Génesis 40:20 - Q'eqchi Bible

²⁰ Sa' rox li kutan laj Parahón kixninq'ehi li xyo'lajik ut kixk'e jun nimla wa'ak cho'q reheb' chixjunil laj k'anjel chiru ut kiraqok wi' chik aatin sa' xb'een laj jolominel reheb' laj k'ehol uk'a' ut sa' xb'een laj jolominel reheb' laj yiib'ahom kaxlan wa, chiruheb' chixjunil laj k'anjel:

Li Santil hu

²⁰ Ut saꞌ rox li cutan quixninkꞌei xchihab laj faraón. Quixbokeb chixjunileb lix mo̱s saꞌ lix ninkꞌe. Quixbokeb ajcuiꞌ li cuib chi pre̱x, jun li quitaklan reheb laj yi̱bom caxlan cua, ut li jun chic li quitaklan reheb laj qꞌuehol rucꞌa.

Génesis 40:20 ပူးပေါင်းရင်းမြစ်များ

San Mateo 14:6

Sa' xninq'ehinkil xyo'lajik laj Herodes, li xko' lix Herodías kixajok sa' xyiheb' chixjunil ut kiwulak chiru laj Herodes:

Génesis 40:19

Sa' oxib' kutan chik laj Parahón taaraqoq wi' chik aatin sa' aab'een ut tatxt'uyub' chiru junaq che' ut eb' li xik'anel xul te't'upinq re laatib'el”, chan.

Génesis 40:13

Sa' oxib' kutan chik laj Parahón taaraqoq wi' chik aatin sa' aab'een: tatxk'e wi' chik sa' laak'anjel ut laa'at taak'e li sek' sa' ruq' laj Parahón, jo' xab'aanu chaq junxil naq laa'at chaq aj k'ehol ruk'a'.

San Marcos 6:21

Kiwulak ut xq'ehil naq laj Herodes, sa' xninq'ehinkil li xyo'lajik, kixb'oqeb' chi wa'ak li ninqeb' xwankil, eb' laj taqlanel ut li xb'eenileb' aj Galilea.

2 Reyes 25:27

Waqlaju xka'k'aal chihab' xxikik chi preexil laj Johakín, awab'ej re Judá, sa' li wuqub' xka'k'aal xb'e li kab'laju po, laj Ebil-Merodak, awab'ej re Babilonia, kixtikib' awab'ejink ut kirusila ru Johakín, awab'ej re Judá, ut kirisi sa' tz'alam.

San Mateo 25:19

“Ak najteraq chik a'an, kik'ulunk laj eechal reheb' li moosej a'an ut kixb'oqeb' chi xq'axtesinkil li xtumin.

Li xHu LAJ JOB 3:1

Chirix chixjunil a'in laj Job kixtikib' aatinak ut kixmajewa xkutankil li xyo'lajik;

Ester 1:3

Ak oxib' chihab' rokik chi awab'ejink, laj Asuero kixk'uub' jun li ninq'e cho'q reheb' chixjunileb' laj k'anjel chiru. Kixb'oqeb' ajwi' li xjolomileb' laj puub' re Persia ut Media, eb' li ninqeb' xwankil ut li neke'jolomink re eb' li junq teep chi tenamit.

Génesis 21:8

Kik'iik li k'uula'al ut kimaq'e'k li xtu'. Ut laj Abrahán kixk'e jun nimla ninq'e sa' li kutan a'an.

Salmos 105:19

toj reetal koxtz'aqloq ru li xyehom. Li raatin li Qaawa' kixk'ut naq tiik xch'ool laj José.

Jeremías 52:31

Waqlaju xka'k'aal chihab' xxikik chi preexil laj Johakín, awab'ej re Judá, sa' li wuqub' xka'k'aal xb'e li kab'laju po, laj Ebil-Merodak, awab'ej re Babilonia, kixtikib' awab'ejink ut kirusila ru Johakín, awab'ej re Judá, ut kirisi sa' tz'alam.

1 Reyes 3:15

Naq ki'ajk ru laj Salomón, kixk'e reetal naq a'an yal jun matk'! Toja' naq kiwakliik ut koho Jerusalén. Koxxaqab' rib' chiru li xLoq'laj Kaaxil li xSumwank li Qaawa', kixyeechi'i xk'atb'il mayej ut kimayejak ajwi' chirix li k'amok ib' sa' usilal rik'in li Yos; chirix chik a'an kixk'uub' jun ninq'e cho'q reheb' chixjunileb' laj k'anjel chiru.