Génesis 31:55 - Q'eqchi Bible

⁵⁵ Eq'la chi us laj Labán kixtz'ub' ruheb' li xkok'al ut eb' li xrab'in, kirosob'tesiheb' ut kisutq'iik sa' li xtenamit.

Li Santil hu

⁵⁵ Joꞌ cuulajak chic nak quisake̱u, laj Labán quicuacli ut quirutzꞌ ruheb li ri, joꞌ eb ajcuiꞌ lix rabin. Quixtzꞌa̱ma chiru li Dios nak ta̱rosobtesiheb. Ut chirix aꞌan quisukꞌi saꞌ rochoch.

Génesis 31:55 ပူးပေါင်းရင်းမြစ်များ

Génesis 31:28

A'ut laa'at chi moko xinaakanab' chi xtz'ub'aleb' ru li walal ut eb' linrab'in. Naraj naxye, xmaak'a'il aana'leb' xab'aanu wi' a'in.

Génesis 30:25

Naq kiyo'laak laj José rik'in lix Rakel, laj Jakob kixye re laj Labán: “Kanab'in chi xik sa' lintenamit.

Génesis 18:33

Naq kiraqe'k chi aatinak rik'in laj Abrahán, li Qaawa' ki'elk aran ut laj Abrahán kisutq'iik sa' rochoch.

Proverbios 16:7

Naq li Qaawa' naxk'ul xch'ool li qayu'am, a'eb' ajwi' li xik' neke'ilok qe neke'ok wi' chik sa' amiiwil qik'in.

Salmos 76:10

naq laa'at xatxaqliik chi raqok aatin re xkolb'al chixjunileb' li toq'ob'aal ru sa' ruuchich'och'!

Li xHu LIX RUT 1:14

Naq ke'rab'i a'in, eb' li ralib' ke'ok wi' chik chi yaab'ak. Chirix chik a'an lix Orpá kixtz'ub' ru laj alib'ahom re ut kisutq'iik sa' li xtenamit; ab'an lix Rut kikanaak rik'in lix Nohemí.

Deuteronomio 32:36

“Xb'aan naq li Qaawa' tixtenq'a li xtenamit, taaruxtaana ruheb' li xmoos naq taaril chi lajk li xmetz'eweb' ut maak'a'eb' chik aj mun ut aj eechal reheb'.

Deuteronomio 23:5

Ab'anan li Qaawa' laaYos ink'a' kiraj rab'inkil laj Balaham ut kixjal laamajewankil chi aawosob'tesinkil, xb'aan naq li Qaawa' laaYos nakatxra.

Números 24:25

Chirix chik a'an kiwakliik laj Balaham ut kisutq'iik sa' li xtenamit. Jo'kan ajwi' laj Balak kisutq'iik wi' chik sa' li xb'e.

Números 23:11

Toja' naq laj Balak kixye re laj Balaham: “K'aru xab'aanu we? Xatink'am chaq arin re xmajewankil eb' li xik' neke'ilok we; ab'an rosob'tesinkileb' chik xab'aanu!”, chan.

Números 23:8

Ab'an chanru tinmajewa li ink'a' majewanb'il xb'aan li Qaawa'? Chanru tintz'aamanq rahilal, wi li Qaawa' ink'a' naxb'aanu?

Números 23:5

Toja' naq li Qaawa' kixye li esil a'in re laj Balaham: “Sutq'in wan wi' laj Balak ut taaye li aatin xinnumsi chawu”, chan re.

Génesis 33:4

Ab'an laj Esaú ki'aanilak chi xk'ulb'al, kixq'alu chi xkux, kixtz'ub' ru ut kiyaab'ak.

Génesis 31:43

Kichaq'ok laj Labán ut kixye re laj Jakob: “Eb' li ixq a'in inrab'ineb'. Weheb' ajwi' eb' li kok'al ut eb' li karneer a'in: we chixjunil li jo'ch'inal jo'nimal nakawil. Ut k'aru truuq tinb'aanu cho'q reheb' linrab'in a'in malaj reheb' li kok'al li xe'xk'e we?

Génesis 28:1

Toja' naq laj Isahak kixb'oq laj Jakob, kirosob'tesi ut kixchaq'rab'i chi jo'ka'in: “Maasik' aawixaqil sa' xyanqeb' li ixq aj Kanahán.

Génesis 24:60

Ke'rosob'tesi lix Rebeka ut ke'xye re: “At qanab', chatk'ihanq chi k'iila o'q'ob', ut eb' laawalal aak'ajol che'eechaninq re li xtenamiteb' li xik' neke'ilok reheb'”.

2 Samuel 19:39

Toja' naq chixjunileb' li tenamit ke'nume'k junpak'al li nima' Jordán. Ut naq kiwulak li awab'ej junpak'al, kixtz'ub' ru laj Barsilay ut kirosob'tesi, ut a'in kisutq'iik wi' chik sa' rochoch.