Génesis 27:41 - Q'eqchi Bible

⁴¹ Chalen sa' li kutan a'an laj Esaú ki'ok chi xxik'b'al rilb'al laj Jakob xb'aan li osob'tesiik xk'ulum rik'in li xyuwa'. Ut kixye sa' xch'ool: “Taanach'oq chaq li xkamik linyuwa'. Toja' naq tinkamsi laj Jakob li wiitz'in”, chan sa' xch'ool.

Li Santil hu

⁴¹ Cꞌajoꞌ nak quijoskꞌoꞌ laj Esaú saꞌ xbe̱n laj Jacob xban nak qui-osobtesi̱c xban lix yucuaꞌ. Quixye saꞌ xchꞌo̱l: —Chi se̱b nacuulac xkꞌehil nak ta̱ca̱mk lin yucuaꞌ. Chirix aꞌan tincamsi li cui̱tzꞌin, chan laj Esaú.

Génesis 27:41 ပူးပေါင်းရင်းမြစ်များ

Génesis 37:4

Naq eb' li ras ke'xk'e reetal naq q'axal raaro laj José xb'aan li xyuwa' chiru chixjunileb' li ralal, xik' neke'ril ut tik ink'a' chik neke'raatina.

Eclesiastés 7:9

Matjosq'o'k sa' junpaat, xb'aan naq li josq'il wank sa' xch'ooleb' li jipeb'.

Proverbios 6:14

Yib'ru li xna'leb': junes maa'usilal wank sa' xch'ool ut junelik yo chi xyoob'ankil raaxiik'.

Génesis 37:8

Toja' naq eb' li ras ke'xye re: “Ma laa'at tab'i' tat-awab'ejinq qe malaj toohaak'e rub'el laawankil?”, chankeb'. Ut q'axal chik xik' neke'ril xb'aan li xmatk' ut eb' li raatin.

Génesis 32:6

Naq eb' li taql ke'sutq'iik chaq rik'in laj Jakob, ke'xye re: “Xoowulak rik'in laj Esaú laawas, ut a'an chalk re chak'ulb'al rochb'eeneb' jun o'q'ob' (400) chi winq”.

Tito 3:3

Xb'aan naq junxil xoowank ajwi' chaq laa'o sa' xmaak'a'il qana'leb' ut sa' li q'etb'a aatin; xqak'e qib' chi b'alaq'iik, b'ak'b'ooko chaq chi k'anjelak chiru yalaq k'a' chi maa'usilal nawulak chiru li tz'ejwalej, xqanumsi li kutan chi lab'alink ut kaqalink, tz'eqtaananb'ilo jo'wi' naqatz'eqtaana chaq qib' chiqib'il qib'.

Ezequiel 35:5

«Laa'at junelik xik' xawileb' laj Israel ut xatyalok rik'ineb' sa' xhonalil li raaxiik', sa' xraqb'al xb'aanunkil li maa'usilal.

Proverbios 1:16

xb'aan naq neke'xseeb'a rib' chi xb'aanunkil li maa'usilal ut chi xkamsinkil li ras riitz'ineb'.

Salmos 142:3

Chiru linYos ninyaab'ak ut nintz'uyink, ut ninch'olob' li rahilal yookin xk'ulb'al,

Salmos 37:16

Us ta kach'in ajwi' li k'aru re li tiik xch'ool, ab'an q'axal us wi' chik chiru xb'ihomaleb' laj maak,

Salmos 35:14

Ninxik ninchalk chi lumluukin, chi ra sa' inch'ool. K'ajo' naq xyot'e'k li waanm kama' wi' xkamk linna', li was, malaj junaq wamiiw.

2 Crónicas 35:24

Tikto eb' laj k'anjel chiru ke'risi laj Josías sa' li b'eleb'aal ch'iich' wan wi' ut ke'xq'axtesi sa' li b'eleb'aal ch'iich' jun chik; ke'xk'am Jerusalén ut aran kikamk. Ke'xmuq sa' li xmuqleb'aaleb' li xna' xyuwa' ut chixjunileb' laj Judá ut eb' laj Jerusalén ke'yaab'ak chirix laj Josías.

Deuteronomio 34:8

Lajeeb' xka'k'aal kutan ke'xyaab'a rix li xkamik laj Moisés eb' laj Israel, sa' xtaq'ahil Mohab, toj reetal kiraqe'k li xkutankil li rahil ch'oolejil.

Génesis 35:29

naq ki'elk li xmusiq' ut kikamk: koxjunaji rib' rik'ineb' li xxe'toonil yuwa' chi ak tiix chi us ut xikenaq xhab'. Ut kimuqe'k xb'aan laj Esaú ut laj Jakob, eb' li ralal.

Génesis 32:11

Chinaakol taxaq sa' ruq' li was, sa' ruq' laj Esaú, xb'aan naq ninxiwa ru: mare anchal taachalq ut tinxsach wochb'eeneb' li ixq ut eb' li kok'al.

Génesis 27:42

Naq lix Rebeka kirab'i resil li k'aru yo chi xyeeb'al laj Esaú li asb'ej, kixtaqla xb'oqb'al laj Jakob li iitz'inb'ej ut kixye re: “K'e reetal naq laj Esaú laawas traj xk'eeb'al reeqaj li kixk'ul, ut traj aakamsinkil.

Génesis 32:3

Laj Jakob kixtaqlaheb' xtaql chi uub'ej rik'in laj Esaú li ras, sa' li na'ajej Seír, sa' xteepal Edom,

Génesis 50:2

Chirix chik a'an kixtaqlaheb' laj b'anonel aj k'anjeleb' chiru chi xyulb'al li xyuwa' sa' sununkil b'an. Ut eb' laj b'anonel ke'xb'aanu chi jo'ka'in.

Génesis 37:18

Toj najt ajwi' wank laj José naq eb' a'an ke'ril ru ut, maji' nawulak wankeb' wi', ke'xk'uub' xkamsinkil,

Génesis 50:15

Naq eb' li ras laj José ke'ril naq ak xkamk li xyuwa'eb', ke'xye chirib'ileb' rib': “Mare toj yo xjosq'il laj José sa' qab'een ut tixk'e reeqaj chixjunil li rahilal xqab'aanu re”.

Proverbios 18:19

Moko ch'a'aj ta xjuk'b'al junaq suttz'ak chiru xk'ojob'ankil xch'ool junaq amiiw li xhob'e'k ut ra xk'ul. Li wech'ij ib' naxram li aatin kama' wi' xnat'b'al rix li okeb'aal.