Génesis 39:7 - Q'eqchi Bible

⁷ Moqon chik kik'ulmank naq li rixaqil laj eechal re xkoho xch'ool chirix laj José ut kixye re: “Warin wik'in”.

Li Santil hu

⁷ Joꞌcan nak li rixakil laj Potifar cꞌajoꞌ nak quicuulac chiru. Saꞌ jun li cutan li rixakil laj Potifar quixye re: —At José, quim arin. Anakcuan tatcua̱rk cuiqꞌuin, chan li ixk.

Génesis 39:7 ပူးပေါင်းရင်းမြစ်များ

2 Samuel 13:11

ab'an naq kixk'ut chiru re naq tixtzeka, kichape'k: “Kim, yoklan wik'in, at wanab'”, chu'uxk re xb'aan li ras.

2 Pedro 2:14

Ka'aj chik maa neke'xtiw eb' li ixq rik'in xsa' ruheb', tik ink'a' nak'ojlaak xch'ooleb' chi maakob'k; neke'xq'unb'esi li q'uneb' xch'ool, ak k'aynaqeb' chi xrahinkil ru li b'ihomal, maa'usilanb'ileb' chi junajwa!

Ezequiel 16:34

Laa'at jalan wi' kab'aanu chiruheb' chixjunileb' laj yumb'eet. Xb'aan naq maajun winq narahink aawu, chi moko eb' a'an neke'tojok aawe; laa'at b'an nakattojok reheb'. Jo'kan naq jalan wi' laana'leb' chiruheb' chixjunil laj yumb'eet.

1 Juan 2:16

Xb'aan naq chixjunil li k'a'aq re ru wank sa' ruuchich'och' (li ratawankil li naraj li tz'ejwalej, li ratawankil li naraj li xsa' uhej ut li q'etq'etil xb'aan li b'ihomal) moko rik'in ta li Yuwa'b'ej nachalk, rik'in b'an li ruuchich'och'.

San Mateo 5:28

A'ut laa'in ninye eere naq chixjunil li tixka'ya junaq ixq ut tixrahi ru, ak xmux a'an sa' xch'ool.

Ezequiel 16:32

jo'kat b'an laj muxul sumlaak, li naxk'ul jalan chik winq chiru li xb'eelom.

Li xHu LAJ JOB 31:1

Laa'in xinye li waatin naq ink'a' tinrahi ru eb' li tuq'ixq.

Ezequiel 16:25

Sa'atqeb' li xaalib'e kakab'la eb' laamuheb'aal ut aran kak'e chi sache'k laaloq'al jo' junaq aj yumb'eet, kaq'axtesi aawib' reheb' jo'k'ihal li neke'nume'k aran.

Jeremías 3:3

Aab'aan laa'at naq ink'a' chik naxk'e li hab' sa' xq'ehil; kama'at tz'aqal junaq aj yumb'eet, tik ink'a' nakatxutaanak b'ayaq.

Proverbios 7:13

Naq li ixq kiril ru li al, kixq'alu ut kixtz'ub' ru, ut chi maak'a' xxutaan kixye re:

Proverbios 5:9

Maaq'axtesi laayu'am chi moko laakawilal sa' ruq'eb' li josq' aj winq, k'ajo' naq tate'xrahob'tesi;

Proverbios 2:16

Tatxkol ajwi' chiru li rixaqil li junchik li naq'unb'esink rik'in q'unil aatin:

Salmos 119:37

Chak'e taxaq naq ink'a' tink'e reetal li maak'a' na'ok wi', ut chak'e inyu'am rik'in laawaatin.

Génesis 6:2

Eb' li ralal xk'ajol li Yos ke'ril naq q'axal ch'ina'useb' li xrab'ineb' li winq ut ke'xk'ameb' cho'q rixaqil, jo'k'ihaleb' ke'wulak chiruheb'.

Proverbios 1:10

Wi eb' laj maak te'raj aatakchi'inkil, maapaab'eb', at walal.

Proverbios 6:26

Laj yumb'eet nak'ojlaak xch'ool yal rik'in li xwa; ab'an laj muxul sumlaak li k'aru naxsik', a'an xsachb'al laayu'am.