Génesis 35:5 - Q'eqchi Bible

⁵ Chirix chik a'an koheb', ut jun nimla xiw kikub'eek sa' xb'eeneb' li tenamit li wankeb' chi xsutam; jo'kan naq ink'a' ke'xtaaqe eb' li ralal laj Jakob.

Li Santil hu

⁵ Li Dios quixqꞌue xxiuheb chixjunileb li tenamit li cuanqueb chi nachꞌ riqꞌuin li quicuan cuiꞌ laj Jacob. Xban nak queꞌxucuac, incꞌaꞌ queꞌxta̱ke laj Jacob re teꞌxpleti nak yo̱queb chi xic Bet-el.

Génesis 35:5 ပူးပေါင်းရင်းမြစ်များ

Éxodo 23:27

“Tink'e naq taawanq xiw ut rahil ch'oolej chawu laa'at sa' chixjunileb' li tenamit tatwulaq wi', ut tink'eheb' chi elelik chawu chixjunileb' li xik' neke'ilok aawe.

2 Crónicas 17:10

Li Qaawa' kiroksi xxiweb' chixjunileb' li tenamit wankeb' chi xsutam Judá; jo'kan naq ink'a' ke'yalok rik'in laj Josafat.

Salmos 14:5

Us raj naq eb' a'an te'xnaw a'in: naq li Yos wank rik'ineb' li tiikeb' ru xyu'am.

Josué 5:1

Chixjunileb' li awab'ej re Amor li wankeb' junpak'al li nima' Jordán, sa' rokeb'l saq'e, ut chixjunileb' li awab'ej re Kanahán li wankeb' sa' xjayal li palaw ke'rab'i resil naq li Qaawa' kixchaqihob'resi li nima' Jordán re naq eb' laj Israel te'nume'q junpak'al. K'ajo' naq ke'ok xxiw ut ke'ch'inank xch'ool chiruheb' laj Israel.

Deuteronomio 11:25

Maa'ani tixkuy eesumenkil. Li Qaawa' leeYos troksi xnimal xxiweb' chixjunil li tenamit b'arwi' texnume'q, jo' ak xyehom eere li Qaawa'.

Éxodo 34:24

Naq twisiheb' li tenamit chawu ut tinnimob'resi laana'aj, wi tattaqe'q ox sut chiru li chihab' chi xk'utb'al aawib' chiru li Qaawa' laaYos, maajun tixrahi laach'och'.

2 Crónicas 14:14

Moqon ke'reechani ajwi' chixjunileb' li tenamit wankeb' chi xsutam Kerar, xb'aan naq li Qaawa' kiroksi xxiweb'. Eb' laj Judá ke'xxok xsa' chixjunileb' li tenamit, xb'aan naq k'ajo' li k'a'aq re ru wank chisa'eb'.

1 Samuel 14:15

Ke'ok xxiw jo'k'ihaleb' li wankeb' sa' xmuheb'aaleb' ut sa' k'aleb'aal, jo'wi' chixjunileb' li poyanam. Ke'xiwak ajwi' eb' laj puub' li yookeb' chi k'aak'alenk ut eb' laj k'ehol eetal. Kixhich'le rib' li ruuchich'och' ut k'ajo' naq ke'xiwak chixjunileb'!

1 Samuel 11:7

Kixchap jun sumal chi b'ooyx ut kixkamsiheb'; kixxeri ut kixjek'i li tib' sa' xteepal chixjunil Israel chirixeb' aj esil: “Jo'ka'in taa'uxq reheb' li xb'ooyx li ink'a' taaxik chirix laj Saúl ut laj Samuel”, chankeb' laj esil. K'ajo' naq ke'xiwak li poyanam, ut junajeb' xch'ool koheb' chi yalok.

Génesis 34:30

Toja' naq laj Jakob kixye reheb' laj Simehón ut laj Leví: “Laa'ex xineek'e sa' jun nimla rahilal ut xik' ilb'ilaqin xb'aaneb' li poyanam a'in, xb'aaneb' laj Kanahán ut eb' laj Perés. Ink'a' k'iheb' li neke'ochb'eenink we, ut wi eb' a'an te'xch'utub' rib' re yalok wik'in, tinsache'q laa'in jo'wi' chixjunil linjunkab'al”.

Génesis 35:4

Eb' a'an ke'xq'axtesi re laj Jakob chixjunileb' li jalanil yos li wankatqeb' rik'ineb', jo'kan ajwi' li xka'xikeb'; ut laj Jakob kixmuqeb' rub'el li ji li wank chi xk'atq Sikem.

Deuteronomio 2:25

Chalen anaqwan twoksi xiw ut xxiwankil aawu sa' xyanqeb' chixjunileb' li tenamit li wankeb' junsut junrub'el choxa. Naq te'rab'i resil eechalik, siksootqeb' chixjunileb' ut parpotqeb' xb'aan xxiweb'», chan li Qaawa'.

Salmos 105:14

ab'an li Yos maa'ani kixkanab' chi rahob'tesink reheb', ut kixjultika reheb' li awab'ej:

2 Crónicas 14:13

Laj Asá ut eb' li wankeb' rochb'een ke'xsik'iheb' re xkamsinkileb' toj ke'wulak Kerar, ut chixjunileb' laj Etiopía ke'kamsiik: maajun chik kikanaak chi yo'yo, xb'aan naq ke'sache'k ru xb'aan li Qaawa' ut xb'aaneb' li xtenamit. K'ajo' li k'a'aq re ru kixokmank sa' li kutan a'an!