Génesis 39:10 - Q'eqchi Bible

¹⁰ Us ta li ixq rajlal kutan na'aatinak rik'in laj José, ab'an a'in ink'a' kixk'ul xch'ool li wark rik'in.

Li Santil hu

¹⁰ Li ixk rajlal cutan naxtikcuasi xjolom laj José. Abanan laj José incꞌaꞌ naxcꞌul xchꞌo̱l li cꞌaꞌru naxye re.

Génesis 39:10 ပူးပေါင်းရင်းမြစ်များ

Génesis 39:8

Ab'anan laj José ink'a' kiraj ut kixye re li ixaqilb'ej: “K'e reetal, laj eechal we xq'axtesi chixjunil sa' wuq' ut ink'a' nak'oxlak chirix li k'a'aq re ru li wank sa' rochoch, xb'aan wankin arin.

1 Pedro 2:11

Ex inrahom, laa'ex maawa'ex aj arin, yal b'an aj numelex. Nintz'aama cheru naq mex'okenk chi xb'aanunkil li naxrahi li tz'ejwalej, li xik' naril li aanmej.

2 Timoteo 2:22

Tz'eqtaana chixjunil li naxik wi' xch'ooleb' li saaj al ut k'e aach'ool chirix li tiikilal, li paab'aal, li rahok, li tuqtuukilal, sa' junajil rik'ineb' li neke'yaab'ank re xk'ab'a' li Qaawa' chi saqeb' ru li xch'ool.

1 Ts 5:22

Chekolaq eerib' chiru chixjunil li k'a'aq re ru chi maa'usilal.

1 Corintios 15:33

Meeb'alaq'i eerib': “Eb' li yib' aj seeraq' neke'xpo' ru li chaab'il na'leb'”.

1 Corintios 6:18

Chetz'eqtaana li ko'b'eetak ut li yumb'eetak! Chixjunil li k'a'aq chik chi maakil tixb'aanu junaq winq, yal chirix nakanaak, ab'an laj ko'b'eet ut laj yumb'eet a' ajwi' li xtz'ejwal naxmux.

Proverbios 23:27

Xb'aan naq laj yumb'eet, a'an chanchan li siwan, ut li ixq aj muxul sumlaak chanchan jun li jul laatz' xsa'.

Proverbios 22:14

Li naxch'ik rib' rik'in laj yumb'eet, a'an jo' li t'ane'k sa' siwan: aran neke'oso'k li neke'tz'eqtaanank re li Qaawa'.

Proverbios 7:5

A'an taakoloq aawe chiru li ixq ink'a' us xna'leb', chiru li ixq aj b'alaq' li naraj aaluktesinkil rik'in q'unil aatin.

Proverbios 5:8

Matxik chirix li ixq ink'a' us xna'leb', chi moko chatjiloq chire li rochoch.

Proverbios 5:3

Xb'aan naq li ixq li ink'a' us xch'ool na'aatinak rik'in q'unil aatin, chanchan xki'al li xya'al kab'; a'an naxnaw q'unb'esink kama' wi' xsahil li aseeyt.

Proverbios 2:16

Tatxkol ajwi' chiru li rixaqil li junchik li naq'unb'esink rik'in q'unil aatin:

Proverbios 1:15

At walal ink'ajol, maapaab' a'an, matxik chirixeb' ut maataaqe li xb'eheb',

Proverbios 9:16

“Kimqex arin laa'ex li maak'a' eek'a'uxl. K'ehomaq reetal laa'ex li maak'a' eena'leb':

Proverbios 9:14

Naxchunub' rib' chire li rochoch, sa' jun li na'ajej jwal najt xteram chiru li tenamit,

Proverbios 7:13

Naq li ixq kiril ru li al, kixq'alu ut kixtz'ub' ru, ut chi maak'a' xxutaan kixye re:

1 Timoteo 5:14

Jo'kan utan nawaj naq eb' li xmalka'an toj saajeb' che'sumlaaq, che'wanq ralal xk'ajol, che'xjolomi li xjunkab'aleb' re naq maak'a' toohob'e'q wi' xb'aaneb' li xik' neke'ilok qe.

Génesis 39:9

Maajun nim xwankil chiwu sa' li kab'l a'in. Laj eechal we maak'a' k'a' re ru ink'a' ta xk'e we, ka'aj chik laa'at, xb'aan naq rixaqilat. Chan put ru naq tinb'aanu li nimla maa'usilal a'in ut tinmaakob'q chiru li Yos?”.

Génesis 39:11

Sa' jun kutan laj José ki'ok sa' rochoch laj Putifar re xb'aanunkil li xk'anjel ut maajun reheb' laj ilol kab'l wank chisa'.

Proverbios 23:28

Naramok sa' b'e jo' laj elq', ut xmaak a'an naab'aleb' chi winq xe'oso'k sa' li maak.