Génesis 3:8 - Q'eqchi Bible

⁸ Chirix chik a'an ke'rab'i xyaab' roq li Qaawa' Yos yo chi b'eek ewu sa' li awimq, sa' xhonal naq namayusink li iq'. Li winq ut li rixaqil ke'xmuq rib' chiru li Qaawa' Yos sa' xyanqeb' li che', sa' xna'aj li awimq.

Li Santil hu

⁸ Nak ac x-ecuu chic, queꞌrabi nak yo̱ chi be̱c li Ka̱cuaꞌ Dios saꞌ xnaꞌaj li acui̱mk. Li cui̱nk rochben li rixakil queꞌxmuk rib chiru li Ka̱cuaꞌ Dios saꞌ xya̱nkeb li cheꞌ.

Génesis 3:8 ပူးပေါင်းရင်းမြစ်များ

Jeremías 23:24

Ma naru tixmuq rib' junaq poyanam chiwu b'arwi' ink'a' twil ru laa'in? Laa'in wankin yalaq b'ar jo' sa' choxa jo' sa' ruuchich'och' -chan li Qaawa'-.

Proverbios 15:3

Li Qaawa' wank yalaq b'ar ut narileb' li chaab'il ut li ink'a' useb' xch'ool.

Hebreos 4:13

Maa'ani muqmu chiru a'an, chixjunil b'an k'utk'u ut saqenk chiru li Yos li toxqaye wi' qayehom qab'aanuhom.

Romanos 2:15

Neke'xk'ut naq li k'aru yeeb'il xb'aan li Chaq'rab', a'an tz'iib'anb'il sa' xch'ooleb'. A' ajwi' li reek'ob'aal xch'ooleb' jo'wi' li xk'a'uxeb' nach'olob'ank re: wan naq a'an najitok reheb', wan naq a'an nakolok reheb'.

Génesis 3:10

Kichaq'ok a'an ut kixye: “Xwab'i naq yookat chi b'eek sa' li awimq ut xinxiwak xb'aan naq t'ust'uukin; jo'kan naq xinmuq wib'”.

Jonás 1:3

Ab'anan laj Jonás kixkawresi rib' re elelik chiru li Qaawa' ut koho Jope, ut aran kixtaw jun li jukub' xik xik re Tarsis. Kixtoj li xxikik ut ki'ok chisa' re wulak Tarsis, najt rik'in li Qaawa'.

Li xHu LAJ JOB 31:33

Ink'a' xinmuq linmaak jo' neke'xb'aanu li junch'ol chik, chi moko xink'uula sa' linch'ool re naq maa'ani taanawoq re.

Li xHu LAJ JOB 38:1

Toja' naq li Qaawa' kixsume chaq laj Job sa' li kaqsut-iq' ut kixye re chi jo'ka'in:

Deuteronomio 23:14

Li Qaawa' laaYos nab'eek wan wi' li muheb'aal re aakolb'al ut re xq'axtesinkil sa' laawuq' eb' li xik' neke'ilok aawe. Jo'kan naq laamuheb'aal tento naq oxloq'inb'ilaq; li Qaawa' ink'a' naru taaril li ink'a' us aran. Wi taaril li ink'a' us, taarisi rib' aawik'in.

Deuteronomio 5:25

Ab'an anaqwan, k'a'ut naq tookamq? K'a'ut naq tooxsach li xam a'in? Wi toj tqab'i li xyaab' xkux li Qaawa' li qaYos, relik chi yaal naq tookamq.

Deuteronomio 4:33

Ma wank junaq tenamit xrab'i ta jo' naq xawab'i laa'at li xyaab' xkux li yo'yookil Yos chi aatinak sa' xyi li xam, ut kikanaak ta chi yo'yo?

Apocalipsis 6:15

Toja' naq eb' li awab'ej re li ruuchich'och', li ninqeb' xwankil, eb' li xjolomileb' laj puub', eb' li b'ihom, eb' li kaweb' rib' ut chixjunileb' laj loq'b'il k'anjel ut li wankeb' chi ach'ab'anb'il, koxe'xmuqatq rib' sa'eb' li ochoch pek ut sa'atqeb' li saqoonak sa'eb' li tzuul;

Génesis 18:33

Naq kiraqe'k chi aatinak rik'in laj Abrahán, li Qaawa' ki'elk aran ut laj Abrahán kisutq'iik sa' rochoch.

Levítico 26:12

tinwanq sa' eeyanq, ut laa'inaq leeYos ut laa'exaq intenamit.

Oseas 10:8

Te'sachmanq eb' li tijob'aal wankeb' chi tzuul b'arwi' neke'maakob'k eb' laj Israel; k'im ut k'ix taak'iiq sa' xb'eeneb' li artal. Toja' naq te'xye reheb' li tzuul: “Chooheemuq”; ut reheb' li b'ool: “Chex'uq'e'q sa' qab'een”, cha'qeb'.