Génesis 31:30 - Q'eqchi Bible

³⁰ Ninnaw naq laa'at xat-elelik xb'aan naq xawaj ru xik sa' rochoch laayuwa'; ab'anan k'a'ut naq xawelq'aheb' chaq linkok' yos?”.

Li Santil hu

³⁰ La̱in ninnau nak xat-el cuiqꞌuin saꞌ junpa̱t xban nak ta̱cuaj ru xic saꞌ rochoch la̱ yucuaꞌ. Caꞌaj cuiꞌ li incꞌaꞌ nintau ru la̱in, ¿cꞌaꞌut nak xacuelkꞌaheb chak lin dios? chan laj Labán.

Génesis 31:30 ပူးပေါင်းရင်းမြစ်များ

Jueces 18:24

Kichaq'ok laj Mikaías ut kixye: “Xemaq' chiwu linyos li kinyiib' laa'in; xek'am cherix laj tij li yo chi k'anjelak chiwu. Xkohex chi maak'a' xekanab' we, ut toj nekepatz' we k'aru xink'ul?”.

Génesis 31:19

Sa' li kutan a'an, naq laj Labán yo chaq chi xb'esb'aleb' rix li xkarneer, lix Rakel kirelq'a li xkok' yoseb' li xyuwa'.

Jeremías 10:11

Jo'ka'in teeye reheb' li tenamit maak'a' xpaab'aaleb', ex ralal xk'ajol laj Israel: “Eb' li yos, li ink'a' ke'yiib'ank re li choxach'och', te'oso'q junsut junrub'el choxa”, cha'qex.

Jeremías 43:12

Tixk'ateb' li rochochil li xyoseb' laj Ejiipt; tixk'ateb' ajwi' eb' li yos malaj ut tixk'ameb' chirix. Tixch'iile li tenamit Ejiipt, jo' laj ilol ketomq naxch'iile ru li raq', ut chirix chik a'an taaxik jo' junaq li xq'axok u.

Isaías 37:19

ke'xk'ati li xyoseb' ut ke'xjuk'i, xb'aan naq moko yoseb' ta ajwi', yal yiib'anb'ileb' b'an rik'in ruq'eb' li winq, a'aneb' che' ut pek.

2 Samuel 5:21

Aran eb' laj Filistea ke'xkanab'eb' li xyoseb', ut laj David ut eb' li wankeb' rochb'een ke'xk'ameb'.

Jueces 6:31

Ab'anan laj Johás kixsume chixjunileb' li wankeb' chiru: “Ma laa'ex tab'i' texyaloq chirix laj Bahal? Ma laa'ex texkoloq re? Li ani tixyal xkolb'al rix laj Bahal, kamenaq chik naq taasaqewq wulaj. Wi yaal naq laj Bahal a'an Yos, chixkolaq rib', xb'aan naq xjuk'e'k li x'artal”, chan reheb'.

Números 33:4

Eb' laj Ejiipt yookeb' chi xmuqb'aleb' li xb'een alalb'ej li ke'kamsiik xb'aan li Qaawa'. Chi jo'kan kiraqmank aatin sa' xb'eeneb' li xyoseb'.

Éxodo 12:12

Sa' li q'oqyink a'an laa'in tinnume'q sa' xsutam Ejiipt ut tintiq'eb' chixjunil li xb'een alalb'ej re li tenamit a'an, jo'wi' li xb'een raleb' li xul, ut tinraqoq aatin sa' xb'een chixjunil li xyoseb' laj Ejiipt. Laa'in li Qaawa'.

Génesis 31:31

Kichaq'ok laj Jakob ut kixye re laj Labán: “Xinxiwak, xink'oxla naq mare anchal taamaq'eb' chiwu laarab'in.

Génesis 35:2

Toja' naq laj Jakob kixye reheb' li wankeb' sa' rochoch jo' ajwi' reheb' chixjunil li rochb'een: “Isihomaq chixjunileb' li jalanil yos li wank eerik'in. Chech'ajob'resi eerib' ut jalomaq leeraq'.

Josué 24:2

kixye reheb' chixjunil li tenamit: “A'in xyehom li Qaawa' xYos laj Israel: Chire li nima' Éwfrates ke'wank chaq junxil eb' leexe'toonil yuwa', laj Téraj, jo'wi' laj Abrahán ut laj Najor li ralaleb', ut ke'xloq'oni ru eb' li jalanil yos.

Jueces 18:17

Eb' li oob' chi aj k'ehol eetal ke'taqe'k, ke'ok ut ke'xxok li efod, li kok' jalam u jo'wi' li pak'b'il yos. Ab'an xaqxo laj tij chire li okeb'aal rochb'eeneb' li lajeek'aal xkab' o'q'ob' (600) chi winq wankeb' xch'iich'.

Ezequiel 21:21

Xb'aan naq li awab'ej re Babilonia xxaqliik sa' li xaalib'e ut yo xq'ehinkil b'ar taaxik: naxchiq'le li xsimaj, yo chi patz'ok reheb' li xyos ut rik'in xsaaseb' li xul li kixmayeja.

Números 10:30

Kichaq'ok laj Jobab: “Ink'a' tinxik cherix, tinsutq'iiq b'an sa' lintenamit ut sa' xyanqeb' linkomon”, chan.