Génesis 32:9 - Q'eqchi Bible

⁹ Chirix chik a'an laj Jakob kixye: “At xYos linyuwa' Abrahán ut xYos linyuwa' Isahak, at Qaawa' li xaye we: «Sutq'in sa' laana'aj, sa' laatenamit, ut laa'in chaab'ilaqin aawik'in»,

Li Santil hu

⁹ Ut laj Jacob qui-oc chi tijoc ut quixye: —At inDios, la̱at li Dios li quixlokꞌoni laj Abraham lin xeꞌto̱nil yucuaꞌ. Ut la̱at ajcuiꞌ catxlokꞌoni chak laj Isaac, lin yucuaꞌ. La̱at xatyehoc cue nak tinsukꞌi̱k cuiꞌchic saꞌ lin tenamit li cuanqueb cuiꞌ lin comon. Xaye ajcuiꞌ cue nak ta̱ba̱nu li usilal cue.

Génesis 32:9 ပူးပေါင်းရင်းမြစ်များ

Génesis 31:42

Wi ta li xYos laj Abrahán ut li xYos laj Isahak linyuwa' ink'a' xinxtenq'a, relik chi yaal naq xinaataqla raj chaq anaqwan chi maak'a' wank we. Ab'anan li Yos xril xtoq'ob'aal wu ut lintawajik, ut ewer chi q'eq xatxq'us”, chan laj Jakob.

Génesis 31:13

Laa'in li Yos li xink'utb'esi chaq wib' chawu Betel, b'arwi' xayul chi aseeyt li xaqab'anb'il pek naq xaye laawaatin rik'in jurament. Xaqlin anaqwan, elen sa' li na'ajej a'in ut sutq'in sa' li tenamit xatyo'laak wi'»”.

Génesis 28:13

Kiril ajwi' li Qaawa' wan chaq sa' xb'een li taqleb'aal ut kirab'i li aatin a'in: “Laa'in li Qaawa', xYos laj Abrahán laayuwa' ut xYos laj Isahak. Li ch'och' sotsookat wi' tink'e aawe ut reheb' laawalal aak'ajol.

Génesis 31:3

Toja' naq li Qaawa' kixye re laj Jakob: “Sutq'in sa' rochoch laana' laayuwa', sa' laatenamit, ut laa'in wanqin aawik'in”.

Salmos 50:15

Chayaab'a link'ab'a' sa' xkutankil laarahilal; laa'in tatinkol ut laa'at tinaaloq'oni”.

Génesis 31:53

Li xYos laj Abrahán ut li xYos laj Najor chiraqoq taxaq aatin sa' qab'een”. Toja' naq laj Jakob kixye xjurament sa' xk'ab'a' li Yos naloq'oniik xb'aan laj Isahak li xyuwa'.

Salmos 91:15

Naq tixyaab'a link'ab'a', laa'in tinsume. Wanqin chi xk'atq sa' xq'ehil li rahilal; laa'in tinkoloq re ut tink'e xloq'al.

2 Crónicas 32:20

Jo'kan naq laj Esekías li awab'ej jo'wi' li propeet Isaías, ralal laj Amós, ke'tz'aamank ut ke'elajink chiru li Qaawa' li wank sa' choxa.

2 Crónicas 20:6

ut kixye: “At Qaawa', xYosat eb' li qana' qayuwa', ma ink'a' tab'i' laa'at xYosat li choxa ut wank aawankil sa' xb'eeneb' chixjunil li x'awab'ejihom li ruuchich'och'? Sa' laawuq' laa'at wank li kawilal ut li wankilal, ut maajun nakuyuk aasumenkil.

1 Samuel 30:6

K'ajo' li xk'a'uxl laj David xb'aan naq eb' li wankeb' rochb'een yookeb' chi xk'oxlankil xteninkil chi pek: jwal raheb' sa' xch'ool li tenamit, li junjunq chirixeb' li xkok'al. Ab'an laj David kixtaw xkawub' li xch'ool rik'in li Qaawa' li xYos

Éxodo 3:6

Kixye ajwi': “Laa'in li xYos laayuwa'; laa'in li xYos laj Abrahán, laj Isahak ut laj Jakob”. Toja' naq laj Moisés kixmuq li ru xb'aan naq kixxiwa rilb'al li Yos.

Génesis 31:29

Wank inwankil re xb'aanunkil aawe li ink'a' us, ab'an li xYos laayuwa' xye we ewer chi q'eq: «K'e reetal, mat-aatinak sa' josq'il rik'in laj Jakob».

Génesis 17:7

Tink'ojob' chi junajwa linSumwank aawik'in, jo' ajwi' rik'ineb' laawalal aak'ajol li te'wanq moqon. Laa'inaq laaYos ut xYoseb' ajwi' laawalal aak'ajol chi junelik.

2 Crónicas 20:12

At Qaawa', ma ink'a' tatraqoq aatin sa' xb'eeneb'? Xb'aan naq laa'o maak'a' qametz'ew chiruheb' li k'iila poyanam a'in li xe'chalk chi yalok qik'in. Ink'a' naqanaw k'aru tqab'aanu; jo'kan naq q'es qu chi oyb'enink aawik'in”.

Génesis 28:15

K'e reetal, laa'in wankin aawik'in. Tatinkol yalaq b'ar tatxik, ut tatinsutq'isi chaq sa' li na'ajej a'in. Ink'a' tatinkanab' toj reetal tinb'aanu li xinyeechi'i aawe”.

Génesis 32:8

“Wi laj Esaú taachalq chi yalok rik'in li jun ch'uut, te'kole'q li jun ch'uut chik”, chan.

Génesis 49:25

sa' xk'ab'a' li xYos laayuwa', xb'aan naq a'an taatenq'anq aawe; sa' xk'ab'a' li Nimajwal Yos, xb'aan naq a'an taa'osob'tesinq aawe rik'in rosob'tesinkil li choxa toj taqe'q, rik'in rosob'tesinkil li xchamal li palaw ut rosob'tesinkileb' li ixq li neke'alank ut neke'tu'resink.

Jeremías 32:16

“Naq ak xinq'axtesi re laj Baruk, ralal laj Nerías, li xhuhul li ch'och' xinloq', xintijok chiru li Qaawa' chi jo'ka'in: