Génesis 41:1 - Q'eqchi Bible

¹ Wiib' chihab' chik xnumik a'an, laj Parahón kimatk'ek: kiril naq xaqxo chire li nima'.

Li Santil hu

¹ Ac cuib chihab chic xnumic lix matqꞌueb li mo̱s nak quimatqꞌuec laj faraón. Ut saꞌ lix matcꞌ laj faraón quiril nak xakxo chire li nimaꞌ Nilo.

Génesis 41:1 ပူးပေါင်းရင်းမြစ်များ

San Mateo 27:19

Ut naq k'ojk'o laj Pilato sa' li raqleb'aal aatin, li rixaqil kixtaqla xyeeb'al re: “Mik'a' aab'aanu re li tiikil winq a'an, xb'aan naq q'axal ra xinmatk'e ma'laq xb'aan a'an”.

Ezequiel 29:9

Nakirirnak ut po'lem chik tatkanaaq, ut chixjunileb' te'xnaw naq laa'in li Qaawa'. We li nima' Nilo, laa'in kinyiib'ank re, chankat.

Ezequiel 29:3

«Laa'in xik' chik nakatwil, a Parahón, li awab'ej re Ejiipt, at xnimal xul li jiljookat sa' xyanqeb' laanima' ut nakaye: We li nima' Nilo, laa'in kinyiib'ank re, chankat.

Isaías 19:5

Taachaqiq li palaw ut taasachq li ha' re li nima' Nilo;

Ester 6:1

Chiru li q'oqyink a'an li awab'ej ink'a' kiru chi wark; jo'kan naq kixtaqla laj tz'iib' chi xxokb'al li hu tz'iib'anb'il wi' chixjunil li ak kik'ulmank sa' li x'awab'ejihom, re naq taayaab'asimanq xsa' li hu a'an chiru.

Deuteronomio 11:10

Xb'aan naq li ch'och' toxex'okaq wi', maawa' jo' li tenamit Ejiipt li kex'elk wi' chaq, b'arwi' chirix li awk na'uxk t'aqresink rik'in ajwi' leeroq, kama' na'uxk reheb' li kok' awimq.

Éxodo 4:9

Ut wi ink'a' ajwi' tate'xpaab' rik'in li wiib' sachb'ach'oolej a'in, wi ink'a' te'rab'i li xyaab' aakux, taaxok kach'inaq laaha' sa' nima' ut taahoy sa' ch'och', ut li ha' li taaxok sa' nima' taajalaaq ru chi kik'ul chiru ch'och'”, chan li Qaawa' re laj Moisés.

Éxodo 1:22

jo'kan naq laj Parahón kixk'e li chaq'rab' a'in re chixjunil li tenamit: “Chixjunileb' li kok' teelom li te'yo'laaq kutumaqeb' sa' nima'; a'ut eb' li kok' ixqa'al chekanab'eb' chi yo'yo”.

Génesis 40:5

Sa' jun q'oqyink ke'matk'ek xkab'ichaleb', jalan jalanq li xmatk' li junjunq ut jalan jalanq ajwi' li xyaalalil: ke'matk'ek laj yiib'ahom xkaxlan wa' li awab'ej re Ejiipt ut laj k'ehol ruk'a', li wankeb' sa' tz'alam.

Génesis 31:21

ut koho sa' muqmu rochb'een chixjunil li k'aru wank re. Kiq'axonk junpak'al li nima' Éwfrates ut koho sa' xjayal li xtzuulul Galahad.

Génesis 29:14

ut laj Labán kixye re: “Relik chi yaal naq laa'at inb'aqel ut intib'el, laa'at wech kik'elil!”, chan. Ut laj Jakob kikanaak aran chiru jun po chi tz'aqal.

Génesis 20:3

Ab'anan li Yos kiraatina laj Abimélek chiru q'oqyink ut kixye re sa' xmatk': “Tatkamq, xb'aan naq li ixq xak'am chaq wank xb'eelom”, chan.

Génesis 28:12

Ut kimatk'ek. Kiril sa' xmatk' jun taqleb'aal xaqxo sa' ch'och': li xmaril nawulak toj sa' choxa ut eb' li x'ánjel li Qaawa' neke'taqe'k neke'kub'eek chiru a'an.

Génesis 40:23

Ab'anan laj jolominel reheb' laj k'ehol uk'a' ink'a' kijultiko'k re laj José ut tik kixtz'eq chirix xch'ool.

Génesis 41:2

Tikto ke'elk chaq sa' li nima' wuqub' chi wakax ch'ina'us rilb'aleb' ut ninqeb' xtib'el, ut ke'ok chi ichajib'k sa' xyanq li kaxlan aj.