Génesis 37:10 - Q'eqchi Bible

¹⁰ Naq laj José kixseeraq'i a'an re li xyuwa' ut reheb' li ras, li xyuwa' kixch'iila ut kixye re: “K'a' chi matk'il a'in li xawil? Ma tolqawiq'ib' tab'i' qib' chiru ch'och' chawu, laa'in, laana' ut eb' laawas?”.

Li Santil hu

¹⁰ Ut quixserakꞌi ajcuiꞌ re lix yucuaꞌ. Lix yucuaꞌ quixchꞌila aꞌan ut quixye re: —¿Cꞌaꞌru xya̱lal li nacamatqꞌue? ¿Ma aꞌan naraj naxye nak la̱in ut la̱ naꞌ joꞌ eb ajcuiꞌ la̱ cuas takacuikꞌib kib cha̱cuu? chan re laj José.

Génesis 37:10 ပူးပေါင်းရင်းမြစ်များ

Génesis 27:29

Che'xk'anjela ta aawu eb' li tenamit, chate'roxloq'i taxaq chixjunileb' li xteepal li ruuchich'och'. Laa'ataq aj taqlanel sa' xb'eeneb' laawiitz'in ut chate'roxloq'i taxaq eb' li xyum laana'. Li taatz'eqtaananq aawe, tz'eqtaananb'ilaq ajwi' a'an; ut li taa'osob'tesinq aawe, osob'tesinb'ilaq ajwi' a'an”.

Isaías 60:14

Eb' li ralal xk'ajoleb' li xe'rahob'tesink aawe te'chalq chi k'utzk'uuqeb', ut chixjunileb' li xe'majewank aawe tole'xwiq'ib' rib' chawoq ut te'xye aawe: «Xtenamit li Qaawa'», «Sión, xtenamit li xSant laj Israel».

Génesis 37:7

Yooko chi xb'ak'b'al chi joob' li triiw sa' k'aleb'aal ut xwil naq li jun joob' li we xwakliik ut xaqxo xkanaak, a'ut leere laa'ex xe'xsut li we ut xe'xk'utzub' rib' chiru”.

Génesis 37:9

Chirix chik a'an kimatk'ek wi' chik ut kixseeraq'i a'an reheb' li ras. Kixye reheb': “Xinmatk'ek wi' chik. Xwil naq li saq'e, li po ut junlaju chi chahim xe'xk'utzub' rib' chiwu”.

Génesis 43:26

Naq ki'ok laj José sa' kab'l, ke'xk'ut li xmaatan li ke'xk'am chaq ut ke'xk'utzub' rib' toj chiru ch'och'.

Génesis 43:28

Ke'chaq'ok eb' a'an: “Kaw laj k'anjel chawu, li qayuwa', ut toj yo'yo”, chankeb'. Ut ke'xwiq'ib' rib' chiru.

Génesis 44:14

Laj Judá ut eb' li riitz'in ke'ok sa' rochoch laj José li toj wank aran, ut koxe'xhupub' rib' chiru.