Génesis 39:2 - Q'eqchi Bible

² Li Qaawa' kixtenq'a laj José, ut a'in us ki'elk rik'in chixjunil naq wank sa' rochoch laj eechal re aj Ejiipt.

Li Santil hu

² Li Ka̱cuaꞌ Dios quitenkꞌan re laj José ut us qui-el riqꞌuin chixjunil nak cuan saꞌ rochoch laj Egipto lix patrón.

Génesis 39:2 ပူးပေါင်းရင်းမြစ်များ

1 Samuel 18:14

Li Qaawa' wank rik'in laj David, ut a'in na'elk chi us sa' chixjunil li naxb'aanu.

Salmos 91:15

Naq tixyaab'a link'ab'a', laa'in tinsume. Wanqin chi xk'atq sa' xq'ehil li rahilal; laa'in tinkoloq re ut tink'e xloq'al.

Jeremías 15:20

Laa'in tatinxaqab' chiruheb' a'an jo' jun kumul chi tz'ak li jwal kaw rib', jo' xkawil li q'anch'iich', li maajoq'e taaruuq xjuk'b'al. Te'yaloq aawik'in, ab'an ink'a' te'numtaaq sa' aab'een, xb'aan naq wankin aawik'in chakolb'al ut chatenq'ankil.

Génesis 26:28

Ke'chaq'ok eb' a'an ut ke'xye: “Xqak'e reetal naq li Qaawa' wank aawik'in. Jo'kan naq xqaye: «Chiwanq junaq jurament sa' qayanq ut choowanq sa' sum'aatin chiqib'il qib'».

Génesis 21:22

Sa'eb' li kutan a'an laj Abimélek rochb'een laj Pikol, xjolomileb' laj puub', kixye re laj Abrahán: “Li Qaawa' Yos wank aawik'in rik'in chixjunil li nalajaab'aanu.

Isaías 43:2

Wi tatnume'q sa' ha', tatwochb'eeni; wi taaq'ax junaq nima', ink'a' tatxk'am li roqha'; wi ut tatnume'q sa xam, ink'a' tatk'atq, chi moko taaletzq li raq' xam chawix.

Génesis 26:24

Sa' ajwi' li q'oqyink a'an li Qaawa' kixk'ut rib' chiru ut kixye re: “Laa'in li xYos laj Abrahán laayuwa'. Matxiwak xb'aan naq laa'in wankin aawik'in. Tatwosob'tesi ut tink'ihob'resi eb' laawalal aak'ajol sa' xk'ab'a' laj Abrahán, laj k'anjel chiwu”.

Isaías 41:10

Matxiwak, xb'aan naq wankin aawik'in; matk'oxlak xb'aan naq laa'in laaYos. Laa'in ninkawub'resink ut nintenq'ank aawe, kaw nakatinchap rik'in li wuq' li jwal kaw rib'.

Salmos 1:3

Chanchaneb' jun toon chi che' awb'il chire roq nima', li na'uuchink sa' xq'ehil ut ink'a' natz'umaak li xxaq: us neke'elk rik'in chixjunil li neke'xb'aanu.

Génesis 28:15

K'e reetal, laa'in wankin aawik'in. Tatinkol yalaq b'ar tatxik, ut tatinsutq'isi chaq sa' li na'ajej a'in. Ink'a' tatinkanab' toj reetal tinb'aanu li xinyeechi'i aawe”.

Salmos 46:11

Ut xye: “Kanab'omaq yalok, chenawaq naq laa'in Yos, li nim inwankil sa' xb'eeneb' li tenamit, li nim inwankil junsut junrub'el choxa!”.

Salmos 46:7

Neke'xmululi rib' li tenamit, ut eb' li awab'ej neke'po' chirib'ileb' rib'; ab'an naq li Yos na'aatinak chi kaw, na'eek'ank li ruuchich'och'.

1 Samuel 16:18

Toja' naq jun reheb' laj k'anjel kixye: “Wilom jun ralal laj Jesé aj Belén naxnaw wajb'ak. A'an kaw rib', yo'oon chi yalok, chaab'il na'aatinak, xchaq'al ru na'ilok ut li Qaawa' wank rik'in”.

1 Samuel 3:19

Laj Samuel kinimank, ut li Qaawa' wank rik'in. Jo'ch'inal jo'nimal kiyeemank xb'aan laj Samuel, kitz'aqlok ru.

1 Samuel 18:28

Ab'an naq kiril ut kixtaw ru naq li Qaawa' wank rik'in laj David ut lix Mikal li xrab'in narahok re,

1 Timoteo 6:1

Chixjunileb' li yookeb' chi k'anjelak cho'q aj loq'b'il k'anjel che'roxloq'i chi us laj eechal reheb' jo' chanru xk'ulub', re naq ink'a' chimajewaaq xk'ab'a' li Yos jo'wi' li qachaab'il tzolb'al.

San Mateo 1:23

“K'ehomaq reetal, li tuq'ixq taawanq sa' yu'am, taarala jun li k'uula'al, ut Emmanuel te'xk'e cho'q xk'ab'a'” (chi jalb'il ru naraj naxye: “Li Yos qik'in”).

Hechos 8:31

Kichaq'ok a'an, ut kixye: —Chanru naq tintaw xyaalal wi maa'ani taach'olob'anq chiwu? Ut kixtz'aama chiru laj Felipe naq chitaqe'q chaq ut chik'ojlaaq chi xk'atq.

Génesis 21:20

Li Yos kixtenq'a li ch'ina'al: a'an kiwinqilo'k ut kiwank sa' li chaqich'och'; kixtzol chi us li kutuk rik'in simaj.

Génesis 39:3

A'in kixk'e reetal naq li Qaawa' wank rik'in laj José ut natenq'ank re, re naq us taa'elq rik'in chixjunil li naxb'aanu.

Génesis 39:23

Li xb'eenil aj k'aak'alenel tz'alam tik ink'a' nak'oxlak chirix li k'aru q'axtesinb'il sa' ruq' laj José, xb'aan naq li Qaawa' wank rik'in ut natenq'ank re chi elk chi chaab'il rik'in chixjunil li nalajxb'aanu.

Josué 6:27

Li Qaawa' kixtenq'a laj Josué, ut yalaq b'ar kiwulak resil li k'aru kixb'aanu.

2 Reyes 18:7

Junelik ki'ochb'eeniik ut kitenq'aak xb'aan li Qaawa'; jo'kan naq jwal us ki'elk sa' chixjunil li kixb'aanu. Laj Esekías kiq'etq'eto'k chiru li awab'ej re Asiria ut ink'a' kiraj wank rub'el xwankil a'an.

Josué 1:5

Maa'ani truuq taanumtaaq sa' aab'een chiru chixjunil laayu'am. Jo' naq kinwank rik'in laj Moisés, jo'kan ajwi' naq wanqin aawik'in: ink'a' tatinkanab' aajunes chi moko tatintz'eq chirix linch'ool.

Josué 1:9

Laa'in li yookin chi taqlank aawe. Yal aaq'e ut kawaq aach'ool. Matxiwak ut kaw xaqxooqat sa' laak'anjel, xb'aan naq li Qaawa' laaYos wanq aawik'in yalaq b'ar tatxik”, chan li Qaawa'.

1 Crónicas 9:20

Chi rub'eetal chaq a'an, laj Pinjás, ralal laj Elehasar, a'an kijolomink reheb', ut li Qaawa' kiwank rik'in.

2 Crónicas 1:1

Laj Salomón, ralal laj David, kixaqab'aak xwankil cho'q awab'ej ut q'axal chik kinimank xloq'al, xb'aan naq li Qaawa' li xYos wank rik'in.