Génesis 30:5 - Q'eqchi Bible

⁵ Lix Bilhá kikanaak sa' yu'am ut kirala jun xk'uula'al laj Jakob.

Li Santil hu

⁵ Ut lix Bilha quicana chi yaj aj ixk. Laj Jacob quicuan li ralal riqꞌuin lix Bilha.

Génesis 30:5 ပူးပေါင်းရင်းမြစ်များ

Hechos 7:8

Kixk'ojob' li Sumwank rik'in ut kixk'e li sirkunsisyon cho'q reetalil. Jo'kan naq, sa' xyo'lajik Isahak, laj Abrahán kixset xtz'uumal li xtz'ejwal sa' li xwaqxaq kutan; ut jo'kan ajwi' kixb'aanu laj Isahak re laj Jakob, ut laj Jakob reheb' li kab'laju chi qaxe' qatoon.

Génesis 30:4

Ut kixk'e lix Bilhá, laj k'anjel chiru, cho'q rixaqil, ut laj Jakob kiwank rik'in.

Génesis 30:6

Toja' naq lix Rakel kixye: “Li Yos tiik xch'ool, xb'aan naq xrab'i xyaab' inkux ut xk'e jun ink'uula'al”. Jo'kan naq aj Dan kixk'e cho'q xk'ab'a' li k'uula'al.

Génesis 35:25

A'aneb' a'in li ralal li kiwank rik'in lix Bilhá, aj k'anjel chiru lix Rakel: laj Dan ut laj Neftalí.

Génesis 46:25

A'aneb' a'in li ralal laj Jakob rik'in lix Bilhá li kik'ehe'k xb'aan laj Labán cho'q aj k'anjel chiru lix Rakel li xrab'in: a'aneb' a'in li ke'yo'laak rik'in. Chixjunileb' a'an wuqub'eb' chi alalb'ej.

Génesis 30:29

Kichaq'ok laj Jakob: “Laa'at nakanaw chanru xink'anjelak chawu ut chanru xk'ihank laaketomq chalen chaq sa' li wokik aawik'in.

Génesis 35:22

Ut naq laj Israel wank sa' li na'ajej a'an, koho laj Rubén chi wark rik'in lix Bilhá, li rixaqil jun chik li xyuwa', ut laj Israel kixnaw a'an.

Números 1:5

A'aneb' a'in li xk'ab'a'eb' li te'tenq'anq eere: “Sa' xteepal Rubén, texxtenq'a laj Elisur, ralal laj Sedewr.

Números 1:38

Li xkomonileb' li ralal xk'ajol laj Dan, chi teep ut chi junqkab'alil, naq ke'tz'iib'aak xk'ab'a'eb' chi junqaleb' chixjunileb' li winq chalen aj junqmay chihab' li yo'ooneb' chi yalok,

1 Crónicas 2:1

Eb' li ralal xk'ajol laj Israel a'aneb' a'in: laj Rubén, laj Simehón, laj Leví, laj Judá, laj Isakar, laj Sabulón,

San Mateo 1:2

Laj Abrahán a'an chaq xyuwa' laj Isahak, laj Isahak a'an xyuwa' laj Jakob, laj Jakob a'an xyuwa' laj Judá jo'wi' eb' li riitz'in.