Génesis 35:2 - Q'eqchi Bible

² Toja' naq laj Jakob kixye reheb' li wankeb' sa' rochoch jo' ajwi' reheb' chixjunil li rochb'een: “Isihomaq chixjunileb' li jalanil yos li wank eerik'in. Chech'ajob'resi eerib' ut jalomaq leeraq'.

Li Santil hu

² Laj Jacob quixye reheb li ralal xcꞌajol joꞌ eb ajcuiꞌ li cuanqueb rubel xtakl: —Isihomak chixjunileb li jalanil dios li cuanqueb e̱riqꞌuin. Tex-ati̱nk ut texjalok chokꞌ retalil nak te̱canab xba̱nunquil li ma̱usilal.

Génesis 35:2 ပူးပေါင်းရင်းမြစ်များ

Éxodo 19:14

Laj Moisés kikub'eek chaq sa' li tzuul, jun k'oot wan wi' li tenamit, ut kixsantob'resiheb' li tenamit. Naq eb' a'an ke'xpuch' li raq'eb',

Éxodo 19:10

kiyehe'k re: “Ayu rik'ineb' li tenamit ut chataqlaheb' chi xsantob'resinkil rib' chiru li kutan a'in jo' ajwi' wulaj; xpuch'aqeb' li raq'

Santiago 4:8

Jilonqex chi xk'atq li Yos, ut a'an taajiloq chek'atq. Ex aj maak, ch'ajomaq leeruq'. Laa'ex li nachalk naxik leek'a'uxl, ch'ajob'resihomaq leech'ool.

Hebreos 10:22

Jiloqo b'i' chi xk'atq chi anchal qach'ool, chi anchal qapaab'aal, ch'ajob'resinb'ilaq li qach'ool chiru li ink'a' us ut ch'ajb'ilaqo rik'in saq ru ha'.

Ezequiel 18:31

Kanab'omaq chixjunil li maa'usilal xineemajewa wi' ut ak'aq chik leech'ool, ak'aq chik leemusiq'. K'a'ut naq nekeraj kamk, ex aj Israel?

Ezequiel 36:25

Texinkirkisi chi chaab'il ha', ut ch'ajob'resinb'il chik texkanaaq; twisi eerik'in chixjunil leemaa'usilal ut texinch'ajob'resi re naq ink'a' chik teeloq'oniheb' li jalanil yos.

Josué 24:23

Kixye laj Josué: “Isihomaqeb' b'i' sa' eeyanq li jalanil yos ut k'ehomaq eech'ool rik'in li Qaawa', xYos laj Israel”.

Josué 24:15

A'ut wi ink'a' naxk'ul eech'ool k'anjelak chiru li Qaawa', sik'omaq ru anaqwan ani chi aj u teeraj k'anjelak: ma li xyoseb' leexe'toonil yuwa' li ke'xloq'oni chaq chire li nima' Éwfrates, malaj chiru li xyoseb' laj Amor b'arwi' wankex anaqwan. Laa'in ut linjunkab'al took'anjelaq chiru li Qaawa'”, chan laj Josué.

Génesis 18:19

Sik'b'il chaq ru inb'aan re naq tixk'ut li b'eek jo' naraj li Qaawa' chiruheb' li ralal xk'ajol jo'wi' chiruheb' li te'wanq moqon, re naq te'wanq sa' tiikilal ut sa' chaab'ilal. Chi jo'kan tink'e re laj Abrahán li b'arwan xinyeechi'i re”.

2 Corintios 7:1

Ex was wiitz'in raarookex inb'aan, qe laa'o yeechi'inb'il chaq chixjunil a'an. Jo'kan naq qach'ajob'resiiq qib', qisihaq chixjunil li tz'ajnil wank chiqix ut li xtz'ajnil li musiq'ej, qoxloq'iiq li Yos ut qatz'aqob'resiiq ru li qasantilal.

1 Samuel 7:3

Jo'kan naq laj Samuel kixye reheb' chixjunil laj Israel: “Wi teeraj sutq'iik rik'in li Qaawa' chi anchal eech'ool, isihomaq sa' eeyanq eb' li jalanil yos ut eb' lix Astarté. Q'axtesihomaq eerib' re li Qaawa' ut junes A'an teeloq'oni, ut A'an taakoloq eere sa' ruq'eb' laj Filistea”.

Deuteronomio 32:16

Ke'xchiq' xjosq'il li Yos xb'aaneb' li jalanil yos ut ke'xyoob' xrahil xch'ool xb'aan li tz'i'b'eetalil na'leb'.

Génesis 31:34

Ab'an lix Rakel kixokok chaq re li kok' yos, kixmuq rub'el li k'ojarib'aal wank chirix li kameey ut kik'ojlaak sa' xb'een. Naq laj Labán kixpoqle chixjunil li muheb'aal, maak'a' kixtaw.

Génesis 31:19

Sa' li kutan a'an, naq laj Labán yo chaq chi xb'esb'aleb' rix li xkarneer, lix Rakel kirelq'a li xkok' yoseb' li xyuwa'.

San Judas 1:23

Chekoleb' li junch'ol rik'in risinkileb' sa' li xam, ut li junch'oleb' chik cheruxtaana ruheb'; ab'an chek'ehaq reetal: xik' cherilaq li raq'eb' tz'ajninb'il xb'aaneb', meeb'on eerib' rik'in li xb'aanuhomeb'.

Gálatas 4:8

Junxil naq toj maji' nekenaw ru li Yos, kexk'anjelak chaq chiruheb' li maawa'eb' tz'aqal yos.

1 Corintios 10:7

Mex'okenk chi xloq'oninkil li yal k'oxlanb'il yos jo' wan ke'b'aanunk chaq sa' xyanqeb' a'an, kama' tz'iib'anb'il sa' li Santil Hu: “Eb' li tenamit ke'chunlaak chi wa'ak chi uk'ak, ut chirix a'an ke'wakliik chi xajok ut chi maakob'k”.

Hechos 19:26

ab'anan yookex chi rilb'al ut chi rab'inkil resil naq moko ka'aj ta wi' arin Éfeso, sa' aj b'an wi' naab'aleb' chi tenamit, kach'in chik maa chixjunil Asia, laj Pablo a'in naxq'unb'esi ut naxpo' xch'ooleb' naab'al chi winq ut ixq, rik'in xyeeb'al naq maawa' yoseb' li neke'yiib'aak rik'in uq'ej.

Daniel 5:4

Ke'uk'ak b'iin chixjunileb' ut ke'xnima ru li xyoseb' yiib'anb'ileb' rik'in oor ut plaat, q'anch'iich' ut ch'iich', che' ut pek.

Ezequiel 20:7

Ut kinye reheb' naq li junjunq xtz'eqtaanaaq li yiib'anb'il yos nab'alaq'ink reheb' ut mixtz'ajni rib' rik'in li tz'i'b'eetalil na'leb' neke'xb'aanu eb' laj Ejiipt, xb'aan naq laa'in li Qaawa', li xYoseb'.

Jeremías 16:20

Ma naru naq li winq tixyiib' junaq xyos? Moko yoseb' ta li xb'aanuhomeb' a'an”, cha'qeb'.

Jeremías 13:27

Xwil chixjunil laamaa'usilal ut li xutaanalil yumb'eetak xab'aanu, xink'e reetal li xsahil aach'ool chi maakob'k; xwileb' laatz'i'b'eetalil yos sa' xb'eeneb' li tzuultaq'a. Toq'ob' aawu, a Jerusalén! Rahilal taachalq sa' aab'een, xb'aan naq ink'a' nakawaj xch'ajob'resinkil aawib'. Jo' najtil chik tatkanaaq chi jo'kan?”.

Jeremías 5:7

“Chan ta naq tinkuy aamaak xb'aan a'an, a Jerusalén? -chan li Qaawa'-. Eb' laawalal aak'ajol xine'xtz'eqtaana ut a' chik li maawa' yos neke'xpatz' sa' jurament. Naq xink'eheb' chi tzekank toj reetal xe'nujak, intz'eqtaanankil chik xe'xb'aanu ut jun xikikeb' sa' rochochil li maa'usilal chi xmuxb'aleb' rib'.

Isaías 52:11

Jo'kan naq elenqex, elenqex ut kanab'omaq Babilonia! Meech'e' li k'a'aq re ru tz'ajn ru. Elenqex chaq sa' li tenamit a'an! Ch'ajob'resiiq eerib' laa'ex li nekexk'amok li xsahil eechej li Qaawa'.

Isaías 1:16

Tuqub'omaq leeyu'am, ch'ajob'resiiq eerib', isihomaq chiwu leemaa'usilal ut kanab'omaq xb'aanunkil li ink'a' us!

Eclesiastés 5:1

Naq tatxik sa' rochoch li Yos, chak'e reetal li k'aru taab'aanu. Wankeb' maak'a'eb' xna'leb' li neke'xik aran chi mayejak, ab'anan ink'a' neke'xk'e reetal naq ink'a' us yookeb'. A'ut laa'at jilon chiru li Qaawa' chi kub'enaq aawankil ut sa' q'unil ch'oolej.

Salmos 51:7

Chak'e reetal naq sa' maak xinyo'laak, ak aj maakin ajwi' chaq naq xinsiyaak rik'in linna'.

Salmos 51:2

naq kiq'use'k xb'aan laj Natán li propeet, xb'aan naq kixmux rib' rik'in lix Betsabé.

Li xHu LAJ JOB 1:5

Sa' xraqik li junjunq chi ninq'e laj Job naxb'oqeb' li ralal ut namayejak re te'kuye'q li xmaakeb'. Nawakliik toj eq'la ut naxyeechi'i li xk'atb'il mayej chiru li Yos, sa' xk'ab'a' li junjunq chi ralal. Xb'aan naq naxye sa' xch'ool: “Mare eb' li walal xe'xmajewa li Yos sa' xch'ooleb'”. Ut junelik naxb'aanu chi jo'kan.

1 Crónicas 16:26

Maak'a' neke'ok wi' li xyoseb' li jalanil tenamit, ab'an li Qaawa' kixyiib' li choxach'och'.

2 Reyes 17:29

Ab'an li junjunq chi tenamit ke'xyiib'atq xyoseb' ut ke'xk'e sa'atqeb' li tijob'aal sa' xjolomeb' li tzuul yiib'anb'ileb' xb'aaneb' laj Samaria. Li junjunq chi tenamit ke'xk'e li xyoseb' sa' li na'ajej b'arwi' wankatqeb'.

2 Reyes 5:10

Ab'an laj Eliseo kixtaqla xyeeb'al re: “Ayu ut atin wuqub' sut sa' li nima' Jordán. Taayo'laaq chaq wi' chik laatib'el, ut ch'ajob'resinb'il tatkanaaq”.

2 Samuel 7:23

Maajun chik tenamit wank sa' ruuchich'och' jo' laatenamit. “Laa'at, at Qaawa', xatkolok reheb' laj Israel, re naq a'anaqeb' laatenamit; xanima li xk'ab'a'eb' ut xab'aanu li sachb'ach'oolej q'axal ninqeb' ut xiwajeleb' xb'aan xnimal laarahom. Xawisiheb' sa' ruq'eb' laj Ejiipt ut xawaanilasiheb' li poyanam ut eb' li jalanil yos chiru laatenamit.

Li xHu LIX RUT 1:15

Toja' naq lix Nohemí kixye re: —K'e reetal, laab'alk xsutq'iik wi' chik sa' li xtenamit ut rik'ineb' li xyos. Ayu ajwi' laa'at chirix.

Jueces 10:16

Ke'risi eb' li jalanil yos sa' xyanqeb' ut ke'xtikib' wi' chik xloq'oninkil ru li Qaawa'. Ut li Qaawa' ink'a' chik kixkuy rilb'al li rahilal wankeb' wi'.

Josué 24:20

Wi laa'ex teekanab' li Qaawa' re k'anjelak chiruheb' li jalanil yos, li Qaawa' tixtaqla chaq rahilal sa' eeb'een ut tixsach eeru, us ta ak xb'aanu naab'al usilal eere”, chan.

Josué 24:2

kixye reheb' chixjunil li tenamit: “A'in xyehom li Qaawa' xYos laj Israel: Chire li nima' Éwfrates ke'wank chaq junxil eb' leexe'toonil yuwa', laj Téraj, jo'wi' laj Abrahán ut laj Najor li ralaleb', ut ke'xloq'oni ru eb' li jalanil yos.

Josué 23:7

Meeb'on eerib' rik'ineb' li tenamit a'an li toj wankeb' sa' eeyanq. Meeyaab'a xk'ab'a' li xyoseb' chi moko teeye jurament sa' xk'ab'a'eb'. Meeloq'oni ruheb' chi moko teehupub' eerib' chiruheb',

Deuteronomio 11:28

Majewaak wi ink'a' teepaab' li xchaq'rab' li Qaawa' leeYos ut teekanab' li b'e li xink'ut cheru anaqwan, re xtaaqenkil jalaneb' yos li maajun wa eenawomeb' ru.

Deuteronomio 7:25

Taak'ateb' li xjalam u li xyoseb'. Maarahi ru li oor ut li plaat b'onb'ileb' wi', chi moko taaxok cho'q aawe; mext'ane'k sa' li aaleek a'an, xb'aan naq a'an yib'eetal chiru li Qaawa' laaYos.

Deuteronomio 6:14

Maataaqe eb' li jalanil yos, eb' li xyoseb' li tenamit wankeb' chasutam,

Deuteronomio 5:7

«Miwank jalan chik aayos chiwu laa'in.

Números 31:24

Teepuch' leeraq' sa' xwuq li kutan ut ch'ajob'resinb'il texkanaaq. Toja' naq tex'okaq sa' li na'ajej wankeb' wi' eb' li muheb'aal”, chan laj Elehasar.

Levítico 17:16

Ab'anan wi ink'a' tixpuch' li raq' ut ink'a' taa'atinq, sa' xb'een taakanaaq li xmaa'usilal”.

Levítico 15:5

“Yalaq ani taach'e'oq re li na'ajej b'arwi' xyoklaak li winq yaj, tento tixpuch' li raq' ut taa'atinq, ut muxb'il ru taakanaaq toj reetal taa'ok li q'oqyink.

Éxodo 23:13

“Chepaab' chixjunil li xinye eere. Maayaab'asi xk'ab'a' eb' li jalanil yos, chi moko teepatz' xk'ab'a'eb'.

Génesis 35:22

Ut naq laj Israel wank sa' li na'ajej a'an, koho laj Rubén chi wark rik'in lix Bilhá, li rixaqil jun chik li xyuwa', ut laj Israel kixnaw a'an.

Génesis 34:2

Laj Sikem, ralal laj Jamor aj Jib, aj jolominel re li na'ajej a'an, kiril lix Dina, kixk'am, kiwark rik'in ut kixmux li xtuq'ixqilal.

Génesis 31:30

Ninnaw naq laa'at xat-elelik xb'aan naq xawaj ru xik sa' rochoch laayuwa'; ab'anan k'a'ut naq xawelq'aheb' chaq linkok' yos?”.

1 Samuel 16:5

Kichaq'ok laj Samuel ut kixye: “Hehe', xinchalk chi mayejak chiru li Qaawa'. Ch'ajob'resihomaq eerib' ut kimqex chiwix chi mayejak”, chan. Tikto laj Samuel kixch'ajob'resi laj Jesé ut eb' li ralal, ut kixb'oqeb' chi mayejak.

Josué 24:14

“Jo'kan utan chexiwa ru li Qaawa' ut chexk'anjelaq chiru chi chaab'il ut chi tiik ru leech'ool. Chekanab'eb' li yos li ke'xloq'oni leexe'toonil yuwa' chire li nima' Éwfrates ut aran Ejiipt, ut chexk'anjelaq chiru li Qaawa'.