Génesis 28:16 - Q'eqchi Bible

¹⁶ Naq laj Jakob ki'ajk ru sa' xmatk', kixye: “Relik chi yaal naq wank li Qaawa' sa' li na'ajej a'in, ut laa'in ink'a' xinnaw!”.

Li Santil hu

¹⁶ Laj Jacob qui-aj ru ut quixye: —Relic chi ya̱l nak li Ka̱cuaꞌ Dios cuan saꞌ li naꞌajej aꞌin. Ut la̱in incꞌaꞌ xinnau nak xin-oc chi hila̱nc arin, chan.

Génesis 28:16 ပူးပေါင်းရင်းမြစ်များ

Josué 5:15

Ut li najolomink reheb' li xk'iila ánjel li Qaawa' kixsume laj Josué: “Isi laaperxaab' chawoq xb'aan naq li na'ajej wankat wi' a'an loq'”, chan. Ut laj Josué kixb'aanu jo' kiyehe'k re.

Éxodo 15:11

“Ma wank junaq Yos kama' laa'at, at Qaawa'? Ani sant ut nim xloq'al jo' laa'at, xiwajel xb'aan laasachb'ach'oolej, at aj b'aanuhom xninqal eetalil?

Éxodo 3:5

Toja' naq li Qaawa' kixye: “Matjilok chaq. Isi laaperxaab' chawoq, xb'aan naq li na'ajej wankat wi' a'an santil ch'och'”.

Li xHu LAJ JOB 33:14

Li Qaawa' na'aatinak chi k'iila paay ru, ab'anan ink'a' naqak'e reetal.

Li xHu LAJ JOB 9:11

Wi li Yos nanume'k chink'atq, ink'a' nawil ru; naxmesesi rib' wik'in, ut ink'a' nink'e reetal.

Isaías 8:13

A' li Nimajwal Yos, li q'axal Sant, A'an teexiwa ut teeroxloq'i ru.

Salmos 68:35

Chek'e reetal li xnimal xwankil li Qaawa': nalemtz'unk li xloq'al sa' xb'eeneb' laj Israel, ut li xnimal xwankil nawulak toj sa' li choql.

Éxodo 3:4

Naq li Qaawa' kiril laj Moisés naq yo chi nach'ok chi rilb'al, kixb'oq toj sa' xyi li k'ix ut kixye: “Moisés! Moisés!”. Kichaq'ok a'an: “We'kin”, chan.

Josué 5:13

Naq laj Josué nach' chik wank rik'in Jerikó, kiril jun li winq xaqxo chiru, wank xch'iich' maak'a' rochoch sa' ruq'. Laj Josué kinach'ok rik'in ut kixye re: “Ma qakomonat laa'at malaj xkomoneb' li xik' neke'ilok qe?”, chan re.

1 Reyes 3:15

Naq ki'ajk ru laj Salomón, kixk'e reetal naq a'an yal jun matk'! Toja' naq kiwakliik ut koho Jerusalén. Koxxaqab' rib' chiru li xLoq'laj Kaaxil li xSumwank li Qaawa', kixyeechi'i xk'atb'il mayej ut kimayejak ajwi' chirix li k'amok ib' sa' usilal rik'in li Yos; chirix chik a'an kixk'uub' jun ninq'e cho'q reheb' chixjunileb' laj k'anjel chiru.

Salmos 139:7

Ma truuq tab'i' tinxik chi najt chiru laaloq'laj musiq'? Ma truuq tab'i' tin'eleliq chawu laa'at?

Jeremías 31:26

Toja' naq ajaamil wu ut kiwulak chiwu linmatk'.

Números 12:6

“Ab'ihomaq li tinye eere -chan li Yos-. Wi wank sa' eeyanq junaq propeet, laa'in tink'ut wib' chiru sa' nab'uuch, ut tin'aatinaq rik'in sa' xmatk'.