Génesis 32:31 - Q'eqchi Bible

³¹ Yo chi elk li saq'e naq laj Jakob ki'elk sa' li na'ajej Penuel; ab'an nayeeqan aj chik li ra'.

Li Santil hu

³¹ Xban nak quibokꞌe xbakel li raꞌ, naye̱kan chic li rok laj Jacob nak qui-el saꞌ li naꞌajej Peniel. Yo̱ chak chi e̱lc li sakꞌe nak qui-el aran.

Génesis 32:31 ပူးပေါင်းရင်းမြစ်များ

2 Corintios 12:7

Jo'kan utan, re naq ink'a' tinnimob'resi wib' xb'aan li q'axal loq' xk'utb'esiik chiwu, xk'eemank jun li tiq'leb' sa' linjunxaqalil, jun xtaql laj tza xpaq'lenk we chi ruq', re naq ink'a' tinnimob'resi wib'.

2 Corintios 12:9

Ab'an a'an xye we: “Tz'aqal cho'q aawe li wusilal, xb'aan naq linwankil tz'aqal nak'utunk sa' xmajelal li metz'ew”. Jo'kan utan, chi anchal inch'ool toj tinnima wib' sa' xmajelal inmetz'ew, re naq taahilanq wik'in li xwankil li Kriist.

Malaquías 4:2

A'ut laa'ex li nekex'oxloq'ink re link'ab'a', taalemtz'uno'q sa' eeb'een li xtiikilal linch'ool, ut sa' li xsaqenkil teetaw leekawilal. Toja' naq texpisk'oq xb'aan xsahil leech'ool jo'kaqex li saaj wakax naq neke'elk sa' li xna'ajeb'.

Salmos 38:17

Ka'ajwi' a'in nintz'aama chawu: “Mine'xse'e, me'numtaak sa' inb'een naq tintichk'oq!”.

Jueces 8:8

Ki'elk aran, koxtaqe'q Penuel, ut kixtz'aama wi' chik usilal chiruheb' jo' kixb'aanu aran Sukot. Ab'anan eb' laj Penuel ke'xye jo' li ke'xye xb'enwa eb' laj Sukot.

Génesis 32:25

Ab'an kiril naq ink'a' naxq'ax ru; jo'kan naq kixtoch' li rich'mul xb'aqel li ra' laj Jakob, ut kib'oq'e'k xb'aqel li ra' naq yo chi xyalb'al xmetz'ew.

Génesis 19:23

Ak yo chi elk li saq'e naq laj Lot kiwulak Sohar.

Génesis 19:15

Naq kihik'e'k, eb' li ánjel ke'xseeb'a laj Lot: “Waklin, k'am laawixaqil ut chi xkab'ichaleb' laarab'in li wankeb' arin: mare anchal tatkamsiiq xmaak li tenamit a'in”, chankeb' re laj Lot.

Génesis 32:32

Jo'kan naq eb' laj Israel chalen toj anaqwan ink'a' neke'xtzeka li rich'mul xb'aqel ra' li xul, li wank sa' xtiqilal li ra', xb'aan naq kitoch'e'k li rich'mul xb'aqel li ra' laj Jakob.

1 Reyes 12:25

Laj Jerobohán kixtaqla xyiib'ankil chi chaab'il li tenamit Sikem, li wank chi xtzuulul Efraín, ut aran kikanaak chi wank. Moqon ki'elk aran ut kixyiib' ajwi' chi chaab'il li na'ajej Penuel.

1 Reyes 18:26

Ke'xchap li saaj wakax li kik'eemank reheb', ke'xk'uub' ut ke'xyaab'a xk'ab'a' laj Bahal chalen eq'la toj wa'leb': “At Bahal, choohaawab'i chaq!”, chankeb' naq yookeb' chi piitzank chi xk'atq li artal ke'xyiib'. Ab'an maajun kisumenk chaq reheb'.

Génesis 16:13

Toja' naq lix Agar kixk'e “laa'at li Yos li na'ilok we” cho'q xk'ab'a' li Yos ki'aatinank re, xb'aan naq kixye sa' xch'ool: “Arin xwil ru li na'ilok we”.

Éxodo 24:10

Aran ke'ril ru li xYos laj Israel: rub'el roq li Qaawa' wank chanchan neb'aal tz'akanb'il rik'in safiro, saqen saqenk kama' xraxal li choxa.

Éxodo 24:11

Ab'an li Qaawa' ink'a' kixrahob'tesi eb' li xb'eenil aj Israel; eb' a'in ke'ril ru li Yos, ut ke'wa'ak ke'uk'ak chi maak'a' ke'xk'ul.

Deuteronomio 5:24

ut keye we: «K'e reetal, li Qaawa' li qaYos xk'ut chiqu li xloq'al ut li xnimal xwankil ut xqab'i xyaab' li xkux sa' li xam. Sa' li kutan a'in xqil naq li Yos truuq traatina li winq ut a'in toj tyo'yooq.

Deuteronomio 5:26

K'a' tawi' chi winqul jo' laa'o xrab'i xyaab' xkux li qayo'yookil Yos chi aatinak chaq sa' li xam ut xkanaak chi yo'yo?

Jueces 6:22

Toja' naq laj Jedehón kixk'e reetal naq a'an pe' li x'ánjel li Qaawa', ut kixye re: “Toq'ob' wu, at inQaawa'! Xwil li x'ánjel li Qaawa' chi tz'aqal re ru!”, chan.

Jueces 6:23

Kichaq'ok li Qaawa' ut kixye: “Li tuqtuukilal chiwanq aawik'in. Matxiwak, moko tatkamq ta”, chan.

Isaías 6:5

Ut kinye sa' inch'ool: “Toq'ob' xaq wu, xin'oso'k, xb'aan naq laa'in jun li winq ninye li ink'a' us ut wankin sa' jun tenamit aj maak. Xwil rik'in wu li Awab'ej, a' li Nimajwal Yos!”.