Génesis 3:15 - Q'eqchi Bible

¹⁵ Tink'e naq xik' teeril eerib' laa'at ut li ixq. Jo'kanaq ajwi' eb' laawal ut eb' li ralal xk'ajol li ixq: ut jun reheb' tixpitz' laajolom naq laa'at taakut aawib' chi rit roq”.

Li Santil hu

¹⁵ Li Dios quixye ajcuiꞌ re li cꞌantiꞌ: —La̱in tinqꞌue raylal saꞌ e̱ya̱nk re nak xicꞌ chic te̱ril e̱rib la̱at ut li ixk. Xicꞌ teꞌril rib la̱ cualal a̱cꞌajol riqꞌuineb li ralal xcꞌajol li ixk. Saꞌ junak cutan la̱at ta̱rahobtesi li rit rok junak reheb li ralal xcꞌajol li ixk, ut aꞌan tixpuqꞌui la̱ jolom.

Génesis 3:15 ပူးပေါင်းရင်းမြစ်များ

Romanos 16:20

Chi jo'kan li Yos li nak'ehok tuqtuukil usilal tixyeq'i laj tza rub'el eeroq chi seeb'. Li rusilal li Qaawa' Jesukriist chiwanq taxaq eerik'in.

1 Juan 3:8

Ani nab'aanunk re li maak a'an re laj tza, xb'aan naq laj tza namaakob'k chalen chaq sa' xtiklajik. A'in aj e naq kolxk'ut rib' li Ralal li Yos, re xsachb'al li xk'anjel laj tza.

Apocalipsis 12:17

Aran kichalk xjosq'il li nimla xul sa' xb'een li ixq ut koho chi xyalb'al xmetz'ew rik'ineb' li ralal xk'ajol li ixq, li jo'k'ihal chik ke'kanaak, a'aneb' li neke'paab'ank re li xchaq'rab' li Yos ut neke'xk'uula sa' xch'ool li xch'olob'ahom li Jesus.

Isaías 7:14

Jo'kan utan, a' ajwi' li Qaawa' tixk'ut cheru jun nimla eetalil. K'ehomaq reetal: li saaj ixq wank sa' yu'am; taawanq jun xk'uula'al teelom, ut Emmanuel tixk'e cho'q xk'ab'a'.

Gálatas 4:4

A'ut naq kixtaw xtz'aqlojik li kutan, li Yos kixtaqla chaq li Ralal, yo'lajenaq rik'in ixq, yo'lajenaq rub'el xwankil li Najter Chaq'rab',

San Juan 8:44

Laa'ex rehex leeyuwa', a' laj tza, ut li naraj leeyuwa' a'an nekeraj xb'aanunkil. A'an aj kamsinel chalen chaq sa' xtiklajik, ut ink'a' kixkuy wank sa' li yaal, xb'aan naq maak'a' li yaal rik'in. Naq naxye li tik'ti', naxye li na'elk chaq rik'in, xb'aan naq aj tik'ti' ut xyuwa'il li tik'ti'.

San Mateo 1:23

“K'ehomaq reetal, li tuq'ixq taawanq sa' yu'am, taarala jun li k'uula'al, ut Emmanuel te'xk'e cho'q xk'ab'a'” (chi jalb'il ru naraj naxye: “Li Yos qik'in”).

San Mateo 13:38

Li ch'och' a'an chixjunil li ruuchich'och'; li chaab'il iyaj a'aneb' li ralal xk'ajol li xnimajwal wankilal li choxa; li yib' aj pim a'aneb' li ralal xk'ajol li maa'us;

1 Juan 3:10

Rik'in a'in nawnookeb' ru li ralal xk'ajol li Yos ut eb' li ralal xk'ajol laj tza: yalaq ani ink'a' nab'aanunk re li tiikilal, moko re ta li Yos; jo'kan ajwi' li ink'a' naxra li ras riitz'in.

San Lucas 10:19

Chek'e reetal, xink'e eewankil chi xyeq'b'aleb' li k'anti' ut laj xook', jo' ajwi' sa' xb'een chixjunil xwankilal li xik' na'ilok eere; ut maak'a' k'aru taarahob'tesinq eere.

Salmos 132:11

Li Qaawa' kixye sa' jurament re laj David, tz'aqal yaal ut ink'a' tixjal xk'a'uxl: “Sa' xyanqeb' li te'yo'laaq aawik'in tinsik' ru junaq li tkanaaq sa' laak'ojarib'aal.

Apocalipsis 20:10

Ut laj tza, li nab'alaq'ink reheb', kikute'k sa' li palaw xam ut asuupr, b'ar wankeb' ajwi' li josq' aj xul ut li propeet aj b'alaq': aran te'rahob'tesiiq chi q'eq ut chi kutan chi junelik q'e kutan.

Colosenses 2:15

Kixjuk' xwankileb' li musiq'ej neke'taqlank ut neke'awab'ejink, kixk'eheb' chi se'eek chiruheb' chixjunil ut kixk'ameb' chirix xb'aan xnimal xwankilal.

Hechos 13:10

ut kixye re: —Ralalat laj tza, nujenaqat rik'in chixjunil li b'alaq'il na'leb' ut maa'usilal, xik' nakawil chixjunil li tiikilal! Jo'q'e taakanab' xpo'b'al li xtiikil b'e li Qaawa'?

Apocalipsis 2:10

Maaxiwa li b'arwan ok aawe chi xkuyb'al: wankeb' sa' eeyanq te'k'ehe'q sa' tz'alam xb'aan laj tza re taayale'q eerix. Teek'ul xninqal rahilal, ab'an ka'ajwi' yal chiru lajeeb' kutan. Tiikaq aach'ool toj reetal sa' laakamik, ut tink'e aawe li Yu'am cho'q aaq'ajkamunkil.

Isaías 53:12

Jo'kan naq tink'e xna'aj sa' xyanqeb' li xninqal ru winq ut tixwotz li sahilal rochb'eeneb' li wankeb' xwankil, xb'aan naq xq'axtesi rib' chi kamsiik ut xk'eemank sa' ajl sa' xyanqeb' laj maak. Relik chi yaal naq xriiqani li xmaak naab'aleb' chi poyanam ut xtijok, x'elajink chirixeb' laj q'etol aatin.

Miqueas 5:3

Jo'kan naq li Yos tixkanab' xjunes li xtenamit toj reetal taa'alanq li ixq li wank sa' yu'am. Toja' naq eb' laj Israel li ke'k'ame'k sa' ab'l tenamit, te'sutq'iiq wi' chik sa' xyanqeb' li rech tenamitul.

Jeremías 31:22

Jo'q'e taakanab' xb'eeninkil aawib' jo' junaq q'etq'et aj tuq'ixq? Xb'aan naq li Qaawa' xyoob'tesi ak' na'leb' sa' ruuchich'och': a' chik li ixq nasik'ok re li winq”.

1 Juan 5:5

Ani naq'axok ru li ruuchich'och'? Ma ink'a' tab'i' li naxpaab' naq li Jesus a'an li Ralal li Yos?

Hebreos 2:18

Ut anaqwan naru xtenq'ankileb' li yookeb' raalenkil, xb'aan naq a'an ajwi' kixkuy li ra naq ki'aaleek.

Efesios 4:8

Jo'kan naq naxye li Santil Hu: “Naq kitaqe'k sa' choxa, kixk'ameb' chirix li wankeb' sa' tz'alam ut kixk'e xmaataneb' li poyanam”.

Apocalipsis 13:7

Kik'ehe'k xwankil chi yalok rik'ineb' li sant ut xq'axb'al ruheb', jo' ajwi' kik'ehe'k xwankil sa' xb'een chixjunileb' li xteepal ut li xtenamit li ruuchich'och', yalaq chanru neke'ilok ut neke'aatinak.

Hebreos 5:7

Chiru li xyu'am arin sa' ruuchich'och', li Kriist kitz'aamank ut ki'elajink chi kaw xyaab' xkux ut rik'in xya'al ru chiru li Yos, li wank xwankil chi kolok re chiru li kamk, ut ki'ab'iik xb'aan naq tiik xch'ool.

San Lucas 22:53

Rajlal kutan xinwank chaq sa' eeyanq sa' rochoch li Yos, ut ink'a' xetaqsi chaq leeruq' chinchapb'al; ab'anan a'an a'in leehonal, naq nanumtaak xwankil li aak'ab'.

San Mateo 23:33

“Ex k'anti', ralex q'anb'olay! Chanru naq tex'eleliq chiru li tojb'amaak sa' xb'alb'a?

San Mateo 12:34

Ex ral q'anb'olay, chan ta wi' ru naq teeye chaab'il aatin, naq moko usex ta? Xb'aan naq rik'in li xnumnujenaqil li ch'oolej na'aatinak li xtz'uumal re li winq.

San Mateo 3:7

Ab'an naq kiril naq naab'aleb' laj Pariseey ut laj Saduseey yookeb' chi chalk rik'in re raj naq te'kub'siiq xha', kixye reheb': “Ex ral q'anb'olay, ani xk'utuk cheru elelik chiru li josq'il chaalel sa' eeb'een?

Romanos 3:13

Li xxololeb' chanchan teetookil muqleb'aal; rik'in ru'ujeb' raq' neke'ok chi b'alaq'ik. Xmay k'anti' li wank chi xtz'uumal reheb'.

San Lucas 1:76

Ut laa'at, k'uula'al, xpropeet li Nimajwal taak'ab'a'in, xb'aan naq tatxik chi uub'ej chiru li Qaawa' chi xkawresinkil li xb'e,

San Marcos 16:18

te'chapoq k'anti' rik'in ruq'eb' ut, wi te'ruk' k'a'aq re ru nakamsink, maak'a' te'xk'ul; te'xk'e li ruq' sa' xb'eeneb' li yaj ut te'k'iraaq”.

San Mateo 1:25

Ut chi ink'a' kiwank rik'in, lix María kirala jun xk'uula'al, Jesus kik'ehe'k cho'q xk'ab'a'.

Génesis 49:17

Laj Dan kama'aq taxaq junaq k'anti' chire b'e, kama'aq jun kaqwaal sa' ruq' b'e, li naxtiw roq li kawaay re naq taat'ane'q chi pak'po li winq.

Daniel 9:26

Naq akaq xnume'k eb' li kab'laju xkaak'aal xamaan a'an, taakamsiiq laj jolominel sik'b'il ru, us ta maak'a' xmaak; ut jun xnimal ru winq taachalq rochb'eeneb' laj puub' ut tolxjuk' Jerusalén jo'wi' li santil Muheb'aal. Li roso'jik taachalq sa' junpaat, kama' li b'ut', ut li yalok jo'wi' eb' li rahilal ak yeeb'il te'wanq toj sa' xraqik.

Amós 9:3

Wi te'xmuq rib' sa' xjolom li tzuul Karmeel, toj toxinsik'eb' ajwi' chaq aran ut teb'inchap chaq; ut wi te'xmuq rib' chiwu sa' xchamal li palaw, tintaqla li xk'anti'il li ha' chi xtiwb'aleb'.

San Lucas 24:27

Ut kixtikib' rik'in laj Moisés ut chixjunileb' li propeet, kixch'olob' chiruheb' li yeeb'il chirix sa' chixjunil li Santil Hu.