Génesis 3:10 - Q'eqchi Bible

¹⁰ Kichaq'ok a'an ut kixye: “Xwab'i naq yookat chi b'eek sa' li awimq ut xinxiwak xb'aan naq t'ust'uukin; jo'kan naq xinmuq wib'”.

Li Santil hu

¹⁰ Ut laj Adán quichakꞌoc ut quixye: —Xcuabi nak yo̱cat chi be̱c saꞌ xnaꞌaj li acui̱mk. Ut xinxucuac xban nak tꞌustꞌu̱quin. Xinmuk cuib cha̱cuu, chan.

Génesis 3:10 ပူးပေါင်းရင်းမြစ်များ

Génesis 2:25

T'ust'uukeb' chaq chi xkab'ichaleb' li winq ut li rixaqil, ab'an ink'a' neke'xxutaana rib'eb'.

Isaías 57:11

“K'a' chi yosil xxib'esink aawe ut xatxiwak xb'aan naq xinaab'alaq'i ut xinsachk sa' laach'ool chi junajwa? Ma yal xb'aan naq maak'a' ninye aawe chalen chaq junxil naq ink'a' xaxiwa wu?

Isaías 47:3

Tatkanaaq chi t'ust'u re xk'utb'al aaxutaan. Tink'e reeqaj li xab'aanu we ut maajun taaramoq chiwu”.

Salmos 119:120

Naxsiksiki rib' linjunxaqalil chawe chawu; k'ajo' naq nachalk inxiw xb'aan laachaq'rab'!

1 Juan 3:20

us ta nokooxq'us li qach'ool, ab'an li Yos nim xwankil chiru li qach'ool ut naxnaw chixjunil.

Li xHu LAJ JOB 23:15

Jo'kan naq ninxiwak chiru: naq nink'oxlak chirix li Yos, k'ajo' naq nachalk inxiw.

Éxodo 3:6

Kixye ajwi': “Laa'in li xYos laayuwa'; laa'in li xYos laj Abrahán, laj Isahak ut laj Jakob”. Toja' naq laj Moisés kixmuq li ru xb'aan naq kixxiwa rilb'al li Yos.

Isaías 33:14

Xsachk xch'ooleb' laj maak li wankeb' Sión, k'ajo' naq kichalk xxiweb' li ink'a' useb' xna'leb': “Ani qe tixkuy wank sa' li xam nasachok? Ani taaruuq chi wank sa' li xam li ink'a' nachupk?”, chankeb'.

Apocalipsis 16:15

“K'ehomaq reetal, laa'in tinchalq jo' junaq aj elq'. Us xaq re li yooq chi yo'lek ut tixk'uula li raq', re naq ink'a' taab'eeq chi t'ust'u ut ink'a' taa'ile'q li xxutaan”.

Éxodo 32:25

Kiril laj Moisés naq ink'a' chik ch'olch'o xna'leb'eb' li tenamit (xb'aan naq laj Aharón kixkanab'eb' chi xloq'oninkil li yiib'anb'il yos, sa' xyanqeb' li xik' neke'ilok reheb');

Génesis 3:7

Toja' naq ke'tehonk xsa' li ruheb' chi xkab'ichaleb' ut ke'xk'e reetal naq t'ust'uukeb': jo'kan naq ke'xb'oj xxaq li xche'el li iig ut ke'xtz'ap rib' chiru.

Génesis 3:11

Kixye li Yos: “Ani xk'ehok chanaw naq t'ust'uukat? Malaj xalow ru li che' li xinye aawe naq ink'a' taatzeka?”.

Éxodo 20:18

Chixjunileb' li tenamit ke'xk'e reetal li kaaq ut li raq'kaaq, li xyaab' tronpeet ut li xsib'el li tzuul; ke'siksotk xb'aan xxiweb' ut ke'kanaak chi najt:

Éxodo 20:19

“Aatinan laa'at qik'in ut tatqab'i; ab'an mooraatina li Yos: mare anchal tookamq”, chankeb' re laj Moisés.

Deuteronomio 5:25

Ab'an anaqwan, k'a'ut naq tookamq? K'a'ut naq tooxsach li xam a'in? Wi toj tqab'i li xyaab' xkux li Qaawa' li qaYos, relik chi yaal naq tookamq.

Li xHu LAJ JOB 31:33

Ink'a' xinmuq linmaak jo' neke'xb'aanu li junch'ol chik, chi moko xink'uula sa' linch'ool re naq maa'ani taanawoq re.