Génesis 40:19 - Q'eqchi Bible

¹⁹ Sa' oxib' kutan chik laj Parahón taaraqoq wi' chik aatin sa' aab'een ut tatxt'uyub' chiru junaq che' ut eb' li xik'anel xul te't'upinq re laatib'el”, chan.

Li Santil hu

¹⁹ Ut saꞌ rox li cutan laj faraón tixtakla risinquil la̱ jolom ut tateꞌxtꞌuyub chiru junak cheꞌ. Ut eb li soꞌsol teꞌcha̱lk ut telajeꞌxtꞌupi la̱ tibel ut tateꞌxtiu, chan laj José.

Génesis 40:19 ပူးပေါင်းရင်းမြစ်များ

Génesis 40:22

a'ut laj jolominel reheb' laj yiib'ahom kaxlan wa kit'uyub'aak. Jo' yeeb'il chaq reheb' xb'aan laj José.

Gálatas 3:13

Li Kriist koorach'ab' chiru xmaa'usilahom li Chaq'rab' xb'aan naq kixk'e rib' chi maa'usilaak sa' qak'ab'a' laa'o, jo' naxye li Santil Hu: “Maa'usilanb'ilaq chixjunil li t'uyt'u chiru che'”.

Hechos 20:27

xb'aan naq ink'a' xinxiwak chi xyeeb'al eere resil chixjunil li xnimal rajom li Yos.

Ezequiel 39:4

Ut tatkamq sa'eb' li xtzuulul Israel, aawochb'eeneb' laj puub' jo'wi' eb' li k'iila poyanam neke'okenk chawix. Aran tatink'e cho'q xtib'eb' li jar paay chi so'sol ut eb' li josq' aj xul.

Proverbios 30:17

Li naxtz'eqtaana li xyuwa' ut ink'a' naxpaab' li xna', taa'isiiq xsa'eb' li ru xb'aaneb' li so'sol ut taat'upiiq li xtib'el xb'aaneb' li t'iw.

2 Samuel 21:10

Toja' naq lix Rispá, xrab'in laj Ayá, kixchap jun q'es ruhil t'ikr, kixhel sa' xb'een li saqoonak ut aran kiwank chalen sa' xtiklajik li xsik'b'al ru li seb'aad toj sa' xtiklajik li hab'alq'e, ut ink'a' kixkanab'eb' li so'sol chi xaqliik chi xk'atqeb' chiru li kutan chi moko li josq' aj xul chiru li q'oqyink.

2 Samuel 21:6

Q'axtesihomaq qe wuqub'eb' li ralal ut laa'o te'qakamsi chiru li Qaawa', aran Kibehá re laj Saúl, li sik'b'il ru xb'aan li Qaawa'”, chankeb'. “Us, tinq'axtesiheb' eere”, chan li awab'ej.

1 Samuel 17:46

Anaqwan ajwi' li Qaawa' tatxq'axtesi sa' wuq', ut laa'in tatinkamsi, tinch'ot laajolom. Ut sa' li kutan a'in tink'e li xtib'eleb' laj puub' aj Filistea reheb' li xik'anel xul re li choxa ut reheb' li josq' aj xul wankeb' sa' k'iche'. Chi jo'kan chixjunil li ruuchich'och' tixnaw naq wank jun Yos re laj Israel.

1 Samuel 17:44

ut kixye re: “Kim arin ut tink'e laatib'el reheb' li xik'anel xul re li choxa ut reheb' ajwi' li josq' aj xul wankeb' sa' k'iche'”, chan.

Josué 10:26

Chirix chik a'an kixkamsiheb' ut kixtaqla xt'uyub'ankileb' sa' ru'uj oob' li che'; ut aran ke'kanaak chi t'uyt'u toj ewu.

Josué 8:29

ut kixt'uyub' li awab'ej sa' ru'uj junaq che' toj re ki'ewuuk; ut sa' rokik li saq'e laj Josué kixtaqla xkub'sinb'il li kamenaq. Chirix chik a'an ke'xkut sa' rokeb'aal li tenamit ut ke'xtuub' k'iila pek sa' xb'een, li toj wank anaqwan.

Génesis 41:13

Ut tz'aqal kik'ulmank jo' kixtaw ru a'an: laa'in kinaak'e wi' chik sa' link'anjel, at awab'ej, ut li jun chik kit'uyub'aak”.

Génesis 40:17

Sa' li chakach li wank taqe'q, wank chixjunil li k'iila paay chi kaxlan wa li naxtzeka laj Parahón, ab'anan eb' li xik'anel xul yookeb' chi xwa'b'al xsa' li chakach li wank sa' linjolom”.

Génesis 40:13

Sa' oxib' kutan chik laj Parahón taaraqoq wi' chik aatin sa' aab'een: tatxk'e wi' chik sa' laak'anjel ut laa'at taak'e li sek' sa' ruq' laj Parahón, jo' xab'aanu chaq junxil naq laa'at chaq aj k'ehol ruk'a'.

Génesis 40:18

Toja' naq kichaq'ok laj José: “A'an a'in li xyaalalil. Li oxib' chi chakach a'an oxib' kutan.

Génesis 40:20

Sa' rox li kutan laj Parahón kixninq'ehi li xyo'lajik ut kixk'e jun nimla wa'ak cho'q reheb' chixjunil laj k'anjel chiru ut kiraqok wi' chik aatin sa' xb'een laj jolominel reheb' laj k'ehol uk'a' ut sa' xb'een laj jolominel reheb' laj yiib'ahom kaxlan wa, chiruheb' chixjunil laj k'anjel: