Génesis 28:3 - Q'eqchi Bible

³ A' taxaq li Nimajwal Yos chi'osob'tesinq aawe, chixk'e taxaq aawalal aak'ajol, ut chatk'ihanq re naq laa'ataq xnimal xteepaleb' tenamit.

Li Santil hu

³ Li Ka̱cuaꞌ Dios, li kꞌaxal nim xcuanquil, aꞌan taxak ta̱osobtesi̱nk a̱cue ut tixqꞌue chi qꞌuia̱nc la̱ cualal a̱cꞌajol. Riqꞌuineb aꞌan teꞌcua̱nk li ni̱nki tenamit.

Génesis 28:3 ပူးပေါင်းရင်းမြစ်များ

Génesis 48:3

ut kixye re laj José: “Li Nimajwal Yos kixk'ut rib' chiwu aran Lus, sa' xteepal Kanahán, kinrosob'tesi

Génesis 35:11

Chirix chik a'an kixye: “Laa'in li Nimajwal Yos. Chiwanq aawalal aak'ajol ut chatk'ihanq. Jun tenamit ut xk'ihaleb' li poyanam te'yo'laaq aawik'in, ut wankeb' awab'ej te'elje'q aawik'in.

Génesis 13:16

Tink'eheb' chi k'ihank laawalal aak'ajol jo' li xpojtz'il li ch'och'. Wi ta junaq taaruuq rajlankil li xpojtz'il li ch'och', truuq raj ajwi' rajlankileb' laawalal aak'ajol.

Génesis 9:1

Li Yos kirosob'tesi laj Noé ut eb' li ralal xk'ajol, ut kixye reheb': “Chiwanq eeralal eek'ajol, chexk'ihanq ut chenujob'resi li ruuchich'och'.

Génesis 1:28

Li Yos kirosob'tesiheb' ut kixye reheb': “Chiwanq eeralal eek'ajol, chexk'ihanq, chenujob'resi li ruuchich'och' ut chereechanihaq. Chextaqlanq sa' xb'eeneb' li kar sa' palaw, sa' xb'eeneb' li xul li neke'rupupik chiru choxa ut sa' xb'eeneb' chixjunil li xul li neke'xjukuki rib' chiru ch'och'”.

Génesis 43:14

A' taxaq li Nimajwal Yos chitenq'anq eere re naq usilal teetaw chiru li winq a'an: chirach'ab' taxaq leeriitz'in jun chik jo' ajwi' laj Benjamín. Ut laa'in k'a' ta ru tinye? Wi te'sachq chiwu eb' li walal, maak'a' xja'lenkil”, chan laj Jakob.

Génesis 41:52

Li xkab' ralal, aj Efraín kik'ehe'k cho'q xk'ab'a', xb'aan naq laj José kixye sa' xch'ool: “Li Yos xinxk'e chi k'ihank sa' li tenamit xink'ul wi' li rahilal”.

Génesis 24:60

Ke'rosob'tesi lix Rebeka ut ke'xye re: “At qanab', chatk'ihanq chi k'iila o'q'ob', ut eb' laawalal aak'ajol che'eechaninq re li xtenamiteb' li xik' neke'ilok reheb'”.

Apocalipsis 21:22

Ab'anan ink'a' kiwil li rochoch li Yos sa' li tenamit, xb'aan naq li Qaawa', li Nimajwal Yos, jo' ajwi' li Karneer a'aneb' li Santil Ochoch aran.

2 Corintios 6:18

laa'inaq leeyuwa' ut laa'exaq li walal ink'ajol, chan li Qaawa' nim xwankil”.

Salmos 127:3

Li qakok'al a'aneb' li rosob'tesihom li Qaawa', eb' li qalal qak'ajol a'aneb' li qaq'ajkamunkil.

Éxodo 6:3

Xink'ut wib' jo' Nimajwal Yos chiru laj Abrahán, laj Isahak ut laj Jakob, ab'anan ink'a' xink'eheb' chixnaw lintz'aqal k'ab'a': a' li Qaawa'.

Salmos 127:1

B'ich re li taqsink. Xsaalm laj Salomón. Wi li Qaawa' ink'a' naxyiib' li kab'l, maak'a' aj e naq neke'xtawasi rib' laj kab'lanel. Wi li Qaawa' ink'a' naxk'aak'ale li tenamit, maak'a' aj e naq nayo'lek laj k'aak'alehom re.

Génesis 17:20

Xwab'i ajwi' li xapatz' chirix laj Ismael. Matk'oxlak. Twosob'tesi, tink'e chi pukank eb' li ralal xk'ajol. A'anaq jun nimla tenamit ut a'anaq ajwi' xyuwa' kab'laju chi xninqal ru winq.

Génesis 26:4

Tink'ihob'resi eb' laawalal aak'ajol, kama'aqeb' li chahim sa' choxa, ut tink'e chixjunil li ch'och' a'in reheb' laawi aamam, ut sa' xk'ab'a'eb' a'an osob'tesinb'ilaqeb' chixjunil li tenamit sa' ruuchich'och',

Génesis 26:24

Sa' ajwi' li q'oqyink a'an li Qaawa' kixk'ut rib' chiru ut kixye re: “Laa'in li xYos laj Abrahán laayuwa'. Matxiwak xb'aan naq laa'in wankin aawik'in. Tatwosob'tesi ut tink'ihob'resi eb' laawalal aak'ajol sa' xk'ab'a' laj Abrahán, laj k'anjel chiwu”.

Génesis 27:33

Toja' naq laj Isahak taasiksotq chi sachso li xch'ool ut kixye: “Ani put li xk'am chaq chintzeka li xyohom? Xb'aan naq, toj maji' nakatk'ulunk laa'at, xinwa'ak laa'in ut xinwosob'tesi a'an, ut osob'tesinb'ilaq chi junelik”.

Génesis 48:4

ut kixye we: «K'e reetal: laa'in tink'eheb' chi k'ihank ut chi pukank eb' laawalal aak'ajol. Aawik'in twisi jun xnimal xteepaleb' chi tenamit, ut li ch'och' a'in tink'e chi junajwa reheb' li te'yo'laaq aawik'in».

Génesis 49:25

sa' xk'ab'a' li xYos laayuwa', xb'aan naq a'an taatenq'anq aawe; sa' xk'ab'a' li Nimajwal Yos, xb'aan naq a'an taa'osob'tesinq aawe rik'in rosob'tesinkil li choxa toj taqe'q, rik'in rosob'tesinkil li xchamal li palaw ut rosob'tesinkileb' li ixq li neke'alank ut neke'tu'resink.

Éxodo 1:7

ab'anan eb' laj Israel ke'alank ut ke'naab'alo'k. K'ajo' naq ke'k'ihank ut ke'xtaw xwankilaleb': ke'xnujob'resi chixjunil li tenamit!

Li xHu LIX RUT 2:4

Sa' li honal a'an, laj Bohos yo chaq chi chalk Belén chi rilb'aleb' laj k'anjel. Kixk'e xsahilaleb' xch'ool laj sik'ol seb'aad ut kixye reheb': —Eerik'inaq taxaq li Qaawa'. —Li Qaawa' chi'osob'tesinq aawe, chankeb' a'an.