Génesis 3:22 - Q'eqchi Bible

²² Chirix a'an kixye chi jo'ka'in: “Waye' li winq! Qech yosil chik: naxnaw chik li us ut li ink'a' us! Anaqwan mare anchal tixye' li ruq', tixch'oq ru li che' re li yu'am, tixlow ut taawanq xyu'am chi junelik”.

Li Santil hu

²² Quixye li Ka̱cuaꞌ Dios: —Anakcuan li cui̱nk juntakꞌe̱t chic kiqꞌuin la̱o. Naxnau chic li us ut li incꞌaꞌ us. Tento takisi saꞌ li naꞌajej Edén re nak incꞌaꞌ tixsicꞌ ut tixlou ru li cheꞌ li naqꞌuehoc junelic yuꞌam, ut ta̱cua̱nk lix yuꞌam chi junelic, chan.

Génesis 3:22 ပူးပေါင်းရင်းမြစ်များ

Apocalipsis 2:7

Ani wank xxik, chirab'ihaq li naxye li Musiq'ej reheb' li Iklees: Li taaq'axoq u tink'e chi xtzeka ru li che' nak'ehok yu'am, li wank sa' li xsantil na'aj li Yos».

Apocalipsis 22:14

Us xaq reheb' li neke'xpuch' li raq'eb': chi jo'kan te'ruuq chi tz'aqk rik'in li che' nak'ehok yu'am ut te'ok sa'eb' li rokeb'aal li tenamit.

Apocalipsis 22:2

Ut sa' xyi li nimb'e ut chi xka'pak'alil li nima' wank li che' nak'ehok yu'am: kab'laju sut na'uuchink, junq sut rajlal po, ut eb' li xxaq li che' a'in nak'anjelak cho'q xb'aneb' li tenamit.

Proverbios 3:18

A'an li che' nak'ehok yu'am reheb' li neke'tawok re: us xaq reheb' li neke'eechanink re.

Génesis 2:9

Li Qaawa' Yos kixk'e chi moqk sa' li ch'och' chixjunil li jar paay chi che'ul q'axal ch'ina'us rilb'aleb' ut us chi tzekaak. Sa' xyi xna'aj li awimq kixk'e ajwi' li che' re li yu'am ut li che' re xnawb'al li us ut li ink'a' us.

Génesis 1:26

Toja' naq kixye li Yos: “Qayoob'tesihaq li poyanam jo' qajalam u, jo' qilob'aal laa'o, re taataqlanq sa' xb'eeneb' li kar sa' palaw, sa' xb'eeneb' li xul neke'rupupik chiru choxa ut li wankeb' sa' k'iche', sa' xb'eeneb' li ketomq ut sa' xb'eeneb' chixjunileb' li xul neke'xjukuki rib' chiru ch'och'”.

Génesis 3:5

Naxnaw chi us li Yos naq sa' li kutan teelow wi' li ru li che' a'an taatehonq xsa' leeru. Jo'kaqex chik li Yos; teenaw chik k'aru li us ut li ink'a' us”.

Jeremías 22:23

Anaqwan sa nakathilank sa' laawochoch li yiib'anb'il rik'in yaw li chalenaq Líbano; ab'anan tatyaab'aq naq tolatxtaw li rahilal, jo' naxk'ul li ixq ok re chi alank”.

Salmos 22:26

Tinnima aawu sa' li nimla ch'utam; chiruheb' chixjunil li neke'paab'ank aawe tink'e jo'nimal li xinyeechi'i sa' jurament.

Génesis 3:21

Li Qaawa' Yos kixyiib' raq'eb' li winq ut li rixaqil rik'in rix li xul, ut kixtiqib'eb'.

Génesis 3:23

Jo'kan naq li Qaawa' Yos kirisi li winq sa' li na'ajej Edén, re tixk'anjela li ch'och' li ki'elk wi' chaq.