Génesis 4:12 - Q'eqchi Bible

¹² Us ta taak'anjela li ch'och', ab'an ink'a' taa'uuchinq; ut taab'eeni aj chik aawib' jo' aj eelel sa' ruuchich'och' chi junelik”.

Li Santil hu

¹² Nak ta̱trabaji li chꞌochꞌ, incꞌaꞌ chic ta̱u̱chi̱nk la̱ cuacui̱mk. Ta̱beni a̱cuib saꞌ xbe̱n li ruchichꞌochꞌ. Yalak bar a̱cue a̱cuu. Ut ma̱ jaruj tathila̱nk, chan li Dios re.

Génesis 4:12 ပူးပေါင်းရင်းမြစ်များ

Oseas 9:17

Li tenamit a'in ink'a' xe'paab'ank chiru li Qaawa'; jo'kan naq te'tz'eqtaanaaq xb'aan linYos ut yal te'xb'eeni aj chik rib' sa'atqeb' li jalanil tenamit.

Levítico 26:36

“Jo'k'ihaleb' sa' eeyanq te'kole'q, teb'ink'e chi xiwak ut te'eleliq naq te'rab'i chi t'ane'k junaq xxaq li che'; te'eleliq kama' tawi' naq yooqeb' chi elelik sa' li yalok, ut te't'ane'q chi maajun taa'aanilasinq reheb'.

Levítico 26:20

Maak'a'aq chik aj e naq teetawasi eerib' xb'aan naq ink'a' chik taa'elq li awimq sa' li ch'och' chi moko te'uuchinq li che' sa' leena'aj.

Romanos 8:20

Chixjunil li ruuchich'och' kiq'axtesiik rub'el xwankil li jo'maajo'il na'leb', moko rik'in ta naq kiraj xch'ool, rajom b'an li kiq'axtesink re. Ab'an wank royb'enihom:

Salmos 109:10

Che'xb'eeni ta rib' chi lemooxnik li ralal xk'ajol ut che'isiiq ta sa' li xpo'lemil ochocheb'.

Génesis 4:14

Anaqwan laa'at tinaawisi sa' li ch'och' a'in ut laa'in tento naq tinmuq wib' chawu. Tinb'eeni wib' jo' aj eelel sa' ruuchich'och', ut yalaq ani taatawoq we, tinxkamsi”.

Génesis 4:13

Toja' naq laj Kaín kixye re li Qaawa': “Q'axal nim linmaak, maamin tinkuy xtojb'al rix.

Levítico 26:17

Laa'in tinjosq'o'q eerik'in ut eb' li xik' neke'ilok eere te'xq'ax eeru; te'numtaaq sa' eeb'een eb' li neke'kaqalink eere, ut tento tex'eleliq chi maajun taa'aanilasinq eere.

Deuteronomio 28:15

“Ab'anan wi ink'a' taawab'i xyaab' xkux li Qaawa' laaYos ut wi ink'a' taapaab' ut taak'anjela ru chixjunil li xchaq'rab' li yookin chi xyeeb'al aawe anaqwan, te'chalq sa' aab'een chi numtajenaq chixjunileb' li rahilal a'in:

Joel 1:10

Nakirnak aj chik eb' li k'aleb'aal; rahil ch'oolej rilb'al li ch'och', xb'aan naq x'oso'k li triiw, xe'chaqik li uub' ut xe'tz'umaje'k li oliiw.

Salmos 107:34

Naxkanab' li chaab'il ch'och' cho'q pek atz'am, xb'aan li xmaa'usilaleb' xch'ool li winq wankeb' aran.

Proverbios 28:17

Meetenq'a li xkamsi ras riitz'in; a'an ink'a' taach'anaaq chi kamsink toj reetal sa' li xkamik.