Génesis 33:9 - Q'eqchi Bible

⁹ Ab'an laj Esaú kixye: “At wiitz'in, tz'aqal wank we: aawehaq chixjunil li k'aru aawe”.

Li Santil hu

⁹ Laj Esaú quixye: —Incꞌaꞌ. La̱in incꞌaꞌ naru tincꞌuleb li queto̱mk aꞌan. La̱at cui̱tzꞌin. Ut la̱in tzꞌakal ajcuiꞌ li cꞌaꞌru cue cuan. Li cꞌaꞌru xasi cue, cana̱k chokꞌ a̱cue, chan.

Génesis 33:9 ပူးပေါင်းရင်းမြစ်များ

Génesis 27:39

Toja' naq laj Isahak kixsume chi jo'kan: “Najtaq chik laawochoch rik'in li chaab'il ch'och', najtaq ajwi' rik'in li xk'ajob' li choxa.

Filemón 1:7

At wiitz'in, k'ajo' naq xsaho'k ut xk'ojlaak linch'ool xb'aan laarahom, xb'aan naq nasaanak sa' xch'ooleb' laj santil paab'anel sa' aak'ab'a'.

Filemón 1:16

Ut ink'a' chik jo' loq'b'il aj k'anjel, jo' b'an chik li naq'axok ru li loq'b'il aj k'anjel, jo' jun li qiitz'in q'axal raaro. Jo'kan ninra laj Onésimo laa'in. Ma toja' ta chik laa'at sa' xk'ab'a' naq aawiitz'in ut aj paab'anel.

Hechos 21:20

Ut eb' a'an, naq ke'rab'i, ke'ok chi xnimankil ru li Yos ut ke'xye re laj Pablo: —Xawil, at qiitz'in, jarub' mil chi aj Judiiy xe'ok chi paab'ank, ut chixjunileb' a'an toj kaweb' xch'ool chirix xchaq'rab' laj Moisés.

Hechos 9:17

Koho laj Ananías, kox'okaq sa' li kab'l b'arwi' wank laj Sawlo, kixk'e li ruq' sa' xb'een ut kixye re: —Saúl, at wiitz'in, li Qaawa' xinxtaqla chaq aawik'in, a' li Jesus li xk'ut rib' chawu sa' li b'e xatchalk wi'. Xinxtaqla chaq, re naq tat iloq wi' chik ut tatnujaq rik'in Santil Musiq'ej.

Eclesiastés 4:8

Qayehaq: li junaatal winq, li maak'a'eb' ramiiw, li maak'a' xkok'al chi moko ras riitz'in, ut ink'a' nahilank chi k'anjelak chi moko nak'ojlaak xch'ool rik'in li xnimal xb'ihomal. Li winq a'an maajun sut naxpatz' sa' xch'ool: “Ani aj e li nintawasi wi' wib'? K'a'ut naq ink'a' ninyal xsahil li k'aru nink'anjela?”. A'in ajwi' maak'a' rajb'al ut ink'a' us.

Proverbios 16:7

Naq li Qaawa' naxk'ul xch'ool li qayu'am, a'eb' ajwi' li xik' neke'ilok qe neke'ok wi' chik sa' amiiwil qik'in.

Génesis 27:41

Chalen sa' li kutan a'an laj Esaú ki'ok chi xxik'b'al rilb'al laj Jakob xb'aan li osob'tesiik xk'ulum rik'in li xyuwa'. Ut kixye sa' xch'ool: “Taanach'oq chaq li xkamik linyuwa'. Toja' naq tinkamsi laj Jakob li wiitz'in”, chan sa' xch'ool.

Génesis 4:9

Toja' naq li Qaawa' kixye re laj Kaín: “B'ar wank laj Abel laawiitz'in?”. Kichaq'ok laj Kaín: “Ink'a' ninnaw. Ma laa'in tab'i' aj ilol re li wiitz'in?”, chan.

Proverbios 30:15

Li xul li natz'ub'uk kik' wankeb' wiib' li ral. Li jun naxk'ab'a'in: “K'e we”, ut li jun chik: “Twaj xkomon” xk'ab'a'. Oxib'eb' malaj kaahib'eb' li ink'a' neke'k'ojlaak xch'ool ut maajoq'e neke'xye: “Tz'aqalaq”.

Génesis 27:40

Rik'in laach'iich' taakol rix laayu'am ut chiru laawiitz'in tatk'anjelaq; ab'an naq tatkawuuq, taawisi aawib' rub'el li xwankilal”.

Génesis 33:10

Kichaq'ok laj Jakob: “Maamin b'i'an. Wi xintaw usilal chawu, k'ul li maatan ninyeechi'i aawe, xb'aan naq xinaak'ul sa' usilal: chanchan xwil ru li Yos naq xatwil.