Génesis 37:34 - Q'eqchi Bible

³⁴ Toja' naq laj Jakob kixq'ich li raq', kixtiqib' rib' rik'in q'es ruhil t'ikr, ut chiru naab'al kutan kikanaak sa' rahil ch'oolejil xb'aan li ralal.

Li Santil hu

³⁴ Laj Jacob quixkꞌichi li rakꞌ li cuan chirix xban xrahil saꞌ xchꞌo̱l chirix lix camic li ralal. Ut quixqꞌue li kꞌesnal ru tꞌicr chirix chanchan coxtal retalil nak ra saꞌ xchꞌo̱l. Najt quicuan li rakꞌ aꞌan chirix ut incꞌaꞌ quinumeꞌ xrahil saꞌ xchꞌo̱l.

Génesis 37:34 ပူးပေါင်းရင်းမြစ်များ

Génesis 37:29

Naq kisutq'iik chaq laj Rubén ut kiril naq maa'ani chik laj José sa' li kumb', kixq'ich li raq'

2 Samuel 3:31

Chirix chik a'an laj David kixye re laj Johab ut reheb' chixjunileb' laj puub' li wankeb' rochb'een: “Q'ichomaq leeraq', k'ehomaq saak cherix ut yaab'anqex chirix laj Abner”, chan. Laj David yo chi xik chirix li kamenaq

Apocalipsis 11:3

Ut laa'in tinb'aanu naq eb' linwiib' chi testiiw tiqtooqeb' rik'in saak, te'aatinaq jo' propeet chiru oxk'aal xka o'q'ob' (1,260) kutan”.

Hechos 14:14

Naq ke'rab'i a'in, eb' li apóstol laj Bernabé ut laj Pablo ke'xq'ich li raq'eb' ut koheb' sa' aanil wankeb' wi' li poyanam, japjookeb' re chi xyeeb'al:

San Mateo 26:65

Toja' naq li xyuwa'il aj tij kixq'ich li raq' ut kixye: —Xmajewa li Yos! K'a' chik te'ok wi' qe li testiiw? Xerab'i anaqwan, xmajewa li Yos.

San Mateo 11:21

“Ra chaalel sa' aab'een, at Korasín! Ra chaalel sa' aab'een, at Betsaida! Xb'aan naq wi ta aran Tiro ut Sidón kilaj'uxmank li sachb'ach'oolej li xe'uxk sa' eeyanq, ak junxil raj neke'xjal xk'a'uxl, xe'xtiqib' raj rib' rik'in q'es ruhil t'ikr ut xe'xk'e raj cha sa' xb'eeneb'.

Joel 2:13

Meepej chik leeraq' ut tehomaq leech'ool chiwu. Sutq'inqex wi' chik rik'in li Qaawa' leeYos, xb'aan naq A'an aj uxtaan ut q'un xch'ool, ink'a' najosq'o'k chi junpaat ut q'axal narahok; jwal ra nareek'a xb'aanunkil li rahilal.

Jeremías 36:24

Ab'anan li awab'ej ut eb' laj jolominel tenamit ink'a' b'ayaq ke'xiwak chi moko ke'xq'ich li raq'eb' naq ke'rab'i chixjunileb' li aatin a'an.

Isaías 36:22

Toja' naq laj Eliakín, laj ilol re li rochoch li awab'ej, ralal laj Jilkías, jo'wi' laj Sebná laj tz'iib' ut laj Johaj, ralal laj Asaf, xjolomileb' laj k'anjel, ke'wulak rik'in laj Esekías, chi q'ichilk chik li raq'eb', ut ke'xseeraq'i re li k'aru yeeb'il chaq xb'aan li xnimal ru aj k'anjel aj Asiria.

Isaías 32:11

Laa'ex li maak'a' nekek'oxla, okaq b'ayaq eexiw, t'urub'omaq eerib', isihomaq leeraq' cherix ut tiqib'omaq eerib' rik'in q'es ruhil t'ikr, reetalil li xrahil leech'ool;

Salmos 69:11

Naq ninyot' linch'ool rik'in ayuun, inhob'b'al chik neke'xb'aanu;

Li xHu LAJ JOB 2:12

Chi najt ke'ril chaq laj Job ut ink'a' ke'xnaw ru. Ab'anan naq ke'nach'ok rik'in, k'ajo'eb' chi yaab'ak. Tikto ke'xq'ich li raq'eb' ut ke'xk'e li pojtz' sa' xjolomeb' cho'q reetalil li xrahil xch'ooleb'.

Li xHu LAJ JOB 1:20

Toja' naq kixaqliik laj Job, kixq'ich li raq' ut kixjo li xjolom. Chirix chik a'an kiwiq'laak, kixchunub' rib' chiru ch'och'

Nehemías 9:1

Sa' li kaahib' xka'k'aal xb'e li po a'an ke'xch'utub' rib'eb' laj Israel re ayuunik chi tiqtookeb' rik'in q'es ruhil t'ikr ut wank pojtz' sa' xjolomeb'.

1 Crónicas 21:16

Naq laj David ki'ilok taqe'q, kiril li x'ánjel li Qaawa' wank sa' xyanq li choxa rik'in li ruuchich'och', chi wank xjutz' ch'iich' sa' ruq', yo chi xjayalinkil Jerusalén. Toja' naq laj David ut eb' li cheekel winq ke'xhupub' rib' chiru ch'och', chi wank q'es ruhil t'ikr chirixeb'.

2 Reyes 19:1

Naq laj Esekías li awab'ej kirab'i li kiyehe'k re, kixq'ich li raq', kixtiqib' rib' rik'in q'es ruhil t'ikr ut koho sa' rochoch li Qaawa'.

1 Reyes 21:27

Naq laj Ajab kirab'i a'in, kixq'ich li raq', kixlan rib' sa' saak ut ink'a' chik kiwa'ak. Nawark chi wank li saak chirix ut naxulnak aj chik nab'eek.

1 Reyes 20:31

Toja' naq eb' laj k'anjel chiru ke'xye re: “Qab'ihom resil naq eb' li awab'ej re Israel neke'uxtaanank u. Jo'kan naq qab'ataq qib' sa' saak, qab'ak'aq chi k'aam li qakux ut tooxik rik'in li awab'ej re Israel. Mare anchal tixkuy qamaak ut ink'a' tooxkamsi”, chankeb'.

2 Samuel 1:11

Toja' naq laj David kixq'ich li raq' xb'aan xrahil xch'ool; jo'kan ajwi' ke'xb'aanu eb' li wankeb' rochb'een.

Josué 7:6

Toja' naq laj Josué kixq'ich li raq', kixhupub' rib' chiru li xLoq'laj Kaax li Qaawa' toj ki'ewuuk ut, rochb'eeneb' li cheekel winq, ke'xk'e pojtz' sa' xjolomeb'.

Génesis 42:38

Kichaq'ok laj Jakob ut kixye: “Ink'a' taaxik li walal cherix, xb'aan naq kamenaq chik li ras ut ka'aj chik a'in xkanaak. Mare k'aru tixk'ul sa' b'e naq yooqex chi xik, ut chi jo'kan tineetaqla sa' xna'ajeb' li kamenaq chi ra sa' inch'ool sa' lintiixilal”.

Génesis 44:13

Toja' naq eb' a'an ke'xq'ich li raq'eb', ke'xb'ak' wi' chik chixjunqaleb' li riiqeb' chirixeb' li b'uur ut ke'sutq'iik sa' li tenamit.

2 Reyes 2:12

Naq laj Eliseo kiril li kik'ulmank, kixjap re chi xyeeb'al: “At inyuwa', at inyuwa'! Laa'at qana' qayuwa' cho'q qe laa'o aj Israel!”. Ut naq ink'a' chik nak'utunk laj Elías, laj Eliseo kixq'ich li raq' sa' wiib' jachal,

2 Reyes 22:11

Naq li awab'ej kirab'i li tz'iib'anb'il sa' li hu, kixq'ich li raq'

1 Crónicas 7:22

Chiru naab'al kutan kiraho'k xch'ool ut kiyaab'ak laj Efraín li xyuwa'eb', ut ke'k'ulunk chaq li rech'alal chi xk'ojob'ankil xch'ool.

Li xHu LAJ JOB 16:15

Xink'e q'es ruhil t'ikr chiwix ut xinchunlaak sa' pojtz' xb'aan xrahil inch'ool.

Jeremías 48:37

Chixjunileb' xe'xjo li xjolomeb' ut li xmacheb'; xe'xsetatq xsa' li ruq'eb' ut xe'xk'e q'es ruhil t'ikr chirixeb'.

Jueces 11:35

K'ajo' naq kiraho'k xch'ool laj Jefté naq kiril li xrab'in! Kixq'ich li raq' ut kixjap re chi xyeeb'al: “Toq'ob' wu, at inrab'in! K'ajo' xrahil linch'ool nachalk aab'aan! Laa'at xab'oq chaq jun nimla rahilal sa' inb'een, xb'aan naq wank k'aru xinyeechi'i re li Qaawa' ut anaqwan ink'a' naru tinq'et li waatin”, chan.