Génesis 4:10 - Q'eqchi Bible

¹⁰ Kixye li Qaawa': “K'aru xab'aanu? Li xkik'el laawiitz'in toj sa' ch'och' yo chi q'oqonk chiwu.

Li Santil hu

¹⁰ Li Dios quixye ajcuiꞌ re: —¿Cꞌaꞌru xaba̱nu? Lix quiqꞌuel la̱ cui̱tzꞌin xahoy chiru chꞌochꞌ yo̱ chi kꞌoko̱nc chicuu.

Génesis 4:10 ပူးပေါင်းရင်းမြစ်များ

Hebreos 12:24

Xexjilok chi xk'atq li Jesus, li na'okenk chirix li ak' Sumwank; xexjilok rik'in li kik' nokooxch'ajob'resi, li q'axal chaab'il chik na'aatinak chiqix chiru li xkik'el laj Abel.

Hebreos 11:4

Sa' xk'ab'a' li xpaab'aal laj Abel kixyeechi'i re li Yos jun li mayej q'axal chaab'il chiru li kixk'e laj Kaín. Sa' xk'ab'a' a'an li Yos kixye naq tiik xch'ool laj Abel ut kixk'ulub'a li xmayej. Jo'kan naq, us ta kamenaq chik laj Abel, ab'an toj yo chi aatinak anaqwan sa' xk'ab'a' li xpaab'aal.

Isaías 5:7

Li xyaalal li b'ich, a'an a'in: li rawimq li Nimajwal Yos, a'an li tenamit Israel, ut eb' laj Judá, a'an li iyaj jwal raaro xb'aan. Li Qaawa' kiroyb'eni naq te'xb'aanu li us, ut maa'usilal chik kixtaw; kixyo'oni naq te'wanq sa' tiikilal, ut junes a' chik li rahob'tesink ib' kixtaw.

Salmos 72:14

A'an taa'isinq reheb' sa' li raasa ut li rahob'tesiik, xb'aan naq k'ajo' xloq'al li xyu'ameb' chiru a'an.

Santiago 5:4

K'ehomaq reetal: li xtojb'aleb' laj k'anjel li kerelq'a chiruheb' naq ke'q'olok eerik'in, a'an yo chi q'oqonk; ut li xyaab' xkuxeb' laj q'olonel xwulak toj rik'in li xQaawa' eb' li k'iila o'q'ob' chi ánjel.

Salmos 9:12

B'ichahomaq xloq'al li Qaawa' li nak'ojlaak aran Sión, puktesihomaq resil li xninqal ru xb'aanuhom sa'atqeb' li tenamit.

Números 35:33

“Meemux ru li ch'och' b'arwi' wankex. Li kamsink naxmux ru li ch'och'; ut naq xkamsiik junaq eeras eeriitz'in, ink'a' naru xtojb'al rix li maak: ka'ajwi' naq taakamsiiq li ani xkamsink.

Li xHu LAJ JOB 16:18

Ink'a' taxaq tkanaaq yal chi jo'kan li rahilal yookin chi xk'ulb'al; ink'a' taxaq tkanaaq chi muqmu li xyaab' inkux.

Génesis 9:5

Relik chi yaal naq tinpatz' reeqaj leekik'el. Tinpatz' ajwi' re chixjunileb' li xul. Wi wanq ani tixkamsi li ras riitz'in, tento taakamsiiq.

Salmos 50:21

A'an a'in li nakab'aanu laa'at: ma maak'a' tab'i' tinye chirix a'an? Malaj nakak'oxla naq kama'inat? Anaqwan tatinq'us, ok we chajitb'al.

Éxodo 3:7

Ab'an li Qaawa' kixye: “Ak xwil chi us li xnimal xrahilal lintenamit aran Ejiipt; xwab'i li xkawil yaab'eb': k'ajo' naq neke'yaab'ak xmaakeb' laj rahob'tesinel reheb'. Ak ninnaw li xrahilaleb'.

Li xHu LAJ JOB 24:12

Sa' li tenamit neke'tz'uyuynak li elkeb' re xch'ool, ut eb' li tiq'ilk neke'xpatz' xtenq'ankileb', ab'an li Yos ink'a' narab'i li xtijeb'.

2 Reyes 9:26

«Ewer xwil naq xe'kamsiik laj Nabot ut eb' li ralal xk'ajol. Relik chi yaal naq sa' ajwi' li na'ajej a'in tweeqaju li xkamikeb'. Raatin li Qaawa'». Jo'kan naq xok ut kut chaq sa' li xch'och' laj Nabot, jo' kixye li Qaawa'”.

Josué 7:19

Toja' naq laj Josué kixye re laj Akán: “At walal, chanima xloq'al li Qaawa', xYos laj Israel; chaterq'usi li xk'ab'a'. Ye we k'aru xab'aanu ut maamuq chiwu”, chan.

Génesis 18:20

Kixye ajwi' li Qaawa': “Jwal kaw li xyaab' kuxej neke'jite'k wi' eb' laj Sodoom ut laj Gomoor, ut q'axal nim li xmaakeb'.

Génesis 3:13

Kixye ut li Qaawa' Yos re li ixq: “K'a'ut naq xab'aanu a'an?”. Kichaq'ok li ixq ut kixye: “Li k'anti' xb'alaq'ink we, ut laa'in xinlow ru li che'”.

Hechos 5:9

Ut laj Pedro kixye re: —K'a'ut naq xek'am chaq eerib' sa' aatin re xyalb'al rix li xMusiq' li Qaawa'? Il, we'keb' chaq chire kab'l li xe'muquk chaq re laab'eelom; ut anaqwan tate'xk'am ajwi' laa'at.

Hechos 5:3

Kiyehe'k re xb'aan laj Pedro: —At Ananías, chanru naq laj tza xreechani laach'ool? K'a'ut naq xatik'ti'i li Santil Musiq'ej rik'in xjeb'b'al xtz'aq laach'och'?

Deuteronomio 21:1

“Wi sa' li ch'och' li tixk'e aawe li Qaawa' laaYos taatawmanq junaq winq kamenaq, jiljooq sa' pim, chi ink'a' taanawmanq ani xkamsink re,

1 Samuel 13:11

“K'aru xab'aanu?”, chan laj Samuel. Kichaq'ok laj Saúl ut kixye: “Xwil naq eb' laj puub' yookeb' chinkanab'ankil ut laa'at ink'a' ajwi' nakatk'ulunk sa' xq'ehil jo' xaye we, ut ak ch'utch'uukeb' laj Filistea aran Mikmás.

2 Crónicas 28:9

Aran Samaria kiwank jun xpropeet li Qaawa', aj Obed xk'ab'a', li ki'elk chi xk'ulb'aleb' laj puub' naq yookeb' chi ok sa' li tenamit, ut kixye reheb': “Li Qaawa', xYos eb' leena' leeyuwa', kichalk xjosq'il rik'ineb' laj Judá ut kixq'axtesiheb' sa' leeruq'. Ab'an laa'ex xekamsiheb' chi k'ajo' eejosq'il: toj sa' choxa kiwulak leejosq'il!

Salmos 9:13

Xb'aan naq jultik re li neke'kamsink ras riitz'in, ut ink'a' nasachk sa' xch'ool li xyaab' xkuxeb' li toq'ob'eb' ru.