Génesis 31:32 - Q'eqchi Bible

³² Ab'anan li ani taataweb' wi' laakok' yos, ink'a' chikole'q li xyu'am! Chiruheb' li qech'alal naru taasik' li k'aru aawe wank wik'in ut chak'amaq”. Laj Jakob ink'a' naxnaw naq lix Rakel ki'elq'ank reheb' li kok' yos.

Li Santil hu

³² Chiruheb li kechꞌalal naru ta̱siqꞌueb la̱ dios saꞌ kaya̱nk. Cui ta̱tauheb arin, ta̱cꞌameb ut ta̱ca̱mk li ani xcꞌamoc chak re, chan laj Jacob. Laj Jacob incꞌaꞌ naxnau nak aꞌ lix Raquel qui-elkꞌan reheb lix dios laj Labán.

Génesis 31:32 ပူးပေါင်းရင်းမြစ်များ

Génesis 31:30

Ninnaw naq laa'at xat-elelik xb'aan naq xawaj ru xik sa' rochoch laayuwa'; ab'anan k'a'ut naq xawelq'aheb' chaq linkok' yos?”.

Génesis 31:23

Kixch'utub'eb' li rech'alal ut kixtaaqe laj Jakob chiru wuqub' kutan, toj reetal koxtaw sa' li xtzuulul Galahad.

Génesis 31:19

Sa' li kutan a'an, naq laj Labán yo chaq chi xb'esb'aleb' rix li xkarneer, lix Rakel kirelq'a li xkok' yoseb' li xyuwa'.

Génesis 30:33

ut a'an ajwi' reetalil xchaab'ilal linch'ool chiruheb' li kutan chaalel. Naq tatwulaq chi rilb'al lintojb'al, chixjunil li ink'a' tzipix ut ch'ulak rix sa' xyanqeb' li chib'aat ut chixjunil li ink'a' q'eq rix sa' xyanqeb' li karneer, a'anaqeb' reetalil li xwelq'a”.

Génesis 19:7

ut kixye: “B'aanuhomaq usilal, ex was wiitz'in, meeb'aanu li maa'usilal a'in.

Génesis 13:8

Jo'kan naq laj Abrán kixye re laj Lot: “Maak'a'aq taxaq raaxiik' sa' qayanq laa'o, sa' xyanqeb' laj ilol re linketomq rik'ineb' laawe, xb'aan naq laa'o qiitz'in qib'.

Génesis 31:31

Kichaq'ok laj Jakob ut kixye re laj Labán: “Xinxiwak, xink'oxla naq mare anchal taamaq'eb' chiwu laarab'in.

Génesis 31:33

Ki'ok laj Labán sa' xmuheb'aal laj Jakob ut lix Liiy, sa' xmuheb'aaleb' ajwi' li wiib' chi ixq aj k'anjel chiruheb', ut maak'a' kixtaw. Ki'elk sa' xmuheb'aal lix Liiy ut ki'ok sa' xmuheb'aal lix Rakel.