Génesis 3:24 - Q'eqchi Bible

²⁴ Ut naq ak xrisi li winq, kixk'eheb' li kerubín sa' releb'l saq'e, junpak'al li na'ajej Edén. Kixk'e ajwi' jun ch'iich' nareplotk xxamlel, re naq maajun taa'ok wan wi' li che' re li yu'am.

Li Santil hu

²⁴ Li Dios quirisiheb li cui̱nk ut li ixk. Quixqꞌueheb li querubines aran saꞌ releb sakꞌe saꞌ li naꞌajej Edén. Quixqꞌueheb saꞌ li oqueba̱l re li naꞌajej re nak teꞌril nak ma̱ ani ta̱oc. Ut quixqꞌue jun li chꞌi̱chꞌ yo̱ xxamlel ut yo̱ xsutinquil rib yalak bar re xrambal ru li be re nak ma̱ ani ta̱oc cuan cuiꞌ li cheꞌ li naqꞌuehoc junelic yuꞌam.

Génesis 3:24 ပူးပေါင်းရင်းမြစ်များ

Hebreos 1:7

Chirixeb' li ánjel naxye: “A'an naxtaqlaheb' li ánjel jo'keb' li iq', ut eb' laj k'anjel chiru jo'keb' li raq'xam”.

Salmos 104:4

Nakak'eheb' li iq' cho'q aataql laa'at ut li raq'xam cho'q aj k'anjel chawu.

San Juan 14:6

Kixye li Jesus re: —Laa'in li b'e, li yaal ut li yu'am. Maa'ani naxik rik'in li Yuwa'b'ej, wi ink'a' ta sa' ink'ab'a'.

Salmos 99:1

Li Qaawa' na'awab'ejink, ut neke'xiwak eb' li tenamit. Nak'ojlaak sa' xb'eeneb' li kerubín, ut na'eek'ank chixjunil li ruuchich'och'.

Salmos 80:1

Re li xjolomileb' laj b'ichanel. Taab'ichamanq jo' chanru li xyaab': “Eb' li xliryo li sumwank”. Xsaalm laj Asaf.

1 Samuel 4:4

Toja' naq eb' li tenamit ke'xtaqlaheb' aj k'amonel aran Siló ut ke'xxok chaq li xLoq'laj Kaaxil li xSumwank li Nimajwal Yos, li nahilank sa' xb'eeneb' li kerubín. Eb' li ke'ochb'eenink re li xLoq'laj Kaaxil li xSumwank li Yos, a'aneb' laj Ofní ut laj Pinjás, li wiib' chi ralal laj Elí.

Josué 5:13

Naq laj Josué nach' chik wank rik'in Jerikó, kiril jun li winq xaqxo chiru, wank xch'iich' maak'a' rochoch sa' ruq'. Laj Josué kinach'ok rik'in ut kixye re: “Ma qakomonat laa'at malaj xkomoneb' li xik' neke'ilok qe?”, chan re.

Números 22:23

Naq li b'uur kiril li x'Ánjel li Qaawa' xaqxo sa' xb'e, wank xq'esnal ch'iich' sa' ruq', kixjal li xb'e ut koho chik sa' pim. Toja' naq laj Balaham kixsak' li xb'uur re naq taasutq'iiq wi' chik sa' li b'e.

Éxodo 25:2

“Ye reheb' laj Israel naq te'xyeechi'i xmayejeb' we. Laa'ex teexok cho'q we jo'ch'inal jo'nimal li na'alaak sa' xch'ooleb'.

Génesis 3:23

Jo'kan naq li Qaawa' Yos kirisi li winq sa' li na'ajej Edén, re tixk'anjela li ch'och' li ki'elk wi' chaq.

Génesis 4:1

Li winq kiwank rik'in lix Eva li rixaqil; ut a'in kixsiya laj Kaín: “B'anyox re li Qaawa', xinmaatani jun k'uula'al sa' xk'ab'a' li Qaawa'”, chan li winq.

Génesis 4:14

Anaqwan laa'at tinaawisi sa' li ch'och' a'in ut laa'in tento naq tinmuq wib' chawu. Tinb'eeni wib' jo' aj eelel sa' ruuchich'och', ut yalaq ani taatawoq we, tinxkamsi”.

Ezequiel 10:1

Moqon chik kiwil naq sa' xb'een li kupku li wank sa' xb'eeneb' li kerubín wank kama' jun k'ojarib'aal yiib'anb'il rik'in pek safiro.

Ezequiel 31:11

Jo'kan naq xintz'eq chirix linch'ool, ut tinq'axtesi sa' ruq' li nataqlank sa' xb'eeneb' li xninqal ru tenamit, re naq taa'uxq re jo' chanru li xmaa'usilal.