol ru aatin sa' xyanqeb'.

Génesis 45:3

Kixye laj José reheb' li ras: “Laa'in laj José. Ma toj yo'yo linyuwa'?”. Sachaamileb' xch'ool eb' li ras chi rilb'al ru: ink'a' chik ke'ruhank xsumenkil.

Génesis 50:15

Naq eb' li ras laj José ke'ril naq ak xkamk li xyuwa'eb', ke'xye chirib'ileb' rib': “Mare toj yo xjosq'il laj José sa' qab'een ut tixk'e reeqaj chixjunil li rahilal xqab'aanu re”.

1 Samuel 19:4

Ut laj Jonatán ki'aatinak chirix laj David chiru laj Saúl li xyuwa'; kixye re: “At awab'ej, matmaakob'k rik'in xb'aanunkil li ink'a' us re laj David laj k'anjel chawu, xb'aan naq a'an ink'a' xmaakob'k chawu, xb'aanu b'an naab'al li us re aatenq'ankil.

1 Reyes 2:33

Li xkik'el eb' li wiib' chi winq a'an chikanaaq chi junajwa sa' xb'een ut sa' xb'eeneb' li ralal xk'ajol! A'ut cho'q re laj David, cho'q reheb' li ralal xk'ajol, li xjunkab'lal ut li xk'ojarib'aal, chiwanq chi junelik tuqtuukilal sa' xk'ab'a' li Qaawa'”, chan laj Salomón.