Génesis 41:57 - Q'eqchi Bible

⁵⁷ Yalaq b'ar sa' ruuchich'och' neke'chalk Ejiipt re xloq'b'al li triiw rik'in laj José, xb'aan naq yo chi numtaak li we'ej sa' chixjunil li ruuchich'och'.

Li Santil hu

⁵⁷ Jalan jala̱nk xtenamiteb li queꞌcꞌulun Egipto chixlokꞌbal lix trigo riqꞌuin laj José xban nak yo̱ chi numta̱c li cueꞌej yalak bar.

Génesis 41:57 ပူးပေါင်းရင်းမြစ်များ

Génesis 42:5

Koheb' ut li ralal laj Israel chi loq'ok rochb'eeneb' jalaneb' chik li yookeb' chi xik Ejiipt, xb'aan naq yo li we'ej sa' xteepal Kanahán.

Génesis 41:56

Li we'ej kisutunk sa' chixjunil li ruuchich'och'. Toja' naq laj José kirisi chixjunil li xk'uulahom ut kixk'ayi li triiw reheb' laj Ejiipt xb'aan naq q'axal numtajenaq li we'ej.

Génesis 41:54

ke'xtikib' chalk li wuqub' chihab' chik re li we'ej, jo' yeeb'il chaq xb'aan laj José. Kiwank we'ej sa' chixjunileb' li tenamit, ab'an sa' xsutam Ejiipt wank li wa.

Deuteronomio 9:28

Mare anchal te'xye sa' li tenamit koohaawisi wi' chaq: Li Qaawa' ink'a' kixkuy roksinkileb' sa' li ch'och' xyeechi'om reheb'. Xik' narileb', jo'kan naq kirisiheb' arin, yal re xkanab'ankileb' chi kamk sa' li chaqich'och', cha'qeb'.

Génesis 50:20

Us ta laa'ex xek'oxla xb'aanunkil rahilal we, ab'an li Yos xsutq'isi a'an cho'q usilal re xb'aanunkil li yooko chi rilb'al anaqwan: xkolb'aleb' xyu'am jun xnimal ru tenamit.

Génesis 42:1

Naq laj Jakob kirab'i resil naq wank li triiw aran Ejiipt, kixye reheb' li ralal: “K'a'ut naq yal nekeka'ya eerib' cherib'il eerib' arin?

Génesis 12:10

Ab'anan kiwank we'ej sa' li na'ajej a'an: jo'kan naq laj Abrán kikub'eek Ejiipt re kanaak jun k'amokaq aran, xb'aan naq li we'ej yo chi numtaak sa' li xtenamit.

Génesis 43:1

Li we'ej yo chi numtaak sa' li ruuchich'och'.

Génesis 42:6

Li nataqlank sa' chixjunil Ejiipt a'an laj José, ut a'an ajwi' li nak'ayink li triiw re chixjunil li ruuchich'och'. Naq ke'wulak eb' li ras laj José, ke'xwiq'ib' rib' chiru.

Génesis 47:14

Toja' naq laj José kixch'utub' chixjunil li tumin li xe'xtoj wi' li triiw eb' laj Ejiipt ut eb' laj Kanahán, ut koxk'uula sa' rochoch laj Parahón.