Génesis 4:15 - Q'eqchi Bible

¹⁵ Ab'an li Qaawa' kixye re: “Ink'a', moko jo'kan ta. Li taakamsinq re laj Kaín, a'an wuqub' sut xtojb'al rix li xmaak tixk'ul”. Ut li Qaawa' kixk'e jun reetalil laj Kaín re naq yalaq ani taatawoq re, ink'a' tixkamsi.

Li Santil hu

¹⁵ Li Dios quixye re: —Li ani ta̱camsi̱nk a̱cue, aꞌan cuukub sut xtojbal rix lix ma̱c tinqꞌue, chan. Chirix aꞌan li Dios quixqꞌue jun li retalil laj Caín re nak yalak ani ta̱taꞌok re incꞌaꞌ tixcamsi.

Génesis 4:15 ပူးပေါင်းရင်းမြစ်များ

Ezequiel 9:4

ut kixye re: “B'eeni li tenamit Jerusalén ut k'e reetalileb' chi xpeekem eb' li yookeb' chi yaab'ak ut tz'uyink xb'aan li k'iila maa'usilal na'uxmank aran”.

Salmos 79:12

Q'axal xate'xhob' li tenamit li nach' wankeb': chak'e reeqaj a'an, at Qaawa', wuqub' sut ta chik che'xkul reeqajunkil!

Ezequiel 9:6

Kamsihomaqeb' li cheekel winq, eb' li saaj al, eb' li tuq'ixq, eb' li kok'al ut eb' li ixq, toj reetal naq maajun chik taakanaaq. Ab'anan meekamsiheb' li wankeb' reetalil chi xpeekemeb', ut tikib'omaq wan wi' linsantil ochoch”. Toja' naq eb' li winq ke'xtikib' xkamsinkileb' li cheekel winq li wankeb' chiru li rochoch li Yos.

Génesis 4:24

Li taakamsinq re laj Kaín wuqub' sut tixtoj rix xmaak; a'ut li taakamsinq re laj Lámek wuqlaju xkaak'aal chik tixk'ul li xtojb'al rix xmaak”.

Apocalipsis 14:11

Li xsib'el li xrahilaleb' taataqe'q chi junelik q'e kutan ut maak'a'aq hilank chi q'eq chi kutan cho'q reheb' li te'loq'oninq re li josq' aj xul ut li xjalam u jo'wi' cho'q reheb' li te'xk'ul li reetalil li xk'ab'a'”.

Apocalipsis 14:9

Moqon jun chik li ánjel, a' li rox, kitaaqenk reheb' ut kixye chi kaw xyaab' xkux: “Wi junaq tixloq'oni li josq' aj xul jo'wi' li xjalam u, ut tixk'ul li reetalil chi xpeekem malaj chi ruq',

San Mateo 26:52

Toja' naq kiyehe'k re xb'aan li Jesus: —K'e wi' chik laach'iich' sa' xna'aj, xb'aan naq chixjunileb' li te'xchap xch'iich', chi ch'iich' ajwi' te'oso'q.

Oseas 1:4

Ut li Qaawa' kixye re laj Oseas: “K'e cho'q xk'ab'a' «Jisrehel», xb'aan naq chi seeb' tink'eheb' laj Jehú chi xtojb'al li xmaakeb' chirix li kamsink ki'uxmank aran Jisrehel. Twaj naq taa'oso'q li x'awab'ejihom laj Israel.

Salmos 59:11

Li Yos aj rahol we, we' chaq chink'ulb'al. A'an taak'ehoq we xq'axb'aleb' ru li xik' neke'ilok we.

1 Reyes 16:7

Li raatin li Qaawa' kiwulak chi raqok aatin sa' xb'een laj Basá ut sa' xb'eeneb' li ralal xk'ajol, chi xtz'uumal re li propeet Jehú, ralal laj Jananí, xb'aan chixjunil li maa'usilal kixb'aanu chiru li Qaawa'. Laj Basá kixchiq' xjosq'il li Yos naq kixyiib'atq jalanil yos rik'in ruq', jo' kixb'aanu laj Jerobohán, ut naq kixsach ajwi' li xjunkab'al chi junajwa.

Levítico 26:28

taanumtaaq linjosq'il sa' eeb'een ut texinrahob'tesi wuqub' sutaq wi' chik xb'aan leemaak.

Levítico 26:24

laa'in tinjosq'o'q eerik'in ut texinrahob'tesi wuqub' sutaq wi' chik xb'aan leemaak.

Levítico 26:21

“Ut wi toj yooqex chi xq'etb'al li waatin ut ink'a' teeraj inpaab'ankil, laa'in texinrahob'tesi wuqub' sutaq wi' chik xb'aan leemaak.

Levítico 26:18

“Ab'anan wi toj ink'a' ajwi' tex'ab'inq, laa'in texinrahob'tesi wuqub' sutaq wi' chik xb'aan leemaak.

Proverbios 6:31

ab'an wi natawe'k chi elq'ak, tento tixk'e wuqub' wa chik xk'ihal li reeqaj, jo'wi' chixjunil li xjunkab'lal.